وفي الجزء الثاني عشر من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار .
الجزء الثاني عشر من رواية رحلة الحب
فارس بقى يفتح ف تلفونو ويشوف ف الصور، بينو وبين نفسو دي هديل وعزو بس اللماهم شنو وليه هم قريبين لي بعض شديد كده 
فارس ف زول اتصل ليه وقاليه يلاقيه ضروري اول م يشوف الصور،،
فارس مشى ليه..
كان راجل شاب وسيم..
فارس:ح تستفيد شنو بعد ترسل لي الصور دي؟
الشاب : عايزك تعرف ماضي مرتك الزباله..
فارس : واها منو القاليك اني م عارف،،
الشاب : انا متأكد انك مصدوم خصوصا انو المعاها دا يبقى صحبك؟
فارس : انت عايز تصل لشنو؟
الشاب: زوجتك م عذراء 
فارس اتخلع ومسك الولد من قميصو :انت حيوان ولاشنو؟
الشاب : لا انا متأكد
فارس : دي مرتي وانا البحدد الحاجه دي
الشاب فك من فارس :انت مخير انا العلي عملتو
فارس: طيب عزو الدخلو شنو؟
الشاب رجع ابتسم :انت كده صح
..
فارس جا داخل ولقاهم كلهم لامين وضاحكين..
أمير :فارس اختفيت وين هديل من قبيل بتضرب ليك م بترد؟
فارس :معليش تعبان شويه، يلا ي هديل..
هديل : فارس معليش خلينا نبيت الليله..
فارس :لا
امل : هديل ي بت قومي مع راجلك انتي عروس جديده م صح الكلام دا
عبدو : يلا والصباح رباح.. خلي بالك منها ي فارس
فارس ابتسم وانا طلعت وراه..
ركبنا العربية وحسيتو زهجان..
انا :فارس انت كويس؟ مارد علي
سكت بعد مسافه تاني كررت السؤال فارس انت م عاجبني مالك؟ براحه بركن العربية على جنب..
فارس:بهمك؟
انا: اكيد بهمني مش انت حبيبي؟
فارس: علاقتك بعزو وصلت وين..
انا اتخلعت..
فارس: هديل انا واثق فيك وواثق ف امير قبلك طيب عايزك تحكي لي بصراحه 
انا قعدت حكيت ليه.. انو كان صحبي شديدواخوي وانا كنت بحبو بس هو م كان مبادلني نفس الشعور ويوم عرفت كنت معاه ونزلت بسرعه بس ضربتني عربية وبعد الموضوع دا كنت خشيت ف اكتئاب..وو(قاطعني)
فارس : طيب رايك ششنو تشوفي الصور دي؟
وراني الصور وانا من الخلعه التلفون وقع من يدي ودموعي جرت ومسكت راسي واتلفت لفارس، فارس دي م انا، أنا عمري م عملت كده صدقني الكلام دا كضب صح حبيت عزو بس عمري م بادلتو شي غلط ولا حتى حضن صدقني ي فارس وبقيت ابكي وصوتي يقطع فارس ضماني عليه.. م تخافي 
انا عارف انو دي وساخه من زول بس م عارف منو بالضبط عزو زاتو ولا منو؟ بقيت ابكي ف حضنو وانا ساكته
بعد شويه قاليي ي ستي مافي داعي ل دا كلو انا بحبك ياخي م توجعي قلبي بدموعك وبعدين اوعدك انو اخد ليك حقك من الحقير العمل كده اطمني ي قلبي..
وصلنا البيت وانا لسه م مصدقه والصور هزت ثقتي ف نفسي..
فارس قعدني ف السرير.. وجاب لي مويه وقعد جمبي شويه قالي اهدي انا اسف حضنته من غير م احس رغم الوجع الجواي من ااشفتو دا بس حبيت فارس واحترمتو اكتر 
يلا حبيبتي انا حخش اخد لي دش وع فكره مجهز فيلم من الموت بس اوعي تكوني بتخافي ابتسمت ليه.. قام دخل الحمام..
اول م جا طالع..اتخلع..
كنت لافه نفسي بالبشكير بس،، لمن طلع فكيتو.. وهوو بقى مخلوع وانا بقيت ابكي.. اتأكد تعال شوف عشان تقطع الشك باليقين.. فارس جا على بسرعه ورفع البشير ولفاهو فيني تاني
هديل انا قلت ليك انا متأكد وواثق فيك ي قلبي مافي داعي للكلام دا وانتي عارفه انو الحاجه دي حتحصل بينا بكل حب م عشان زول قال وطعن فيك يبقى نتأكد كده هسي انتي نومي طيب.. رديت ليه م هعرف انوم تاني للصباح قالي لا هتنومي رقدني ف السرير وبسرعه لبس بجامتو وجاب لي قميص بجامة من حقاتو وحضني وبقا يحكي لي ف قصص ونكات وعواره لحدي م نمت
..
عبدو : امل، م مصدق انك قدامي وانا شايفك ولامس يدك زول يقرصني.. أمير جا نازل..
أمير :حنك شديد ي ابوي.. وقعد يضحك،، امي اتكشمت قعدو مع بعض شربو الشاي..
