وفي الجزء الثامن من رواية إدمان يا تري هل سيكون هناك أحداث مفاجئة ستغير مجري أحداث الرواية يا تري ام ستسير الأمور بشكل طبيعي ؟ كل هذا وأكثر سوف نعرفه سوياً في السطور التالية بإذن الله مع الكاتبة زهرة الشيخ .
الجزء الثامن من رواية إدمان
رغد :واقفه ومصدومه من الشي لي سمعته تمنيت نموووت قبل لا نسمع لي سمعته اليوم ولا مع هدا كله ماستوعبت كل ه السنين نا عايشه في وهم …م من نكوون انا
مالك: بخلعه وصدمه كبيره التفت شاف رغد واقفه وراه .
رغد :انا بنت منو
____________«زهره الشيخ»______________
كريم :كحح كحح
عائشه :معاش عرفت شت تحكي ولا كيف بتحكي
مالك:تمنى الارض تنشق وتبلعه
انس : حاط ايديه ع راسه
رغد شفت الصدمه والخوف ف عيونهم كلهم وهنا تاكدت انه لي سمعته حق مش كدبه خطيت خطوه للخلغ ومعاش قدرن تعبو عيوني دموع وحسيت بدنيا بدت دور بيا و وتشوشو عيوني مانشوفش بوضوح لين طحت ع الارض
انس: يجري زي المجنون ويعيط باسم رغد ..رغددد
مالك قلبه بدا يدق بسرعه وانفاسه بدت مسموعه وقف يمشي بخطوات بطيئه
كريم :يكح لين معاش قادر يتنفس
خالد :جرى لعند رغد
عائشه :رفعت البخاخ لي كريم ومشت تجري لعند رغد
بعد كم دقيقه وهم يحاولو انه يصحوني .
بديت نفتح ف عيوني ونشوف ف مالك وانس جنبي فجاء بدو دموعي ينزلوو
رغد :تبكي بهستريا …انتم تبصرو صح انا اختكم واشرت ع كريم وهدا بوي مستحيل نكون مش بنتكم انتم ليشش تقولو عليا هكي وبدت تبكي ودف ف مالك وانس
مالك ولي اول مره حضنب وبدا يمسح ف دموعي …اسسسس رغد خلاص هدي الحقيقه المره الي انتي ماتعرفيهاش ..
ماخليته يكمل كلامه دفيته بقوه….االا لا هدي كدبه انا نكون اختك.
مالك: معاش تحمل خدا رغد ف حضنه ويهدي فها
انس: يبكي ومايبيش يبين لحد قعد يشوف لرغد …اسسس اي انتي اختنا ومستحيا يجي حد ياخدك منا
عائشه تبكي وحاضنه رغد … انتي بنتي الوحيده وحتقعدي طول عمرك بنتي
رغد معاش حاسه بي شي غير صوت دقات قلب مالك لي قريب مايطلع من مكانه ..رفعني مالك ع غرفتي هوا وانس وقعدو جنبب
ج
رغد :تبكي وبشهقه… نبي نعرف كل الحقيقه اليوم
مالك :حاضر نحكيلك كل شي بس انتي هدي
رغد: مسحت دموعها …نسمع فيك
مالك:قبل 19 سنه انا كان عمري 10 سنين
كنا قاعدين ع السفره بأمان الله انا ولوالد وامي وعمي خالد كان عندنا … سمعنا صوت الباب يخبط بقوه مشى عمي يفتح فتح لقا طفله ماليها يومين على بعضهم ف هدي الدنيا قعد ينادي على بوي وامي
طلع بوي مع امي ونا نشوف فيهم من بعيد
عمي خالد ماسك البنت …اول مافتحت الباب لقيت البنت هدي فم الباب
كريم :بصدمه كييف ..بنت من؟ ومن لي جابها ؟
عائشه مسكت البنت وحضنتها وقعدت تسكت فها
كريم: لازم نتصلو بشرطه
