وفي الجزء الثاني عشر من رواية عكس ما تمنيت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة روبا جعفر .
الجزء الثاني عشر من رواية عكس ما تمنيت
محمد طلع وخلى روبا في البيت مع أمه
أمه روبا ي بتي الحاصل معاك شنو
روبا م بقدر احكي ليك بس العيشة بيني وبين أحمد مستحيلة
أمه لي ي. بتي مالك احكي انا م امك لي م بتقدري احكي لي
روبا انا محتاجة احكي بس م بقدر م بقدر
أمه لا بتقدري احكي وحياة امك احكي مالك وفي وتصرفات اتغيرت لي انا شايفة الوجع في عيونك
روبا قعدت تبكي شديد أمه ضمتها ليها
أمه اهدي واحكي وكله بتحل
روبا انا مغصوبة على البعلمه دا كله
أمه الغاصبك منو ولي م كلمتي محمد
روبا انا بحكي لي………
بس دا الحصل يا إما محمد يموت والكلام دا جد والحادث الحصل لمحمد م كان صدفة بفعل فاعل
أمه ياااالله في ناس بالحقد والإجرام دا
روبا المشكلة لو اتكلمت برضو محمد في خطر انا م عندي أعز منو
أمه طيب والحل ي بتي انا م بقدر اشوف محمد يتعذب
روبا انا ي خالتي م كنت حامل دي لعبة ساي اشان محمد يكرهني ويسهل على المهمة بس انا حكيت ليك بس اوعدني محمد م يعرف
أمه كيف الكلام دا ي بتي
روبا والله انا لازم احافظ على حياته بس اوعدني انك م ح تكلمي طيب
أمه حاضر ي بتي
روبا ودايرة منك مساعدة تخلي محمد م يضغط علي ويطلقني
أمه لا دا خراب بيت دا
روبا اعمل م في حل وسكتت انا جاتني فكرة انا ح اخلي البيت وتبعد محمد من السودان كلو كلو
أمه كيف انا ح اجيب ليه عقد عمل أو أي شغل برة السودان وكدا يضمن حياته ومستقبله وانتي أقنعه
أمه وانتي ي بتي وين من دا كله
روبا انا كفاية على محمد يكون كويس وبخير وبتكفيني الايام الحلوة العشتها معاه وعد يا أمي
أمه وعد ي بتي بس بعد محمد م يسافر م ح تقطعي بي وح تزوريني
روبا اكيد انا م عندي غيرك
أمه الله يخليك لي ي بتي وحضنتها
محمد رجع البيت دخل غرفته لقى روبا نايمة مشي لأمه
محمد امي
أمه سلمت من الصلاة تعال ي محمد
محمد اتكلمتي معاها
أمه طلقها ي محمد هي قالت م قادرة تعيش معاك طلقها ي ولدي
محمد دا كلام شنو ي امي انا مستحيل أطلقها نجوم السماء أقرب ليها
أمه بس هي قالت ح تخلي البيت
محمد م على كيفها
أمه ي ولدي الكلام دا غلط وعاشرهن بالمعروف
محمد انا ح اخليها معلقة كدا لا متزوجة ولا مطلقة
أمه حرام كدا اتقي الله يا محمد
محمد وهي لي م اتقت الله لمن قتلت ولدي الم شاف الدنيا
أمه انت اتقيه م ليك دعوة بغيرك
محمد انا تعبت ي امي اعمل شنو وريني بس
أمه عايز ترتاح
محمد ايوا
أمه حاول ابعد سافر ي محمد سافر
محمد أسافر وين واقبل وين ي امي واخليك براك
أمه انا عندي جاارتي قالت دايرين ناس برة شغل اديها َرقك
محمد اديها يا أمي اديها
أمه تعال ي ولدي ضمته ليها ربي يريح قلبك ويهدي سرك بس طلقها قبل م تسافر
محمد بتقول شنو مستحيل أطلقها
أمه ليسا بتحبها
محمد لا بكرها احبها بعد القالتو لي
أمه طيب كدا ظلم وانت م ظالم
محمد ح اعتبرها عقوبة
أمه انت م ربنا
محمد انتي لي بدافعي عنها
أمه م بدافع عنها بس م دايرة ولدي يغلط ويظلم
محمد انا داير انوم عن اذنك وكلمي لي جارتك قولي ليها مستعد اسافر في أي لحظة
أمه طيب ي ولدي ربنا يصلح حالك
محمد أمين
ومشى غير وجا رقد جمب روبا
محمد لو تعرفي كسرتني كيف جرحتني من جوا انا حبيتك بالجد والله حبيتك المشكلة م قادر اكرهك بعد العملتي والقلتي لي دا كلو لي حصل شنو الغيرك شنو كأنك وحدة تانية
