وفي الجزء الثاني من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء الثاني من رواية عالمي
الليل كلو كنت بتقلب وبصحي ومرات بتخلع انا وين لمن بتذكر اني طلعت من السجن لمن اتقلبت كتير زهجت دخلت استحميت وانا واقف ف الدش سرحت بعيد لو م كنت مشيت الموكب ابوي ما كان سجني واهاني بس انا كنت بدافع عن الشعب طيب ابوي ليه م حن علي حتى لو تابع للجيش وفي الرتب العاليه م عندو قلب يعني
قلت لي نفسي م ترهق نفسك ب التفكير فجأه اتذكرت بنان روحي التانيه م عندي غيرها ك لحن العشاق هي ثم مزمار للأمان ثم قلب او روح اتكي عليها كنت مصمم اني اتم العرس بسرعه وف الوقت د وعيت اني بستحم قفلت الدش ولبست مرقت صليت وبقيت ادعي حياتي تترتب قمت قريت وجهين من البقرة ونعست نمت تاني صحيت الساعه ٩ صحصحت وعملت رياضية دخلت اتسوكت وكنت متحمس احضن امي اشتقت ليها مرقت براحه مف صوت نهاي اجدت جولتي ف البيت م لقيت زول برضو رجعت غرفتي وقفلتها كنت مستغرب ليه مف زول بقيت شغال ف التلفون ودقست من التعب صحيت المغرب بي جوطه بره قلت اكيد جو مرقت سمعت الجوطه من الصالون مشيت براحه لمن وصلت لقيت ان العائله متلميه مم سكت مسافه لمن قربت اسرح دخلت قلبي كان بدق بسرعه بس لقيت امي ف وشي قلت ليها يمهههه النسوان ديل لي حدهم فكو الزغاريت والصريخ بأعلي صوت يااااااامن ولدددددي جريت عليها يمه حضنتها كانت م قادره تقوم من الصدمه بقيت ابوس جبينها واقول ليها يامن ولدك جا ي امي النسوان بزغرتو وم قادر اسمع امي قالت شنو كانت م قادره تتكلم من الصدمه حضنتني بس وبقت تبكي واخواتي ديل اتلمو فيني سلممم علينا سلم ومنهم ضربو لي عبد السلام اخوي يجي حضنت رحمه ومهجه رحمه د بتبكي بصوت عديل فجأه اتذكرت بنان اللفيتها واقفه بتعاين لي بصدمة مشيت عليها قلت ليها بنان م عارف حسيت بشنو وقتها الحروف تقلت كنت مشتاق ليها قربت احضنها عاينت ف عيونها شديد م عارف سلمت عليها كيف او مضا من الزمن كم وانا ماسك يدها كل الفي بالي بنان حبيبتس ونور عيني قدامي م عارف كنت بتنفس ولا لا بس البعرفو بنان العيونها حمرو وبتعاين لي للحظة كنت حتهور واحضنها بس الاكتفيت بيهو اني املي عيوني كنت بعاين ليها جوا عيونها وعيت وراجل بقول هي زح يدك م شايف انك كترتها فعلا وعيت وزحيت يدي وعاينت ليه قلت ليه م عرفتك وسلمت عليه اتبايخ معاي م بعرفو او م مزكرو قلت ليه والله م فاكرك انت منو ي ابو الشباب قال لي انا زوج بنان قلت ليه م فهمت بنان منوو سمعت امي بتقول بت خاالتك ي يامن م قدرت تنتظر وعرست خالتي قالت لي والله هو كان شاريها وبنان قالت م بتنتظر لمن يامن يطلع من السجن عاد ي ولدي انتظرت سنتين لمن م طلعوك فسخت الخطوبة وقالت م بدورو رحمه قالت لي يامن اتكلم عاينت لي بنان بهبل ضحكت قلت لبها عايني ديل بقولو ف شنو
هم م عارفين اننا الثنائي البنعمل مقالب بس مف حد تاني معانا الشاب قال لي اتكلم ف حدودها بنان مرتي ود الخاتم لو م مصدق خليك حقاني وبطل الدراما د وخلي موضوع العشاء د يتم لمن عاينت ف يد بنان وشفت الختامه والحنه ولاحظت يادوب للتوب الابسه والريحه انا ممكن تقولو قلبي وخزني عاينت ليها وعيوني حمر نزلت عيونا قلت ليها الكلام د صح جاوبت بعد مسافه بي ايوه عرست ي يامن م بقدر انت… اخرررسي م عارف طلعت مني كيف وقتها م كنت شايف حاجه قدامي قلت ليها تتهني وان شاء الله قلبك يرتاح ي بنان أن شاء الله م تعاني الليل زي م حأعاني انا وانتووو واحد فيكم يجيني ماف ف عز الحال د ابوي جا داخل وبقول شنو اصواتكم واصله الشارع قبلت عليه قلت ليه وانا بصفق مبروك فزتو انكم تدمروني مبروك بجد وحضنتو انا م كنت ببكي بس قلبي بكا لمن حسيت بيه تقيل زحاني براحه وعيونو مدمعه قلت ليه مبروك ليكم ومشيت غرفتي شلت الجواز والقروش الفي الخزانه ولبست بسرعه شلت الشنطه بتاعت هدومي والحمد لله ان الجواز لقيتو بسرعه مرقت قدامهم امي كانت بتقول شردت ولدي الله لا كسبك خير ي بنان ي خاينه ي كلبه الله لا ريح ضميرك زي م تعبتيني شاحده الله ي بت الناس يجيك جنا جريت عليها وحضنتها قبل تكمل كلامها صح بنان كسرتني شديد بس م بقبل الدعاء البتقولو لي بنان مهما حصل هي بت خالتي امي قالت لي اخخخخ ي ولدي اخخخ عبد السلام قال لي ي يامن ماشي وين بعد جيتنا قلت ليه ابوي دخلني السجن وخطيبتي عرست واحد غيري اقعد ليه قال لي ابوي كان مجبور يدخلك السجن وبنان تقعد تنتظرك لي بتين؟ قلت ليه الزول البحبك حيفضل معاك العمر كلو بدون مباله وانا شكلي اخترت غلط خالتي قالت لي امسحها ف وشي ي ولدي قلت لبها حااشاك ي امي التانيه مهجه قالت لي هي ي اخوي عاوز تفارقنا بعد جيت حرام عليك ي يامن سهرنا الليل ومعدنو بكاء وكل م نتذكر انك بعيد نبكي عاوز تفارقنا تاني امي قالت لي وبعدين تسيب البيت كلو عشان بت خانتك ي ولد ادتني كف حار قالت لي اصحا هي مف بت بتستاهل انك تموت عشانها فوق ي ولد البنات لي حدهن جاااريت وراك ي ولد وهسي كان فتحت عيونك امنيه ومنيه ديل مالهن عيبهن لي امنيه قالت لي انا
شارياك ضحكت ضحك قلت ليها م سبتي الجن قالت لي كيفن اسيبو وعلمتني ليه انت امي قالت لي هي ي ولدي فتح عيونك الدنيا ملانه خزلان لو بقيت تتكسر ليها حتموت وجع وتغطس ف بحر الماضي مف حد بهربك منو انت مانك يامن ولدي القوي زي ابوك د خليك زي الجبل م تتهز وخلي العولاق للبطااله انت راجل وعدلتني بي الكف التاني قالت لي د عشان تنتبه انك يامن ويامن م بتهز لي بت ممكن أقول ليكم بعد كلام امي وعيت للكنت حعملو انا يامن اتهزا عشان بت؟ مستحيل بس والله الخزلان مف وجع اكتر منو عاينت لي بنان الجرت ودموعها جاريات وراجلها لاحقها عاينت لي ابوي البعاين لي بخوف اني م اسامحو عاينت لي امي قلت ليها انا المخدرات م هزت فيني ي يمه مف حد يهزني تاني وانا ماني مسافر بس م حقعد هنا قالت لي لا والله م تخليني اخيرك بين العفو اخدت نفس وقلت ليها خلاص ورجعت غرفتي طلعت هدوم المرقه وعاينت لقيت مهجه قالت لي اساعدك قلت ليها لالا قالت لي اكلت قلت ليها اخخخ نسيت سكتت وجات عبت الشنطه بهدوء وأثناء م هي بتخت ف التشرت قالت لي للدرجه د اتعودت قلت ليها م فهمت قالت لي اتعودت انك م تاكل قلت لبها لا اكيد م كده قالت لي يامن ي يامن انا اختك وم تخبي على جروحك وبعدين انا عارفه السجن كويس مرقت م كنت عاوز احكي ماضيني.
*اشتهاني الخزلان حقا فلا وفي الا نفسك*
اكلت ورجعت لقيتها مرقت لبست ودقيت تلفون لي صحبي قلت ليه ي اصلي قالت لي ي مفتح الأخبار قلت ليه بخير اسمعني ي مان قال لي اها قلت ليه انا طلعت من السجن خلاص صفررر قالت لي اخيرا ياه قلت ليه اي اي المهم المطعم شغال كيف قال لي والله زي م خليتو قلت ليه شكرا جاي هسي عليك انت ف المطعم؟ قال لي ايوه قلت ليه تمام يلا قفلت مشيت لي امي لقيت الضيوف مشو قلت ليها يمه ماشي اشوف المطعم قالت لي سمح ارتاح انت م كويس قلت ليها يمه انتي قلتي يامن م ضعيف قالت لي م ضعيف بس الخزلان م بعرف ضعيف ولا قوي قلت ليها ادعي لي بس ومرقت م كنت مستوعب حكايه ان بنان لي غيري بناني حقتي بقت حقت زول تاني د كلو وانا سايق وسرحان بناني لي غيري بقيت اكررها كتير لمن سرخت وقلت د الحب الكنت خايف منو غشيتيني ي بنان بس حتجاوزك بس هل الحب بتجاوز؟
وصلت المطعم ونزلت دخلت لقيت الشله سررخو الناس كلها انتبهت حاتم حضني وسلام الرجال
اليوم كان حلو معاهم..
*_-_-_-_-_-_-_-_-_-_-_-_-_-_-_-_-_-_-*
*_-_-_-_-_-_-_-_-_-_-_-_-_-*
*وفي عز احتياجنا لي الصرخه بنسكت*
*☆اشوفكم
☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء الثالث من رواية عالمي
لقراءة الجزء السابق : الجزء الأول من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
