وفي الجزء الثامن من رواية حتي الممات يا تري هل سيحدث شيء غير متوقع مع ابطالنا ام لا ؟ كل هذا وأكثر سوف نعرفه في السطور التالية بإذن الله للكاتبة المتألقة نور عبدالسلام .
الجزء الثامن من رواية حتي الممات
قبل ساعتين
احمد : هيا اطلعي قدامي ياوسخه
رهف : امشي ياحقير من هنا شن مزال تبي مني
احمد : اني نوريك يامسخه شن نبي وبيهجم عليها
جا مالك انت هييييه وين تحساب روحك خشي يارهف
رهف شكرا الباب
مالك ضرب احمد وحلف انه لو تعرضلها هيقتله
مش هيحسب حساب للأخوة ودم اللي بينهم
الان رهف تبكي ع حالها خوف من احمد وخسارتها
لغيث اللي قدر يحب حد ثاني رغم هو ميعرفش بمشاعر رهف مشاعر من طرف واحد
هذا عشم هند فيكم يااحمد ويارهف بس
يبقى سؤال رهف ضحية ام جلاد كلنا محتارين
الصبح نضت والقيته مزال راقد شفت حرارته القيتها نازله فطن بيا
مالك: صباح الخير
ليان : صباح النور كيف حالك توا
مالك : الحمدلله سامحيني تعبتك امعايا
ليان : بلا حركات
عدلت جلسته باهي
ليان : نوض صحصح عشان بندير فطور
مالك : باه
نزلت نجري وخليته في الحمام جهزت الفطور
مالك: اوووه سفره امبحبحه
ليان : شني رايك شيف
مالك : ومش اي شيف
ليان : حي تحضر فيه
مالك : نشوف فيه ف دعاية
ليان : اها
بو ليان : من داير الغدي
رهف ؛ انا عجبك
بو ليان : سلم يديك
رهف : سلمك ياعمي
غيث : يابوي امتى ترد امي
بو ليان : مانيش رادها امك خلاص طلقتها
غيث : شن يعني
بو ليان : نا من زمان نرجى ف وقت المناسب عشان نتزوج واهو جا
غيث : شن تقول هادي ام ولادك
بو ليان : ولادي اختك متزوجة ومستمتعة مع الافندي وانت كيف البغل ياسركم امشي تزوج
غيث : طلع معاها حق ليان
بو ليان : امشي ياوسخ ياحيوان
رهف : وسع بالك ياعمي هاك دواك
روان : حاطه سماعات وتهز ف راسها خش احمد
احمد ؛ خير
روان : خير
احمد ؛ ماشاء الله امتى كبرتي انتي
روان : الاسبوع اللي فات تي خيرك انت نا اكبر من مرتك
احمد : حك لحيته وابتسم ب خبث وداخله افكار شيطانية يوزن ف راسه ياترا شن هنا
روان : احمد انت كويس
احمد : اي اي تقري صف كم قلتي
روان : ف الكلية اني
احمد ؛ مزلتي ماانخطبتي لا شي
روان : اول مرة نشوف اخ مش عارف معلومات عن اخته اي مزلت سنقل مزال ماجا صاحب نصيب
عندك لي عريس وانتبهت شن قالت نبصر نبصر
احمد : تبي تتزوجي عندي لك عريس
روان : تحسابه يبصر ضحكت
احمد : شن رايك نطلعو نهيجو
روان :تمام نلبس بس 5 ثواني
احمد : يقول ف نفسه بلا جميلتك يارهف حد عنده اخت سمحه ومش منتبهلها واتصل ب واحد معين الو
مالك : جاي وجايب معاه مونة الحوش
ليان : جت ب فرحة جبتلي شوكولاطة
مالك : ههه هبلة اي جبتلك جلاكسي عارفك تحبيها
ليان : اختفت ابتسامتها بس نا منحبش جلاكسي اديرلي ف حساسية نحب كندر
مالك : في في فتشي ف الكيس تلقيها
ليان : بدت تفتش ف الكيس ولقتها وبدت تاكل
مالك : يشوفلها كيف تاكل ابتسم
ليان : شن تبي الغداء
مالك : اللي تريحك
ليان : جايب اندومي توا نديرها
مالك : لا وراس امك هذي لما نبقى مش ف الحوش ديريها منحبش ريحتها
ليان : تمام
مالك : يتفرج ع الاخبار
سالمه : بوك ناويها من زمان اصلا حسبي الله ونعم وكيل
غيث : شن يصير توا
سالمه : الله لا تربحه الواطي خوان العشرة
غيث : شن رايك ناخذو حوش وناخذو ليان معانا هيا رافضة طلاق عشان بوي انتي مش هتعيشي عمرك كله هنا
سالمه : والله مالك كويس
غيث : شن كويس خوه رفع رهف لصاحبه فهمتيني
