جهز مشروبك المفضل وهيا بنا لنبدأ قراءة الجزء الثالث من رواية عادت لكي تنتقم للكاتبة المبدعة أميرة رمضان حيث سنري الكثير من المواقف الرائعة الحلوة داخل الرواية ، لذلك دعونا لا نضيع وقت كثير في المقدمات ونبدأ قراءة احداث الجزء في السطور التالية .
الجزء الثالث من رواية عادت لكي تنتقم
(بتصحي ياسمين علي صوت التليفون واول مبتفتح عنيها بتفاجي انه يونس)
ياسمين ،عقبااالك
يونس ، عقبال مين 
ياسمين ، اعاااا والله مش عارف بقول اي اقصد انت مين
يونس ، مين اي يخربيتك انتي شاربه حاجه
ياسمين ، اقسم بالله عايزه اقولك وحشتني عامل اي
يونس ، اخيرا فوقتي يخربيتك لما بتصحي من النوم بتبقي عامله زي المضروبه علي دماغك
ياسمين ، يعني انا مستنيه المكالمه دي من زمان وانت مترنش غير وانا نايمه ينفع كده مكنتش عارفه اركز بس والله وحشتني اوي ي يونس
يونس ، وانتي ي قلبي وحشاني اووووي اوووي وامي وحشاني جدااا واكلها واحشني اكتر
ياسمين ،ايوا قول كده بقي انت مش واحشك غير الاكل صح
يونس ، اشمعني ي اختي دي الركزتي فيها منتي من اول المكالمه تركيزك منعدم
ياسمين ، اي ده المنعدم
يونس ، تركيزك
ياسمين ، مالو
يونس قفل الفون في وشها
يونس، عمر انا عايز المراقبه تزيد شويه عشان خلاص فاضل تكه
نتعرف بالبطل ***(يونس عمران الدمنهوري 26سنه طول بعرض شعر اسود بشره قمحيه عينه عسلي (يخربيت جمال امه)
_____________________
عند مرام صحت و جهزت ونزلت
خالد ، تعالي افطري الاول ي مرام
مرام، مش جعانه المهم هتعرفني الشغل ايمتي
خالد ، استنيني في المكتب
وبعد خمس دقايق دخل خالد المكتب
وعطي لمرام ورقه وصور
خالد ، عايزينك تهربي السلاح ده للمكان ده ودي الناس الهتستلمو منك
شافت مرام الورق وقالت هسلمو ايمتي
خالد ، يوم الاحد وانهارده التلات يعني بعد خمس ايام هتم العمليه الساعه كام لسه مش متحدد بس انتي جهزي نفسك
مرام ، ومين الهيكون معايا
خالد ،هيبقي معاكي اتنين هيشيلو السلاح ويستلمو الفلوس معاكي
خالد ،اتفضلي
مرام ،اي ده
خالد، ده مسدس هيبقي معاكي
مرام ، ماشي ،وبصت علي الورق وقالت الطريقه دي سهل جدا اننا نتكشف انا عندي طريقه احسن
خالد، اي هي
مرام، مش شغلك انك تعرف الطريقه انت ليك بس ان شغلي يتم علي اكمل وجه
خالد رفع ايدو باستسلام وقال حقك
مرام ، سيبني انا بقي ادرس العمليه دي كويس
خالد ،معاكي وقت لحد ميعاد العمليه ادرسيها براحتك
________________________________
عند بيت سيف العطار
صحت رغد علي صوت والدتها
رغد ،خلااااااااص قومت اهو هو انتي مش قادره علي ابنك جايه تتشطر عليا
ليلي ، اعمل فيكم اي دانا لو مخلفه جوزين حمام كانو نفعوني
رغد ،الله فتحتي نفسي والنبي ي ماما تعمليلنا انهارده حمام محشي
ليلي ، هو انتي نفسك مفتوحه24ساعه في 24حتي وانتي قايمه من النوم
رغد ،وهي بتخمس في وش امها الله اكبر عليا
ليلي ، هتتحسدي علي اي ي موكوسه انتي قومي ي بت اتحركي من مكانك
