وفي الجزء الحادي والعشرون من رواية عاصفة الصمت دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .
الجزء الحادي والعشرون من رواية عاصفة الصمت
ناض بش بيمشي للحمام ايعكز واحدة واحدة عليه … … على خشت لبنى للمربوعة وقالت بكل سعادة : صباح الخير
* اذكر نزار عملتها مع ربحي قرن حواجبها وﻻ ارديا ولأول مرة نزار في حيااااااته ايمد ايده …وعطها كف امدرجح
لبنى شدت خدها ووبكل براءة وحزن قالت : عﻻش ؟
نزار : استغفر الله …بري من قدامي خير مانعفجك طريحة امشي
لبنى : به عﻻش هدا كله
نزار سكر قبضة ايده وشاد روحه بسيف وقالها : بري !
* مشت تجري لبنى وهيا شادة خدها وتبكي … وخشت لدار وارتمت على سريرها …
*فاقت صفاء وسمعت لبنى تبكي *
صفاء : خيرنا
مروة : شن فيه !.
* بس لبنى ماردتش عليهم…
ومرت ساعة 9 ، 10 ، 11
ولبنى مازالت حزينة وتبكي والكل ماعرفش خيرها ….
نزار : اتنوض توا اتجيني
زهير : عﻻش شن فيه
نزار : توا قلت انا
زهير : باهي به تو انجي…
* ناض نزار سكر باب المربوعة اللي يفتح عالحوش بالمفتاح وفتح الباب اللي يفتح عشارع *
{والله قاعد نسحن عليك ياربحي غير اصبر بس لين ايولي حالي باهي }
زليتن … ساعة 11 صباحا
سالم : معش قعدلي شي يا منير
* سالم … مواليد 74 .*
منير : وحد الله يا سالم وحد الله
سالم : ﻻ اله اﻻ الله … محمد رسول الله
منير : محمد رسول الله … هدا قضاء وقدر … والله غالب
سالم : الحمدلله ع كل حال …
منير : سافر غير جو يومين … وابدى حياة جديدة فيها …
سالم : والله ماخاطري ف حاجة يامنير … ماتوقعتش انا بأي شكل من اﻻشكال … لو اني هربت منهم حيديروا فيا هكي …
منير : ومن يقدرهم هادو منو .. حسبي الله ونعم الوكيل فيهم
سالم : ياريتني ماهربت يامنير ياريتني ماهربت
* نزلوا دموع من عين سالم بكل حرقة واسى *
منير : وكل الله يا سالم … صبرك بالله …
سالم : ماعندهمش قلب هادو ! كيف قدروا يحرقوا صغار صغيرين وشيباني كيف
منير : هادو مايحسوش كل اللي همهم مواضيعهم اتم فقط
سالم :#$@#^&&$@$&*
وفوق من هدا كله بيبعتوني لطرابلس
منير : شن بدير غادي
سالم : مش عارف … ماقالوليش كل شي…. كل اللي قالوهولي ان فيه شخص غادي مايغلبه حد اسمه دينار تقريبا
منير : دينار اممم سامع بيه مش دينار …شنو اسمه ياربي …ايوه ديناري ..
سالم : ممكن مش عارف
منير : وبه شن بديرله
سالم : مابنديرله شي قالوا بيفتحوله مكتب وانا بنخدم تحته .فديت والله من هالخدمة فديت … يلعن بو الفقر والساعة اللي خلتني انخش لهموال هدا
زهير : السﻻم عليكم
نزار : وعليكم السﻻم
زهير : نعم … تفضل
نزار : هات تلفونك
زهير : بأي وجه حق نع…
قاطعه نزار وقاله : هات تلفونك
* طلع زهير تلفونه وهوا مضايق ومده لنزار … خداه نزار واتصل ب 123
مرحبا بك في خدمة البريد الصوتي … لرسال رسالة اضغط 1 لسماع رسائلك اضغط 2
زهير : شن تبي فيهم ياديناري
*ماعدلش عليه نزار وضغط 2
رسالة رقم 1 : زيزو … وينك ياحبي
تم اﻻستقبال بتاريخ 4/29 ساعة
4 مساء
نزار : مني هادي
زهير : شن مني هادي
نزار : ايه منو
زهير : قريبتي …
رسالة 2 : وينك ياكلب على اساس بتجي
تم اﻻستقبال بتاريخ 5/2 ساعة 7 مساء
رسالة 3 : انا جاية قولك ارجع اسمع علشان انا صبري قليل كل مرة تضحك ع ايه انت اللي مسهرني الليل خدت مني روحي عمري عقلي
نزار : هادي مني
زهير : تتسهوك عليا ديناري
نزار : هادي مني
زهير : هادي اللي ضربتنا ع خاطرها هكي تبي تسمع
تم اﻻستقبال بتاريخ 5/15 الساعة 5 مساء …
* ابتسم نزار وقال متاكد ان هيا هادي
زهير : ﻻ حول وﻻ قوة اﻻ بالله العلي العظيم … ايه هيا … اي خدمة تانية …
* وقف نزار وهوا يعرج …
ومدله نقاله وقاله : مع العشية بنمشي للقيافة … خليك غادي تو انجي
زهير : به به برغم تصرفاتك غغريبة ومش فاهم شي
نزار : غير دير زي مانقولك … وقول لربحي كان لقيته غادي … قوله حسابك معاي …
زهير : باهي به سﻻم عليكم
{والله بنطير بفرحتي … بنطير غادة حبيبتي مش خاينة الحمدلله ياربي والله دبت فيا الحياة من جديد … وزهير حقه عليا انرضيه وبزايد …خلب نتصل بغدوش}
حنين : كيف حالك توا ياغادة
غادة : باهية
حنين : معش تبكي ياغادة .