خالد :لا الشرطه بيبدو ف التحقيق وبالك يديرولنا مشكله
عائشه: تبوس ف البيبي نبيها البنت عسل وخاطري يبدا عندي بنت
كريم :انتي شن تقولي
خالد :مرتك معاها حق صعب تجيب ب العمليات وخاطرها ف بنت خلوها عندكم
كريم: انا عارف بس
خالد: قاطعه لا بس لا واحد.. ارفعوها للميتم وغدوا ديرولها وراق وتبنوها قانونيا
عائشه: تبوس ف البيبي احييي عيونها خضر عسسسلل
كريم: يشوف في عائشه كيف تعلقت ب الطفله ..تمام يصير خير بس توا بنرفعها للميتم
خالد: تمام
عائشه: عطتهم البنت وعيونها فيها وماتبي تخلها
طلع خالد مع دكريم ورفعوها للميتم
الصبح :
ناضت عائشه بدلت وجهزت روحها ونوضت كريم
كريم: خير من صبح ربي
عائشه؛ البنت يا كريم خشت خاطري و وانا تعرفني كيف نحب البنات وربي ماعطاني
كريم وجعاته عائشه و حتى هوا كان خاطره يكون عنده بنت يدللها
كريم : حاضر هي شوي ونجيك
فرحت عائشه ونزلت تستنا فيه بعد كم دقيقه طلع كريم وطلعو مع بعض مشو للميتم وتبنو نفس الطفله امتاع امس وسموها رغد
ومن يومها كلنا تعلقنا بيك ولا مره فرقو بيناتنا باالعكس كانو يدللو فيك اكثر منا
لين كبرنا وقاعد متعلق بيك بس ماقدرت ننسا انك مش اختي وانه لازم نبعد عنك
رغد :تبكي ومتمسكه ف ايد مالك
رغد: به ماعرفتو من لي حطني جنب بيتكم
مالك: لا ولا نبو نعرفو الي نعرفوه انه مستحيل يجي حد وياخدك منه
رغد :هه هم لوحوني ليش لياخدوني منكم
مالك: ماحبش انه يخبرها ولا يقوللها انه طه خوها جا يدور عليها خاف …صح كلامك
انس: قاعد ومصدوم من لي يقول فيه مالك لانه كان صغير ومش مدكر الي صار
ثواني وخشت عليهم عائشه تمسح ف دموعها …كيفك توا بنتي
رغد :حضنت امها بقوه انتي امي وكل حياتي
عائشه: ديما كنت نبيك تعرفي الحقيقه ومانخبي عنك شي بنتي بس خفت تكرهيني
رغد: لا مستحيل انتي لي ربيتيني وعلمتيني وماقصرتي معاي ولا مره قلتيلي لا ولا ضربتيني
عائشه: تبكي و تمسح ف دموع رغد
مالك: يلا نوضي توا توضي وصلي ركعتين واستغفري
رغد: بدو دموعي ينزلو اكثرر ف داخلب كيف بنقولك انه اخر مره صليت فها قبل لا تمشي على ليبيا …حاضر
عائشه: طلعت وانس جاه اتصال من خطيبته وطلع معاها
مالك: يمسحلي ف دموعي ..يلا اسسسس خلاص ونوضي ديري لي قتلك عليه
رغد :بنمشي مسكني مالك من ايدي
مالك: يشبحلي بنضرات كلها حب وخوف عليا ..انا بننزل تحت وقت تكملي بدلي وانزليلي بندهور بيك اليوم
رغد:بابتسامه حاضر
مالك :حس على روحه ورخى ايده بسرعه وطلع
رغد: خشيت للحمام (اكرمكم الله) وقعدت ساعه واقفه نشوف ف روحي ع لمرايه ودموعوي ينزلو …غسلت وجهي وتوضيت وطلعت لبست عبايتي ووشاح وصليت ركعتين وبديت نستغفر وخديت المصحف قريت شوي..
