وفي الجزء الثاني عشر يا تري ماذا سنري من روائع الأحداث مع ابطالنا ؟ دعونا نعرف إجابة هذا التساؤل في السطور التالية بإذن الله من رواية لهيب الإنتقام للكاتبة ميشو محمد .
الجزء الثاني عشر من رواية لهيب الإنتقام
نيسان خافت:صقر…وطلعت خداته ولبسة غطا الصلاة
صقر كان راقد ع بطنه وتيشرته دمممم ع ضهره
نيسان:خيره مش خيطوه
راغب: منعرفش لين داخ
ميسون طلعت: شن في(شافت ظهر صقر) وووه علياا خيره
نيسان رجفت اطرفها قعمزت جنب راسه حطت ايدها ع شعرها: صقرر صقررر… جيبلي اميه ووناضت خدت صحن ودارت فيه اميه وخدت قماشه
امها وهديل ووسن لحقوها
نيسان بلتله وجها وتبكي: صقرر تسمع فيا
صقر بدي يرمش ف عيونه
نوضه راغب وسطحه ع الجلسة متع المربوعه
نيسان تبكي وترجف: صقر بنقيم التيشرت باهي لو حسيت بوجع قولي
صقر : قصي التيشرت
نيسان قصة التيشرت ميسون شافت كبر الجرح رجفت: وووه عليا هدا شنو
نيسان زادت خافت
راغب تحشم طلع
نيسان بدت تنظف ف الدم بتقيم القطن لـ ع الجرح بس حساته لاصق ف الجرح
صقر بصوت داييخ: اجبديه كله جبده وحده هياا
نيسان تبكي بعدت وجرحه ينزف: منقددرررش
صقر: نيسااان هيااا
نيسان خدت قماته وبلت القطن هكي يتحول اسهل: صقر نوض للمستشفى
صقر ساكت
نيسان حولت القطن وتبكي وترجف: ياماما منقددرش
بسمه ترجف قربت لبنتها:نظفيله الجرح وكلمو خوه يرفعه للمستشفى
وسن قربت لـ نيسان تهدي فها:اهددي مافي شي
هديل قربت لـ نيسان: نظفيله هيااا باش يمشي
صقر حاسس بجرح ينبض
نيسان نظفتله الجرح ولفت عليه شاش نظيف وحاولت توقفه
هديل تحشمت طلعت وخشت ببنتها داخل لصالة
صقر وقف
ميسون: دايخ
صقر: كويس يام كويس (شاف نيسان) جيبيلي سورية
نيسان خشت وهي تبكي وخشو كلهم لصالة
نيسان طلعتله سورية وتبكي
صقر حضنها: متبكيش بسيطه
نيسان حضناته وتبكي: متتاخرش باهي
صقر ابتسم: حاظر 
.. ساعداته يلبس وطلع
.
نيسان خشت تبكي
هديل: اهددي اهو مشي للمستشفى خلاص
نيسان: هديل صقر جابلي ورق بابا من عمي خدالنا حقنا منه
هديل: كيف صار احكيلي؟!
نيسان: بعدين معنديش خلوق نقول حررف
من التوتر والخوف والبكي ورجف خداها النوم
ميسون ابتسمت: يناري البنيه حصلت رعشه
بسمه تمسح ع شعر بنتها: نشالله خير
وسن: حليلي لين قعدت تبكي من خوفها ع صقر
ميسون: خافت صغيرة متعرفش
هديل: ماما شن نروحو
بسمه: اي اتصلي براجلك قوليله هيا وع صقر تو نتصل بـها وننشد عليه
دقايق
ووصل راجل هديل روح بيهم
الساعه 12 روحو من المستشفى
ف الصالة
صقر خش: راغب يستنى فيكم برا قتله يخش…قطعاته
ميسون متعصبه:شوفت شن صار ف البنت من خوفها عليك هي الوحيده قعدت تبكي خافت بكت بكت لين خدها النوم تعرف ياصقر مزال نسمع بيك متعارك معاها نهارك مني تسمممع
صقر خش لغرفةة النوم
ميسون ووسن طلعوو
في السيارة
ميسون:مرته صغيرة وخافت وبدت تبكي ياراغب تعرف بكت بكت لين خدها النوم وكان تشوف هو بكري كيف كشخ علها وواخد هاتفها
راغب:ولدك وتعرفيه
وسن:صقر ياماما تو تشوفي تو يطفشها
ميسون:يطفش قهرته بعد لشفته اليوم غير نسمع بيه معاركه بس
.
