الجزء الثاني عشر من رواية اريدك انت

وفي الجزء الثاني عشر من رواية اريدك انت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة نوحه صلاح .

الجزء الثاني عشر من رواية اريدك انت

نور شافت الرساله و م ردت حسام اتصل عليها وكلنا عارفين لمن الولد يكون بتكلم مع الحب صوتو بكون عامل كيف  قال ليها دلوعتي  ،، قالت ليهو مساء الخير ،، قال ليها مساء ابتسامتك بس ،، قالت ليهو كيف يومك ،، قال ليها كان يومي ببدء بيك وبنتهي بيك اسي م عارف ،، نور م عرفت تقول شنو قالت ليهو ده شنو مسجل نفسك حتام  ،، قال ليها انتي كنتي بتقولي لي حتام ،، قالت ليهو م كنت بقول ياخ  ،، قال ليها لا تنتي بتدولي ،، نور ضحكت قالت ليهو لا انا ساطله(شاطره) م بتلم تده ،، قال ليها امممم تح انتي ساطله تيب انا بحبت ،، نور سكتت ،، قال اخ خساره قربت بس المره الجايه ح انجح ،، نور ضحكت ،، فضل يضحك فيها و يتغزل لمن نامت في الخط  قفل و رسل ليها احلام هنيئة عليك و احلامي مليئه بي صورتك لي 

نور صحت شافت رسالته و ابتسمت خشت ادوشت و صلت نزلت لي امها تحت لقت حسام مرسل ليها انه تجهز مشت اتصلت عليهو قالت ليهو انا م ماشه معاك ،، قال ليها يسعد صباحك يارب ،، قالت ليهو و صباحك انا م ماشه ،، قال ليها انا الحمد لله والله ياخ ،، قالت ليهو حسااااام  ،، قال ليها انا م اخدت اذنك انا وريتك سريع اجهزي لانه اليوم ده كله انت ح تكوني معي ،، قالت ليهو م ماشه ،، قال ليها ساعه و ح اكون معاك  وقفل الخط في وشها  وهي نبذته لمن قالت بس ،،،،،،، بعد ساعه حسام وصل لقى نور م جاهزه قال لي خالتو وصال عارفه ي خالتو انا لمن اقول لي وحده من اخواتي تجهز و م تجهز بعمل شنو ،، قالت ليهو اهااا ،، عاين لي نور وقال بشيلهم بي هدوم البيت و بسوقهم غصب عنهم وغمز لي نور،، خالتو وصال قالت ليهو  اجي ي ولدي ،، قال ليها والله ي خالتي وانا اسي في زول نبهته يجهز و م جهز ،، خالتو وصال فهمت وقالت ليهو انت متأكد انك نبهته ،، قال ليها ايوة،، قالت ليهو خلاص اخر تنبيه م قام اعمل البتعمله ،، قال ليها انا بريدك ياخ و عاين لي نور قامت طوالي وهي بتنبذ فيهو 

ركبت العربيه وهي صارة وشها كتم الضحكه وقال ليها ماشاء الله جهزتي سريع ،، عاينت ليهو وصرت وشها خت يده على الكرسي وقرب منها هي اتوترت قال ليها لسه عاوزة تصري وشك م ردت باسها بين حواجبها قال ليها كده عقدة حواجبك و الصره فكت و باسها على خدها قال ليها ودي عشان انه استعجلتك وقرب على اضانها وقال ليها بحبك غمضت عيونها و م قدرت ترد هو ضحك و اتحرك،،،،، ساقها مشى بيها على مطعم قال ليها ده مطعم صحبي و اليوم خلاه لينا تعالي نزلو ودخلو المطبخ قعد في وحده من الكراسي وخلف رجل على رجل قال ليها يلا جهزي لي اكل ،، قالت ليهو نعم  جايبني لي هنا بس عشان اشتغل انا م قايمه  وقعدت،، قال ليها نوووور  بي صوت عالي وقفت على حيلها طوالي  ،، قالت ليهو ياخ م دايره اعمل انا جايبني عشان تشغلني عندك و اعمل ليك اكل انا خدا،، لقته قفل ليها خمشها وبعاين ليها جوة عيونها  قال ليها لا جبتك عشان اشبع منك ومن شوقتك و من عيونك و ح انا الح اطبخ وانتي الح تونسيني 