____________«زهره الشيخ»______________
طه: صحى من نومه وشاف الساعه كانت 6 فتح تلفونه وتصل ب يونس
يونس: ايوا
طه: شن صار
يونس :عرفت كم معلومه ع الفيلا
طه: احكي
يونس: المواصفات لي عطيتهم ليا مواصفات مالك وعنده خوه انس واخت وحده رغد وبوه كريم وامه وهما من ليبيا
طه: رغد؟
يونس: ايه
طه تمام صكر صكر صكر من يونس وتصل ب نسرين
نسرين: اول ماشافت رقم طه ردت ع طول
طه: اسمعي
نسرين
طه: رغد لي ف الكليه شن اسمها الكامل ومن وين هيا
نسرين :نار والعه فها مانعرفشش
طه :وربيي كان ماتقوليي
نسرين :رغد كريم … من ليبيا هيا
طه: وين تسكن
نسرين :…
طه: من الصدمه طاحت التلفون من ايده ومشى لعند امه بسرعه
منى: كانت تكوي ف الدبش
طه: يامم
منى :بخوف خيررر
طه :امي اختي شن لون اعيونها
منى: بخوف نفس لون عيون امي خضر
طه: مسك راسه وقعد يضحك زي لهبل
منى: خيرك شن فيك
طه: بفرحه لقيتها يامم القيتها
منى: شن تقول
طه :خ خليك شوي بيمشي مسكاته منى من ايده
طه:؟؟
منى: اسمعني ولدي وراس امك مادير مشكله وكان عرفتها يعني ! تحسابها بتصدق
طه :ماليا علاقه تصدق ولالا ويضحك و واخيرا اعرفت اختي وين ..
____________«زهره الشيخ»______________
نزلت وكنت لابسه عبايه ووشاح …شفت بوي منزل راسه مشيتله و بسته ع راسه
رغد: بابا بنطلع ندهور شوي مع مالك مش حنتاخر
كريم بفرحه حاضر ياعيون بابا
مانبيش نبين الوجع لي نحس بيه ولا الحزن لي داخلي …
ماهمني من يكونو اهلي لانه بفضلهم عايشه لحد الان ماعمري حسيت باالوحده ولا اني غريبه ونا معاهم …
شفت مالك قاعد يستنا فيا
رغد :..هيا مالك
مالك :بابتسامه هيا.
طلعنا احنا الزوز وركبنا ف السياره ومشينا للبحر
رغد :بفرحه ليش طول جبتنا هنا
مالك: انزلي توا نقولك
رغد: نزلت من السياره وحسيت بنسمة هواء بارده وسرحت ف منظر البحر
مالك: هدا علاش جبتك هنا
رغد: شن
مالك: مسكني من ايدي وقعدنا نتمشو ع البحر خلاني ع راحتي نفكر ومره مره تنزل مني دمعه ونمسحها ع السريع ..تنهدت
مالك: ارتحتي توا
رغد :بابتسامه اي وهلبا
مالك: يلا معناها خلينا نمشو للمطعم ادللي اليوم
رغد: به بس خلينا شوي
مالك: من اعيوني
قعدنا نص ساعه ف البحر بعدها مشينا للمطعم
مالك: طلب اكلتي المفضله
رغد: ماعندي نفس
مالك:بنضرته لي تقتل و ع خاطري
رغد :كليت شوي على خاطر مالك بعد كم دقيقه كملنا وركبنا ف السياره وحنا مروحين ريت الحافله امتاع الجيلاطي
رغد :مالك
مالك: شن
رغد: نبييي واشرت ع الحافله
مالك: يضحك..
.
____________«زهره الشيخ»______________
خالد وكريم يهدرزو سمعو صوت الباب يخبط
مشى خالد يفتح ف الباب
خالد: باستغرب وعليكم السلام
طه :انت كريم
خالد: لا
طه: نبي السيد كريم اشوي
خالد: بعدم رضا تمام ومشى ينادي ع كريم
طه: يشوف يمين ويسار يدور ع رغد
كريم اول ماشافه استغرب لانه اول مره يشوفه اصلا
طه: اهلين
كريم :بيك تفضل
طه: نبي نشوف رغد
كريم: من حضرتك انت ومن تكون
طه: بكل ثقه انا اخ رغد
قبل لا ماكملو كلامهم
درست سيارت مالك نزل مع رغد وهم يضاحكو
طه:
مالك: بصدمه
يتبع ……..
لقراءة الجزء التالي : الجزء التاسع من رواية إدمان
لقراءة الجزء السابق : الجزء السابع من رواية إدمان
للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ
جميع الحقوق محفوظة للكاتبة زهرة الشيخ .
