وفي الجزء الثاني عشر من رواية زوجة المغترب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بيروحاء.
الجزء الثاني عشر من رواية زوجة المغترب
كنت بكورك ما بحصل ليك حاجه يا رغد انتي سامعاني؟؟ انتي حتقومي بالسلامه حبيبي.. ولمن م لقيت رد انتبهت انوو الخط فصل
بقيت بفتش في رقم نجوى .. وبسرعه ضربت ليها وسألتها انتو وين؟؟
قالت لي مستشفى(…)
اهاا طيب جاي عليكم ..
ما عارف كيف ما عملت حادث بالسرعهه ال كنت سايق بيها دي .. بس حمد لله وصلت سالم..
سألت عنها قالو دخلت العمليه خلاص.. بقيت قاعد على ركبي قدام الباب وببكي وبدعي..
لقيت نجوى بتلفتني عليها وهي مستغربه مالي؟؟
وبعد صنت مسافهه قالت لي ما اول واحده تولد مبكر .. ما بحصل ليها شي
هزيت ليها رأسي.. وطلعت بره المستشفى ..
اتذكرت شارع فيوو متسولين كتااار كده.. اشتريت لي شكلاتاتت ووسندوتشاات وحاجات كده .. ومشيت اديتهم وادتيهم شويه قروش ..
طبعا بقوو بدعوو.. قاطعتهم..ممكن تقولو ربنا يقوم مرتك بالسلامه؟؟
ابتسموو وبقوو بدعوو كلهم
………………..
انت متأكد يا وضاح؟؟ .. اي اي اكيد موافققققققه ..طيب طيب باي..
قفلت منوو وجريت على مزمل..
كان راقد في السرير وبحضر التلفزيون.. نطيت في بطنوو
بقا بكورك.. يا غبيه بطني.. لا إله الا الله.. خلاص متت
قلت ليو قال الاسبوع الجاي!
قالي شنو؟؟ .. قلت ليو العرس..
قالي واخيرا.. ح اخلص منك ومن جنك ومن اكلك.. شكلو الله رضاا عني
ضربتو في كتفووو وقلت ليو حتفقدني وتجيني وح اعيد نفس برنامج هنا
قالي كويس
طلعت منوو وقلت ادق اكلم رغد..
بس ردت علي شوق اختها وقالت انوو دخلت عمليه ..
قلت ليها الله يحلها بالسلامه .. لمن تطلع ممكن تدقي لي؟؟
بصوت حزين كده قالت لي كويس وقفلت..
ما حبيت اكلم مزمل لاني عارفاه لسه م نساها.. وعادي ممكن يتجنن وينزل ليها السودان.. ف سكت وانتظرت اختها تدق وتقول طلعت..
…………………
قبل ما تنتهي العمليه بي زي ربع ساعه رجعت المستشفى .. مسافه وقفت معاهم شويه واتكلمنااا.. طلع لينااا الدكتور..
الدكتور جانا طالع وقبل يفتح خشموو.. مسكتوو من يدوو وبعدت بيو من الناس ..
كان ساكت وزي المصدوم من حركتي..
قلت ليهوو ووانا صوتي رايح قول خير يا دكتورر؟؟
عاين لي مسافهه بعدين قال لي عندي خبرين .. اقول ياتو اول؟؟ بلعت ريقي وقلت ليوو .. السمح؟؟ قال لي الجنين سليم .. بسسس وسكت .. قلت ليو بس شنو ورغد؟؟ .. قال لي كمان سليمه.. من حظها انو الليله دكتور مجاهد كان حاضر .. وهو العملها..ما عارف انتوو عملتو شنو في حياتكم بس البعرفوو انو ربناا بحبكم
قلت ليو بأمااااانه ؟؟ يعني عايشهه؟؟
قال لي اي والله ..
من الفرحه حضنت الدكتور وانا بقول الحمد لله يارب..الحمد لله
فكيتوو لقيتوو بضحك..
سجدت سجده شكر طووويله .. بعدين قمت وقلت ليو وهم وين؟؟
قال لي الطفل لسه صغير وولد سبعه شهور دخلناوو الحضانه.. ومرتك جوه.. لسه تحت تأثير المخدر نايمه..
بدون ارد عليو جريت .. حتى م اتفاهمت مع شوق وامي ال كانو بكوركو.. دخلت ليها وقعدت في كرسي قصادها ومسكت يدهااا..
ورقدت بفكر كيف كان حالي لو كنت فقدتهاا.. كيف كنت ح اقدر اعيش بدونها؟؟ طردت الافكار دي من راسي وبقيت بحمد ربي انها عايشه
بعد شويه حسيت بيدها بتمشي علي شعري.. رفعت راسي عاينت ليها .. كانت مفتحه عيونها ومبتسمه.. قلت ليها وانا بخت راسي في يدها وبعاين ليها “انا كمان”..
قالت لي شنوو؟؟ قلت ليها انا كمان بحبك.. انتي م اديتيني فرصه ارد قبيل..