أمير : بما انو الأمور طيبة والحمد لله الحاج والحاجه موجودين انا داير اقوليكم اني قررت افتح بيت..
ابوي اتبسط شديد من كلام أمير وامي فرحت، ماشاءالله تبارك الله كبرتو ي أولادي أمير قاليها ومبسوط اكتر انك حتكوني حاضره..ابوي رد ليه،، عرس هديل دا كان مهزله ساي احنا حنعيدو تاني من الاول امي قالت ليه فكره حلوه ي عبدو موافقه انا ونضرب لي اخواتك بي سببهم عيالنا قدر يعرفو الحقيقه ابوي قاليها اي والله رايك شنو نمشي ليهم انا وانتي والعيال نفاجئهم 
امير رد ليه انا الليله مشغول من فوق لي تحت م حقدر امشي،، وانا شايف انو هديل م تخربو ليها عرسها كل يوم جايه ماشه فارس حيشمككم سوق امي وابقو مارقين
امي قالت ليه احسن اصلا نفسي نطلع مشوار رومانسي برانا،، أمير قاليها اقوم من الصفره ولا كيف.. وضحكوا 
….
خالد،، كل شويه يفتح دولاب امل ويشوف هدوما ويفتح الألبوم بتاعهم،، البيت كان بالنسبه ليه مسيخ شديد من غيرا وقرر انو يصالحا شال تلفونو ودق عليها..
خالد:سلام عليكم
امل : وعليكم السلام
خالد : انا اسف
امل : اسف؟
خالد: ٣ يوم وانا م قادر اعيش ف البيت دا اكتر من كده ثانيه بدونك اتضح انو انتي الكنتي منوراهو
امل :وانا م راجعه، وأي كلام عندك احتفظ بيهو لنفسك..
وقفلت الخط..
امل كانت مكبوته شدديد وزعلانه ومتضايقه من خالد وتصرفاتو وظلمو لفارس رغم انو ولدو ،، فعلا الزول م بحس بقيمه الزول الا لمن يحس انو حيفقدو او فقدو،، خالد كان متحكم ف امل وف كل خطواتها وكاتم نفسها وضاغط عليها وعشان عارف انها بتحبو وم حتقدر تخليه كان طالع فوق رأسه،، لحدي م امل قررت انو م حترجع ليه تاني ابدا
الاء: امل ي اختي فكري كويس،، الخلا خالد يضرب ليك دا اصلا م فراغ خالد بحبك..
امل : حبو دا يبلو ف مويه ويشربو انا خلاص اكتفيت.. ولو انا مضايقاك ف بيتك كلها يومين بالكتير وبيتي حيجهز وامشي وقامت على حيلها وم ادتا فرصه تبرر
..
انا عندنا..
الحمد لله فعلا قدرت انوم بس صحيت بدري شديد قبل فارس زاتو دخلت استحمي وتذكرت انو لازم اشيل الجردل املاهو واجيبو حتى استحما ف كسلت وم عايزه اصحيه،، غيرت هدومي ومشيت المطبخ عملت الشاي وختيتو ف السيرمس ونضفت البيت وطبعا حاولت اقش الحوش البي التراب بس م عرفت بعد شويه ف مره كوركت بالحيطه يا أهل البيت وينكم؟ استغربت قلت ليها اهلين ي خاله عايزه شنو؟ ردت لي اخيرا طلع ف ناس يعني ازيك ي بتي ان شاء الله طيبه قلت ليها بخير الحمد لله وانتي كيف حالك قالت الحمد لله طيب ي بتي افتحي باب الشارع ف بنات حيجيبو ليك صينيه فطور،، اتخلعت ليه ي خاله مافي داعي للتعب،، تعب شنو ي بتي فارس دا ولدنا وأولاد بناتي كلهم بحبوه لازم نعزك،، اتكلمت معاها زين بعدين فتحت الباب ف بنوتين حلوات دخلوا شايلين الصينيه ختوها لي ف الترابيزه وسلمو على ومرقوا بعدين الحاجه قالت لي انا حبوبتك انصاف لو احتجتي اي شي اي بس اندهي لي بالحيطه دي شكرتها شديد ونزلت.. شكلها طيوبه شديد،، غطيت الصينيه وخشيت لفارس،،
كوركت ليو ف وشو فااااااارس قام مخلوع ف شنو مااالك ي بت 
قلت ليو ماف شي اشتقت ليك بس
قالي الله يأذاك ياخ قطعتي قلبي قلت ليو قوم يلا الساعه ١٠ يلا اتسوك ويلا ع الحمام..
عاين لي وهو ساكت..
مشى اتسوك وجاني قالي قبيل شايفك غيرتي ساي م استحميتي دخلني جوه اضافري
☆يتبــــــــــــــــــــــــــــــــــــــــــــع☆☆
لقراءة الجزء التالي : الجزء الثالث عشر من رواية رحلة الحب
لقراءة الجزء السابق : الجزء الحادي عشر من رواية رحلة الحب
للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار
جميع الحقوق محفوظة للكاتبة لين نزار