سالمه : البطن قلابه ياوليدي تجيب الصالح والطالح
غيث : خطرها نا بنخطب بناخذك معاي
سالمه : لولولي بنت عيت من
غيث : تو نقولك
ف الليل
ليان : باهي الف مبروك اكيد من بيمشي تالي
سالمه : نا وخالاتك ومرت خالك وحناك
ليان : علاش فريق كورة هدا
سالمه : بيش يقولو عندهم عرب
ليان : تمام ياماما تبي حاجة نجيبها معاي
سالمه : سلامتك يمي
ليان / اتصلت ب غيث الف مبروك ياعريس
غيث : الله يبارك فيك شن اخبارك
ليان : تمام قتلك البكلاوة والعصير شوري
غيث : ير
ليان : خلاص قلنا يلا ربي يتمم ع خير وخشت لغرفتها لقت مالك
مالك : بتولي اخت العريس
ههههه كنك رعشتي
ليان : نحسابك راقد اها
مالك: ناعسه شكلك قبل نبو نحكو
برمتله : لا احكي عادي
مالك: كسرتها الشفره
ليان : اي شفره
مالك: استعبطي توا الشفره القديمه ودرت وحده اخره مافيهاش رقم انثى الا 3 بس تقريبا هههه
ضربته علي صدره : خزي وتتسهوك عليا حول بنرقد
برمت عطيته ظهري قرب مسك فيا وحكي في ودني
مالك:امي واختي ومراتي
برمتله يعني
مالك: اها بنبدا صفحة جديدة لكن مرات يعجبني
بنات احلى منك
شبحتله فيه بتكشيخ
مالك: اوبااااا زعلتي من كلامي صح
ليان : بنرقد
مالك لا والله زعلتي تهربيش ابرمي نحكو
ليان : احكي نسمع فيك
مالك: باهي اسف ومعاش انبصر البصاره الثقيله هذي غير ابرمي بنقولك حاجه
ليان : ها اتفضل
برمتله
مالك: بنقولك اني نبي نبدا معاك حياة جديده مالك الاول انسيه انا نويت نتغير وعلي يدك ان شاء الله
ليان : تحكي جد مالك يعني معش تعاملني ك بشرى
مالك: اها
قعمزت باهي عاتي نطلب منك طلب
مالك : ياخي ع البراءة اطلبي عيوني انتي
ليان : بنعزم ماما وخوتي ع العشى عاتي
مالك ؛ الحوش حوشهم
مالك: وتوا دوري
ليان : شن
مالك : نبيك توقفي معايا
ليان :معاك طبعا
مالك : انتي طيبه وتنحبي قدرك عندي زاد تحملتيني وصبرتي عليا
ليان : انت راجلي وهذا واجبي
مالك : حليلي
ليان : نقدر انحط راسي هنا
مالك: هههههه بدون ماتسألي ياهبله شن كنت نحكي انا راجلك وانااا اناااااا
ليان : خلاص اسكت صوتك نشاز
رقدت علي صدره وهو ضبطني ورقدو
طبعا اليوم ثاني مر خطبنا لغيث بعدها ب يوم
الصبح فطنت بيه يلبس
ليان : وين طالع
مالك: اها بنمشي نحجز ونرجع جهزو العشاء اكويس تحشمونيش قدام عمتي ونسيبي
ليان: هلي ياحبيبي اكيد بنجهز عشي صح
مالك: هلك يا من
انحرجت ونضت بنخش للحمام مسكني من يدي
مالك: يامن قبل ما تطلعي
ليان : مالك خلاص عاد
مالك: باهي امشي بس عشان دموعك وعض ع فمه
سيبني مشيت نجري خشيت للحمام توضيت وصليت وانا فرحااانه
خشينا مع بعض نا وعمتي وروان جهزت روان الحلو
وعمتي ل امبطن وبوريك ورز بالخلطه ودجاجه محشيه وليان ادير ف سلاطة الفواكه ونوع مالح
خديجة : وووه عليك بطر
روان توشوش ف امها ما دارت هك الا لما عزمت هلها
خديجة حظي ف الكناين زفت نا وياك نعانو وهيا جتها ف ريش
للكاتبة نور عبد السلام 
هند : سجدت بين يدين ربها يارب يارب خوذ يارب
يارب سامحني يارب اغفرلي يارب اجعلني من اهل جنة
امها : هند بنيتي تعالي الله يربحك هدرزي معانا
هند : يارب دمعتها نزلت ع صلايه
امها : طلعت وقعدت مع بو هند
واجعني حال ابنيتي قلبي ينعصر عصر عليها وعلى حالها
بو هند : ربي اذا حب عبد ف ابتلاه
امها : لكن بنتي هك عليها ب زياده را ساد
هند : طلعت وجها ذابل ومنسود وتمشي وتحط ف يديها ع ساس صنعت الابتسامة خير
بو هند : نزل راسه خير يابنتي شنو حالك