رغد ، خلاص قومت اهووو
ودخلت الحمام وطلعت لبست اسدالها وصلت الصبح وبعدها لبست واستعدت للجامعه ونزلت
رغد ،هو لسه البيه ابنك نايم
ليلي ،عادتو ولا هيشتريها
رغد ،استني علياا وشمرت دراعها وقالت استعني علي الشقي بالله
ودخلت اوضه سيف ومسكت كوبايه مايه وكبتها علي وش
سيف بخضه، اااااااااااااي وقام بسرعه من علي السرير و شاف رغد قدامه اتعصب اوي وجري وراها
رغد ،يالهوووووي الحقووووووووني
واستخبت ورا امها الحقيني ي مامااااااااا
سيف بعصبيه ،ابعدي ي امي
ليلي ، اهدي بس يبني خساره تودي نفسك في داهيه عشان حماره زي دي
سيف بصوت عالي، انا مش عارف اي الجموسه الجيباها دي حد يصحي حد كددددددده ي بت والله ايدي متمسكك لاعمل منك شاورما
رغد باستفزاز ،الله بحبها اوووي
سيف ،رغددددددد
ليلي ، لاء دي سيبهالي انا بقي ولفت لرغد عشان تضربها
رغد ، اااااااعااااااا وجرت خدت شنطتها وطلعت بره البيت
رغد ،انا ماشيه علي الجامعه دانتو عيله مجانيييين
سيف ،والله مفي حد مجنون الا انتي ربنا يشفي
ليلي ،خلاص ي حبيبي اهدي اهي غارت في داهيه
سيف، استغفر الله العظيم انا طالع البس ي امي جهزيلي الفطار علي مخلص
_________________________________
في بيت عمران الدمنهوري قبل ساعه
صحت يا سمين علي صوت والدها يلا ي يسمينا عشان اخدك معايا في طريقي
ياسمين ،ماشي وبصت قدامها
عمران ، اي ي بت في اي
ياسمين ، مش عارفه تقريبا كنت بحلم اني بكلم يونس
عمران ، بتحلمي ؟!يبقي عندو حق انه يقفل الموبايل في وشك
ياسمين بلهفه ،ااااي ده انا كنت بكلمو بجد طب هات الفون ارن عليه
عمران، بعد اي خلاص موبايله اتقفل
ياسمين بضيق ، طب لييييه
عمران ،عشان عنده عمليه مهمه وقبل ميطلعها اتصل يطمن علينا
ياسمين ،حد يتصل في وقت زي ده
عمران بقله صبر ، معلش المره الجايه يبقي نقوله ميرنش في الوقت ده تاني عشان الهانم نايمه صبرني ياااارب
قامت ياسمين وجهزت وصلت الصبح وكانت نازله علي السلالم وشافت رغد داخله من الباب
رغد، سلام علييييكو
زهره ، حبيبت قلبي وعليكم السلام
ولسه هتقول لها اتفضلي افطري ولكن قبل متتكلم قعدت رغد علي الاكل
رغد ، بسملله اتفضلو ي جماعه بيتكم متتكسفوش وبدءت تاكل
منور ي عمي وحشني والله
عمران بضحك ،بنورك ي بنتي
ياسمين ، اي ي رغد انتو معندكمش اكل ولا اي
زهره، عيب ي بت
رغد ، سيبك منها ي عمتو اعمل فيهم اي في البيت طردوني
زهره ، ليه ي قلب عمتك
رغد ، ابدا والله كنت بصحي سيف وبعدها قام جري ورايا و امي اتقلبت عليا وكانو هيبلعوني بس هربت منهم الحمد لله
ياسمين ، وهما هيضربوكي لله في لله كده
رغد ، هو انتي تعرفي عني ان انا اعمل حاجه كده ولا كده
ياسمين ،عيب عليكي ،دانا معرفش عنك غير كده
وخلصو الفطار
رغد ، والنبي ي عمو خدني في طريقك
عمران ، لاء ي رغد بقولك اي انتي انهارده جايه علينا بخساره
رغد ، والله مش هاخد مكان كبير ان شالله حتي تحطني علي الطابلو قدامك