قال ليها انا الح اطبخ وانتي الح تونسيني نور جات وقفت جنبه قال ليها ناوية شنو ،، قالت ليهو ح اعمل سامبوكسة  كبت الدقيق و عاينت ليهو وكبت الدقيق في وشه قال ليها نووووووور  و شال دقيق بقت هي جاريه و هو بي وراها  زهج قال ليها كويس جاته و مدت ليهو لسانها  قال ليها شافعه بس  ،، قالت ليهو اااااي بي حقي  ،، عاين ليها و كمل شغله خلص الاكل و قعدو اكلو  ،، حسام كان في يده في دقيق مسح بيهو وشها وقعد يضحك وهي بقت تضحك معاهو واتصور سوا  الضهر اذن ليهم قامو اتوضو وصلوه  وطلعو من المطعم مش بيها توتي  و دخلو الموية نور قامت رشته ،، عاين ليها و ابتسم ورشاها بقو يرشو بعض  وبعد تعبو مشة قعدو في الارض  و حسام شغال ليها ياخ انا زمان كنت مخوف اولاد الحله مني وهي ميته بالضحك كان يومهم حلو شديد  بليل بعد رجعها لمن جايه تنزل مسكها و باسها على خدها قال ليها شهرين شهرين و بعدها تجهزي اسوقك بيتي نزلت نور منه وهي متوتره شديد على قدر م بتكون مبسوطة معاه بس لسه في شي هي م قادره تقبل فكرة الزواج  كان كل يوم هو برسل ليها بوكي ورد مخصص زمن ليها بليل و بالنهار عشان يشوفها يسمه صوتا  كان مهم ليهو وبليل م بقدر ينوم لو م اتكلم معاها في مرة بتصل وهي كان نايمه جاتها صحيه لقته بتصل اول م ردت و اتكلم معاها شوية سكت لقته نام 

عد عليهم الشهر الاول وحسام م مقصر من نور في حاجه وفي يوم جاهم خبر لي ناس نور انه عمت ابوهم ماتت نور كانت بتحبها بكت شديد و مشو البكاء حسام لمن عرف لحقهم و بقى يعزي في الناس اول م شاف نور جاها وهي حضنته بكت قدرتها في حضنه  حسام ساقها و طلع بيها لانه بدت توتر  كان صعب عليا شديد بس حسام وقف جنبها لمن رجعت احسن 

حسام في يوم جاء لي نور قال ليها وريني انتي بتحبيني ولا لا ،، نور سكتت ،، قال ليها وريني لازم اعرف ،، قالت ليهو م اسي قلنا و جايه ماشه مسكها وقال ليها لا واضح على اني بحبك م بقدر اصبر اكتر من كده وريني  ،، قالت ليهو انا م جاهزه لي عرس اسي،،قال ليها بتحبيني او لا م ردت  ،، قال ليها نوووور  م حبيتني يعني ،، سكتت ،، قال ليها تمام ح انفذ كلامي ليك ومشى  نور قعدت وقلبها بضرب شديد بحبه ايوه انا بحبه بحبه شديد  حسام بحبك انا  بس يلا خلي يشحتف شوية  ،، ابت تتصل عليهو نهائي  و بعد تلاته ساعات اتصلت عليها خالتو حسينه قالت ليها نور حسام مسافر ي نور مسااافر  ،، نور قفلتَ منها واتصلت على حسام كتير م برد  اتوترت و م عرفت تعمل شنو رسلت ليهو اريدك انت 

————————————–
☆يتبــــــــــــــــــــــــــــــــــــــــــــع☆☆

لقراءة الجزء التالي : الجزء الثالث عشر من رواية اريدك انت

لقراءة الجزء السابق : الجزء الحادي عشر من رواية اريدك انت

للإطلاع علي فهرس اجزاء الرواية : جميع روابط اجزاء رواية اريدك انت للكاتبة نوحه صلاح

جميع حقوق الرواية محفوظة للكاتبة نوحه صلاح