صقر خش غرفة النوم حول السورية وقعد هكي طلع لصالة من الخياطه الجديده مقدرش يطبس لـ نيسان
صقر:نوسه بنتي نووسه نوضي تسمعي فيا
نيسان فتحت عيونها قعمزت:امي وامك روحو
صقر:اي روحو نوضي ارقدي داخل
نيسان وقفت وشافت ضهره:حبيبي شن قالولك
صقر:عطوني مضاد وخيطو الجرح قالولي دوه فاضيه المهم الدواء
نيسان:وين دواك
صقر ابتسم شد يدها:قالولي بوسة الظهر وبوسة ع الغدي وبوسة العصر وبوسة المغرب والعشي وراى بعض وفي اليل لم تبدا راقد تحس بوجع خود بوسة
نيسان ضحك:سخيف..خشت لدار النوم
صقر ولع المكيف ورقد ع بطنه
نيسان رقدت جنبه:نغطيلك ظهرك؟!
صقر:لالا خليه يبرد الجرح
نيسان رقدت وتشوفله
صقر يشوفلها:خيرك
نيسان حطت ايدها ع لحيته: مجرد شفت الدم عليك..قاطعها بـ 
.
تاني يوم فاقت
نيسان فتحت عيونها ع وجع بطنها 
عرفت انها جتها ناضت نظمت امورها وبتموووت من الوجع
طلعت فتحت دولابها تفتش ف اغراضها:وينههههم وينهههم يااارببببيي
صقر خش:خيرك
نيسان كاتمه وجعها ووجها اصفر:شي
صقر قرب:خيرك تكلمي
نيسان جبدت ملابسها من الدرج: نبي يبرتتتي اني معنديش يبرة
صقر شد مرفقه:علاش اليبرة فهميني خيرك
نيسان بوجع تتكلم:بطننني
صقر فهم:اهاا فهمت انتي متعوده تاخدي يبرة
نيسان بوجع:ااااي
صقر:البسي نرفعك
نيسان:وين بترفعني انت ظهرك
صقر بتكشيخ:وجهك مولي اصففر البسي
نيسان قعمزت ع السرير:لالا تو ينفتح جرحك منبيش نرقد شوية تو يهدى الوجع خلاص
صقر:نيسااان
نيسان تغطت كلهااا تحت البطانيه حضنت بطنها وموجوعه
صقر قعمز ع حافت السرير وقام لغطي علها:تبببكي؟! نوضي نوضي
نيسان شده بطنها:اني حطيت ايباري ف بتاتي حطيتهههم
صقر لبس سوريته بوجع وببطىء:نوضي هيااا اني بنسوق مش رح نسند ظهري ع الكرسي
نيسان قعمزت
صقر شد يدها:نوضي تحركي
مشوو للمستشفى وروحت
حولت عبايتها وعطول تسطحت رقدت
صقر فتح الاب توب ويشتغل مع ناصر كلعاده ويبعتله ف شغله ع الاب توب وكلم موضفين الصالةانه مش رح يدير تدريب الفترة هادي
نيسان ناضت؛ جعان نديرلك شي
صقر.لالا توا كويسه ؟!
نيسان: احسن خديت دواك
صقر؛ خديت
نيسان قعمزت جنبه: صقر
صقر ع الاب توب:عيونه
نيسان: بعد غضوا بيبدو امتحاناتي
صقر شافلها: في شي مش فاهمتيه نشوفلك كورس؟!