روبا كانت…امعة كلامه قلبها واعجة عليه بس م بتقدر
محمد انتبه لاصابعه ألفي خدها وأنه وارم قرب منها لمس خدها
روبا من غير م تحس اتاوت اااااه وفتحت عيونا
محمد قبل الجهة التانية
روبا محمد ممكن نحكي بهدوء
محمد م داير كلامه معاك
روبا ارجوك خلينا نحكي
محمد ليسا في إهانة حابة تسمعيني ليها
روبا لا بس خلينا نحكي
محمد احكي سامعك
روبا محمد نحنا م ينفع نستمر مع بعض الحصل بينا خلي في فجوة انت م ح تقدر تسامحني خلينا ننهي الموضوع بهدو
محمد انتي مفكرة الموضوع بالبساطة دي دا قلبي الكسرتي م كباية قزاز
روبا وانا قلبي اتكسر اكتر منك محمد انا بحبك بس م كل حاجة في الدنيا بنحصل عليها
محمد لي دا كله لي
روبا اشان قدرنا كدا
محمد م قدرنا انا الغلط اني أديت قلبي لوحدة زيك اكتشفت انك مستهترة ومدلعة كل همها القروش وبس كلبة قروش
روبا حقك تقول اكتر من كدا بس ربنا عالم بجواي انا ماشة لأبوي بكرة وياريت ترسل لي ورقة طلاقي
محمد انا ح اسافر وزي م قلت ليك ح اخليك معلقة لا مطلقة ولا متزوجة انا م دايرك تاني ورقد قبل علي الجهة التانية
روبا رقدت بس دموعها جرو وشديد بتحاول تكتم صوتها
تاني روبا مشت لابوها وكلمته انه محمد مسافر م حكت ليه بالحصل
مر شهر محمد كان بجهز لموضوع سفرو م عنده خبر من روبا ولا عايز يعرف عنها حاجة
روبا روبا كانت عايشة في عذاب مشتاقة لمحمد شديد بس م بتقدر تمشي ليه بأي حق وبأي وش
محمد خلاص في المطار مسافر روبا مشت ليه
روبا كانت بتفتش فيه لحدي م لقتو
محمد عاين ليها واتصدم من أنه هي جاتو
محمد الجابك شنو
روبا محمد انا جيت اودعك
محمد مش جيتي خلاص تقدري تتفضلي
روبا مسكت يدو ومشت به لحتى م فيها ناس قربت منه مسكت وجه بين يديها اكل كويس واتغطي كويس خلي بالك من نفسك طيب م تهلك نفسك في الشغل صحتك أهم شي محمد امشي وابدا حياة جديدة عيش وانبسط و سكتت وانساني عيش حياتك افرح واتجاوزني
محمد ح اسافر واحقق نفسي وح ارجع بس ح ارجع اشان انتقم منك صدقيني ح انتقم منك انتقامي ح يكون نار بتحرقك دا وعدي ليك ح ادفعك التمن غالي ح اخليك تتمنى الموت ح ابكيك بدل الدموع دم
روبا قربت منه 
وهو اتجاوب معاها بعدت اتزكر انه بحبك وح احبك طول عمري ولو انتقامك مني بريحك انا منتظراك وبتحمل كل البتعمله ضمته شديد وباست خدو وجرت طلعت من المطار
بعد ساعة طيارتو أقلعت
بعد خمس سنوات
روبا يا استاذ ارجوك اديني فرصة وانا يسدد الدين م معقولة شركات بابا تضيع كدا على الأقل انت صاحب المرحوم بابا
حامد انا احترمت فترة الوفا وم بديت في الإجراءات بس كل المهلة خلصت وانتي م قدرت تعملي حاجة واسي المزاد حح يبدأ
روبا يعني م في امل
حامد لا ي بتي هن اذنك ومشت
روبا روبا يا رب ساعدني واقيف معاي يارب
المزاد بدأ
حامد سلام عليكم ورحمة الله وبركاته ح نبدأ المزاد على شركات السيد المرحوم أحمد المزاد ح يبدأ بقيمة 200 مليون دولار
واحد 210 مليون
تاني 250 مليون
تالت 300 مليون
المزايد 300 في. حد يزيد 300 الا اونا الا فرنك
شخص مجهول 500 مليون
المزايد 500مليون حدا يزود الا اونا اللا فرنك مبرووووك رسي عليك المزايد 500مليون
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الثالث عشر من رواية عكس ما تمنيت
لقراءة الجزء السابق : الجزء الحادي عشر من رواية عكس ما تمنيت
للإطلاع علي فهرس اجزاء الرواية : رواية عكس ما تمنيت ( جميع الاجزاء كاملة ) للكاتبة روبا جعفر
جميع الحقوق محفوظة للكاتبة روبا جعفر