ياسمين ، يلا ي بابا نخدها معانا وامرنا لله دي مهما تعمل معاها كده كده لازقه
وركبو العربيه التلاته وفي الطريق رنت رغد علي سيف وفتحت الاسبيكر وقربت التليفون من عمران
سيف اول مشاف رقمها اتعصب
سيف ، عايزه اي ي كلبه ي زباله انتي وربنا لما ترجعي لاوريكي النجوم في عز الضهر
رغد ، شفت ي عمو هيعمل فيا اي المفتري مش كفايه انه طلعني الصبح من غير فطار
عمران ، عارف ي سيف لو قربتلها انا هعمل فيك اي
سيف ، اي ده وبدء يتكلم بصعوبه حضرت اللواء انا بس كنت….. قاطعه عمران وقال،انا مش هعيد كلامي مرتين
رغد ، اطردو من الشغل ي عمو وريح نفسك هو اصلا فاشل ملوش لازمه
سيف ، شايف حضرتك بتقول اي
عمران ،عندها حق هو مين يعني طايقك
ياسمين ، اي ي بابا متقولش كده سيف مفيش زيه
سيف ، ربنا يخليكي ليا ي قلبي
رغد ،يختي ع المحن طب بزمتك هو رن صبح عليكي انهارده
ياسمين ،سكتت
رغد اهو شفتي عشان تيقي تدافعي عنه حلو
سيف ، ياسمين انا مش قولتلك اقطعي علاقتك بالبت دي وربنا هتخرب علينااااا
_________________________
عند مرام
جات روان عند مرام وهي شايله صنيه عليها فطار
روان، تعالي كلي
مرام ، معلش ي روان مش قادره
روان ، انا مكلتش وجايه اكل معاكي متقوليش لاء وتعالي بقي
مرام ابتسمت علي اهتمام روان بيها وقامت تاكل معاها
“”(وعدت فتره قبل العمليه ومفيش حاجه جديده حصلت مرام مشغوله في العمليه
وسيف وعمران هما كمان بيشتغلو علي عمليه تانيه وبيتحرو عشان يعرفو معلومات عنها اكتر وبالاخص سيف اللي عمران منع انه يروح البيت ويفضل موجود لحد ميخلص القضيه ورغي رغد وياسمين المش بيخلص )”””
__________________
يوم الاحد
عند مرام
خالد ، مرام جهزتي نفسك
مرام ،اكيد
خالد، العمليه انهارده الساعه 12بليل
مرام، خلاص ماشي البضاعه فين
خالد ،في المخزن
مرام ، ماشي
قبل العمليه بساعه راحت روان المخزن وشافت الرجاله بتحمل السلاح وبعد مخلصو
ركبت العربيه ومشت من طريق غريب
محروس ، انتي رايحه فين
مرام ، مش مطلوب منك انك تسال
وبعد شويه سالها الراجل التاني وقال ، مش ده الطريق الاحنا هنمشي فيه
مرام ،ماهو ابو مخ تخين الطريق الكان في الخطه دلوقتي فيه لجنه مينفعش نعدي منه
محروس ، وانتي عرفتي منين
مرام ، حاجه متخصكش
وبعد ساعه وصلت المكان وكانت الناس مستنينها
نزلت مرام والرجاله
واحد من الهياخدو السلاح اسمه خميس
خميس ، البضاعه جاهزه
مرام ، موجوده علي العربيه فين الفلوس
خميس ، الفلوس اهي وبيوريها الفلوس وبعدها بيفتح شنطه تانيه وبيطلع منها مسدس وبيرفعه عليها 
يتبع …………..
لقراءة الجزء التالي : الجزء الرابع من رواية عادت لكي تنتقم
لقراءة الجزء السابق : الجزء الثاني من رواية عادت لكي تنتقم
للإطلاع علي فهرس اجزاء الرواية : جميع اجزاء رواية عادت لكي تنتقم كاملة للكاتبة أميرة رمضان
جميع الحقوق محفوظة للكاتبة أميرة رمضان .