نيسان: لا تمام كله بس اني نبي ندير امتحاناتي عند امي قبل كنت نبي
صقر شد يدها:مافيش نوم برا تقعدي هني ومعاي مش رح اطيبي شي ولا رح تنظفي شي ناكلو الفترة هادي من المطعم
وكل فترة ندلعك بشكلاطات
نيسان حطت راسها كتفه بصوت واطي:نحبك
صقر باس يدها:نموت فيك
نيسان لفت الاب توب لها وضحكت: معاش هدرزت ع مرتك
صقر: مريضه مرتي وعندها امتحانات
نيسان ابتسمت وتلعب ع الاب توب شافت صورة بيبي صغير وباين ع صورة قديمه:حليلي هدا مني
صقر جبد الاب توب:صكري الهم
نيسان خدته منه وفتحاته:تي تهبلل هدا انت
صقر:اي
نيسان تمشي بصور وتضحك: محلااك…ووقفت ع صورة راجل وجنبه صقر
صقر:وهدا بوي
نيسان: تشبه لبوك هلبااا
صقر:الوهمم
نيسان: خصوصا العيون
صقر: زعماا؟
نيسان ناضت فتحت ساكوو وطلعت منه زوز البومات
نيسان:وهدا متع طفولتي المتشرده كنت عارف الزواج هدا فاشل بس لم ماما قتلي بتنتقل عند خوالي خفت يريحو خديتهم وخليتهم معاي
صقر خدي البوم: شفشوفه صفره 
وقعد يتفرج ع الصور لعند شاف صورة جديده مصورتها وبوها ف الكروسه
نيسان 
صقر قرب ويشوفلها راقده:ملااك ياناس
نيسان
صقر ابتسم باس بخفه ع خدها: بجمالك وبرائتك وعفويتك قعد مش مصدق انه الناس يـ اشرو عليك ويقولو هادي مرت المجرم صقر
صقر يبعد ف قصتها: طيوبتي مش قادر ننساك لم قعدتي تبكي ف امربوعه وخووفك ورجفتتك …باسها ع خدها التاني
تررررن ترررن
ميسون:الوو
صقر.هاا يام كيف الحال
ميسون:باهي الحمدلله كيف حالكم انتم
صقر:تمام
ميسون:اسمع بنمشو نخطبو لـ راغب توا بعد العصر قول لـ نيسان تجهز روحها وتجي تمشي معاي
صقر:ياام فوتها نيسان مريضه راقده
ميسون: محلاها متزوجاتك انت وكيف متمرضش شن دايرلها
صقر: يااام شن بنديرلها مريضة البنت بس
ميسون: باهي شن بنمشي اني ووسن بس؟!
صقر: ارفعي عمتي معاك
نيسان فاقت ع صوته:مني؟!
صقر شافلها:يماا بترفعك معاها تمشو تخطبو لـ راغب تمشي؟!
نيسان سكتت:تمام
ميسون: لا عماتك لا
صقر:اهي ناضت يماا قتلك باهي
ميسون:حليلي عطيهالي رزيني فيك ابصر شن دايرلها
صقر تعصب مدلها الهاتف
نيسان:الوو عميمه كيف حالك
ميسون:لاباس عليك قالي مريضه
نيسان:سلمك مايوريك باس مريضه شوية
ميسون: بالك المغضوب ابصر شن دايرلك قولي
نيسان:لالا حشاه ياعمتي غير مريضة شوية
ميسون:باهي بنتعبك تمشي معاي بعدين باهي
نيسان:حاظر
ميسون:بسلامه توا
نيسان:سلمك سلام…وصكرت
صقر:بتمشي وانتي مريضه
نيسان قعمزت: بنطلع احسن كان نقعد ف الحوش زياده نهبل وبعد مانورح نشد قرايتي
صقر: علاش ملليتي من الحوش؟!
نيسان: نبصررر
صقر:جعانه نطلب شي؟!
نيسان: لالا مانبيش
صقر: من الصبح ماكليتي شي
نيسان ناضت:ماخاطريش
وناضت اضم ف الحوسه ورجعت الملابس ف الدرج وفتحت دولابها
نيسان تشوف ف الملابس
صقر قعمز ع السرير: العنابي
نيسان شافتله:شنو
صقر:البسي القفطان العنابي
نيسان طلعاته كان طويل منفوووخخخ متع حفله:هدا متع حفله
صقر: نتسهوك يامريضه
نيسان رجعت القفطان طلعت عباية زرقه كحليه كمامها واسعات متع عروس:بنلبس هادي معنديش خلوق نلبس شي
تتبـع… ………
لقراءة الجزء التالي : الجزء الثالث عشر من رواية لهيب الإنتقام
لقراءة الجزء السابق : الجزء الحادي عشر من رواية لهيب الإنتقام
للإطلاع علي فهرس أجزاء الرواية : جميع روابط اجزاء رواية لهيب الإنتقام للكاتبة ميشو محمد
جميع الحقوق محفوظة للكاتبة ميشو محمد .