هند : الحمدلله
امها : كان تسمعي كلامي دكتورة وتضربي الكيماوي قالو والله تردي احسن من قبل
هند : خايفة ماما تعبت خايفة نموت
امها : بعيد سو عليك
بوها ؛ نزلو دموعه وطلع يجري
خديجة : خير شنو حالك
سالمه : كيف حالك
خديجة : الحمدلله شنو حالك انتي وحال لعويله
سالمه : الحمدلله
روان : خير يااعميمه
سالمه : خير شخبارك وشخبار اقرايتك
روان : تمام الحمدلله
وبدن عاد ف التقديم وهك هك
العشي واتي والطاوله جاهزه
ومالك روح وركب يغير في دبشه فوق ركبتله
مالك: تعالي سقميلي الرقبه
قربت عدلت قميصه وقعدت اقريبه منه
مالك: طالعه صاروخ اليوم
وقرب باسني علي فمي
اختي : هييييي
برمت القيت اختي خاشه لدار شافتنا طلعت تجري
مالك حط يده علي وجه
مالك: شافتنا صح
هزيت راسي اها عليك عار
مالك : نبيش ننزل ماعنديش وجه انقابلها
ليان : هههههه تلقاها ترعش توا كمل لبسك نمشي انشوفها
مالك : بس اسمعي نحسبوهاش هذي ره قطعت علينا في نص الانسجام انعاودوها اخره
وغمزلي
ليان : وااو انا في شن وانت عقلك في شن نمشي انشوف اختي خيرلي
سيبته ومشيت لوطا
مرام: ياناري اسفه مش قصدي انتم عليش مش مصكرين الدار وووه عليا ياحشمتي
ليان : هههههه تي خلاص انتم الزوز اتقول اشبح شن صار وهيا طشت بوسه
مرام : وهذي اشويه ياسخيفه الادب
ليان : اهو الجرس يرن اكيد غيث
طلعت وبنفتح الباب
مالك :اقعدي انا نفتح
مشي مالك يفتح وطلع غيث سلم عليه وخشو
غيث : اوووه مدام ليون كيف حالك
ليان : حضناته الحمدلله مرايفه عليك واجد
غيث : حتى انا والله
مالك: مريم قهوه ع السريع
انا: حاضر
خشيت وتيت القهوه وطلعتهلهم قعمزو يهدرزو انسجمو مع بعضهم
سيبتهم ومشيت للبنات القيتهم مقعمزات يهدرزن
مالك: خوك ماشاء الله عليه
انا : عجبك
مالك : زي اخته عسل
انا: مالك افطن وخر مش ناقصين لقطه اخره
مالك : هههههه اتحسيني رايح قليل ادب هيا بنطلع
غيث : لا بنأجر
مالك : يعني بتسكن بروحك
غيث : اقريب من مكان خدمتي
مالك : وامتى ناوي اطلع الفرح
غيث : صيف جاي بإذن الله
مالك-< ربي يعاونك ان شاء الله هي اتفضل ع العشي
قعمزو غيث ومالك مع بعضهم
وانا والبنات في الدار تعشينا ورفعت سفرة الرجاله
مرام: عندكم دربوكه
ليان : لا
مرام : اهي طنجرة
عايشه : خوك قاعد وراجل براني عيب
مرام: تي قاعدين في المربوعة والمطبخ بعيد
عايشه : باهي هي
بعدها جا وقت ترويحتهم نبكي
سالمه : يابنتي سادك دموع
ليان : عاودوها
سالمه : حاضر
مالك : حوش حوشكم ياعمتي في اي وقت وليدك نا
خديجة : ماعجبهش كلام نستاذنو نحنا
ليان : مع سلامه اعميمه
روان : باي
مرام ؛ اوكي
في الليل
ليان : متقطعونيش وديمه رنو
غيث : به وانتي ينقصك شي تبي شي رني
ليان : لا مالك مكفي وموفي ربي يخليه
بحت فيا وابتسم
طلعو هلي و قعدت انحوس لوطا ومالك ركب لدار اشويه ولحقته خشيت مفطنش بيا قعدت ع الباب انبحت فيه ماسك فونه يشوف فيه ويحكي بروحه
صورته هو وبشرى
مالك: حبيبي سامحيني بس هيا مراتي والحياة مستمره ولازم نبدأ معاها حياه صح
بس صدقيني مستحيل توصل لمكانك في قلبي
رهف : طالعه من الحمام وسمعت حس مشت تجري لدارها سمعت صوت وقفها
غيث : رهف
رهف :
يتبع………
لقراءة الجزء التالي : الجزء التاسع من رواية حتي الممات
لقراءة الجزء السابق : الجزء السابع من رواية حتي الممات
للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام
جميع الحقوق محفوظة للكاتبة نور عبدالسلام .