ضحكت .. وسكتت مسافهه .. بعدين قالت لي كيف؟؟
قلت ليها ماف شئ صعب على ربنا
قالت لي بصوت واطي ونعم بالله.. وفارس؟؟
قلت ليها في الحضانه.. ما شاء الله سميتيوو؟؟
قالت لي اي دا كان اسم حبيبي القديم.. وقلت اول ما اجيب ولد ح اسميوو كده .. والمره الجايه في البت سميها نجاح انت سمح؟.
ضحكت وقلت ليها لمن تغيري بتكوني سمحه..
ضحكت ولفت وشها بالجهه التانيه..
شويه ودخلوو شوق ومازن وابوي وام وائل ونجوى..
شوق جرت عليها وحضنتها وبقت تبكي ..
……………
بقو بحمدو لي السلامه .. ووائل كان ماسك يدي وواقف.. ولمن يجوو يسلمو عليو بمسك يدي بيدو التانيه وبسلم وبرجعها ليدو اليمين( ما عارفه حاولوو افهموها
) كأنو بقول لي انا ربنا رجعك لي بعد كنت ح افارقك .. ف مستحيل اسيبك!
عديت اسبوع في المستشفى ولمن طلعت البيت جوني فطومه ووضاح.. اول ما شفتها بقيناا نصرخ وضميتهاا شديدد وقلت ليها الحنه يحردوها ليك ..
فكتني وبقت تقول لي كيف بالله؟؟ وتوري فيني .. قلت ليها زابطه شديد
قعدت واتووونست معاي وقالت لي كان نفسي تحضري العرس شدديدد.. كان ربهه شدديدد .. وناقصك انتي بس ..
قلت ليها م مشكله نعوضوو يوم ولادتك وغمزت ليها.. قعدت تتخجل
………………….
من جهتي .. وبعد عرس فطومه مباشره.. فكرت في اني اطلع من قطر دي شويهه زهجت منها ومن جو الشغل دا .. كلمت الحجه.. وافقت وقالت لي بعد فطومه البيت بقااا فاضي.. ارح بجد
بعد يومين تفاوض.. قررناا نمشي السعوديه.. نعمر ونتفسح شويهه ونرجع..
وفعلا دا الحصل .. وطول فتره العمره كنت بدعي ومن قدام الكعبه انو الله يقدرني انسى رغد واواصل حياتي.. وانوو يقدرني اقدر أسعد نفسي واسعد امي ..
………………….
بعد طلعوو مننا ناس فطومه.. مشيت على رغد مسكت يدهااا..
ابتسمت وعاينت لي .. قالت لي حبيبي والله انا كويسه واهوو قدامك ما ماشه مكان..
قلت ليها رغد انتي فاهمه انوو فكره اني ممكن اخسرك بقت معششه في مخي.. بقيت في حاله خوف طبيعي.. وما بطمن الا لمن اكون جمبك وماسك يدك
قالت لي طييب وضغطت على يدي زياده..
قلت ليها نمشي نشوف فارس؟؟
هزت لي رأسها وهي مبتسمه..
مشينا وشووفناه وكان قطعه من رغد.. نفس لونها الفاتح والعيون الناعسه ديك والحواجب اللي شبهه ملصقه..
قلت ليها شبهك شديدد .. قالت لي اايي بس فيوو حاجه منك ..
قلت ليها صحي؟؟ قالت لي ايوه انفك الشينه.. وبقت تضحك..
…………………
عدت الايام ودقوو لي وائل وروهوو انوو مدير الشركه حصلت ليو ظروف وقرر يفضهاا.. وائل ما حسيت بيوو اتضايق.. بالعكس قال كوييسس وقفل..
قالي احسن اصلا اب كرشه دا مواضيعوو طويله.. وبسببك كان عندي كميه شغل فوق رأسي اهو هم وانزاح..
قلت ليوو وحتعمل شنو حسي؟؟ قال ح يبيع البيت والعربيه ويفتح شركه صغنونه بالشراكه مع اي زول عندوو الرغبه.. وشويه شويه يوسعها..
فرحت شديد وخصوصااا انو ح تكون هنا
مرررت الايام وموضوعوو مشاا واترزق.. وكان دايما بقول لي انو بستبشرر بالمتسولين ال في الشارع الجمب بيتناا وبقول كل ما افرحهم ويدعوو لي .. الله بفتحها علي..
فارس كبرر وطلع شقي شديد.. وبالرغم من انوو شبهي في الملامح بسس طلع عباره عن وائل مصغر في التصرفات..
نزلت جامعه بعداك وبديت اقرأ تصميم ال كان نفسي فيوو
والحياه بعد ما كانت اتقفلت.. قلبت وبقت ورديه
بعد ما كنت فقيره و ع قد حالي .. بقيت زوجه واحد من أغنى الشباب ما اقدر اقول في السودان لا في قريتناا المتواضعه
وبعد ما كانت حياتي كلها مشاكل وبكاااا.. بقيت في كميه نعمه بتخليني كل يوم بحمد ربي واقول انا عملت شنو عشان ربناا يجازيني بي زوج زي وائل.. ووفارس”!
تمت………..
لقراءة الجزء السابق : الجزء الحادي عشر من رواية زوجة المغترب
للإطلاع علي فهرس أجزاء الرواية : جميع روابط اجزاء رواية زوجة المغترب للكاتبة بيروحاء
جميع الحقوق محفوظة للكاتبة بيروحاء .