غادة : نزار … نزار ياحنين قريب نهبل عليه … انتي مش حاستني … شخص انحبه وانموت فيه فجأة يختفي من حياتي وياريتني حق غالطة … المشكلة ان سبب مالياش فيه … بنموت ياحليلي بنموت جيبيلي نزار
حنين : غادة غادة … غادة نزار يتصل
كانت متكية غادة وتبكي فجاة قعمزت وخدت نقال من حنين
غادة : الو … الو نزار…والله ماخنتك والله انحبك
نزار : اششش معش تبكي حبيبتي
غادة : نيزو … هادي بنت خالتي هيا اللي اتكلم فصاحبك مش انا مش انا يانزار
نزار : عارف عارف حبيبي
غادة : وبعدين معقولة اتشك فيا هكي … انا حبيتك ومافكرتش اني انخونك
نزار : كل الاشياء اللي صارت قدامي خلتني نتاكد ان انتي اللي اتكلمي فصاحبي … استاجعت وتالمت
غادة : وﻻ يمكن انفكر انخونك
نزار : اسف حبيبتي اسف … حقك عليا
غادة : والله زعﻻنة منك مرضت حتى المرض
نزار : سﻻمتك ياروحي
غادة : ارتفعت عليا الحرارة … وبديت نهلوس لين جاب مكرم ادوية من صيدلية
نزار : من اكرم
غادة : ولد خالي
نزار : باهي به
غادة : مستاحشاتك ياعيوني مستاحشاتك
نزار : والله اكثر منك ياروحي …
غادة : ماما جاية باي باي …
خ سميرة : خيرك يابنت…
شن فيه
لبنى : راسي يوجع فيا .
خ سميرة : خودي حبة راس
لبنى : ايه اهو تو ناخد …
*طلعت خ سميرة وتلفتت لبنى وتخبط بيدها ع المخدة *
لبنى >> عﻻش بس …تضرب فيا ش
ن درتلك انا شن درتلك
والله اللي درته معاك مااديره واحدة …وهدا جزائي… معاد مدوراتك يانزار معاد مدوراتك …
ساعة 4 مساء …
نزار : السﻻم عليكم
الكل : وعليكم السﻻم … حمدلله ع السﻻمة
نزار : الله يسلمكم … انا جاي اليوم … برغم ان مش قادر نمشي مزبوط لكن جاب على خاطر بنعتذر من صديقي وعزيزي زهير … الحق ظلمته … واهنته قدام الكل … وانا نعتذر منه وان شاء الله يسامحني
* صفق شنشوبة وقال : اقوى زهيروو اعتذار من الديناري بطوبته
القيافة : شنو طلعت مش نفسها اماﻻ
نزار : ﻻﻻ ظلمته
القيافة : يفتح الستار يا زهير واﻻ ﻻ هههههه
زهير : ﻻ يفتح
نزار : خيرنا عاد يازهير
زهير : والله شايل منك هكي الحق
نزار : به انت ف مكاني شن ادير
زهير : نغرز الموس فيك غرز
نزار : خﻻص اماﻻ ماتلومنيش يازهير
زهير : باهي خﻻص
نزار : وبالله يالقيافة المهمة الجاية زودله نسبته
القيافة : تم من عيوني ياديناري
* ابتسم زهير ابتسامة رضى * خشت ربحي …
ربحي : السﻻم عليكم
الكل : وعليكم السﻻم
ربحي : كيييف حالك ياديناري ان شاء الله ﻻ باس عليك …
وقف نزار وقاله : الله ﻻ يسلم حالك
ربحي : شن فيه
تقدم نزار يعرج وشد ربحي من سوريته وقاله : ياواطي يلي ماتتحشمش
القيافة : هاااه شنو من كلم هالمرة
نزار : غير والله ماعندي جهد ليك والله كان هدا عفجتك طريحة لين نقتلك تحت ايدي
ربحي : غير شن فيه …
* رخي ربحي نفسه من قبضة نزار وقاله : فيه حاجة قول يا نزار … وكان ماتبيش اتقول اهنا اهو نطلعلك برا ….
* طلع ربحي ولحقه نزار
لبرا *
ربحي : فهمني
بيقيم ايده نزار بش بيضرب ربحي
لكن وجعه كتفه…
ربحي : من غير ضرب وتعصب وواحدة واحدة قولي …
نزار : تتصل ع تلفون اﻻرضي متع الحوش
ربحي : ايه امس اتصلت بيك اندور فيك ونلقى فيك خارج
نزار : به وبعدين
ربحي : ايه المهم اتصلت بيك ع اﻻرضي ردت عليا مراة
نزار : ايه
ربحي : قتلها نزار قاعد قتلي ﻻ قتلها وقت ايجي قوله ربحي يبيك قتلي راهو جاته شرطة وشداته
فانا درت اﻻزم وقلت للقيافة
نزار : وغير هكي
ربحي : كيف وغير هكي
نزار : فيه حاجة تانية غير هكي
ربحي : ﻻ حاجة زي شنو
{باين عليه الراجل مايندري على شي … ومش مداير شي… زعما حق او }
نزار : تره تلفونك معليشي غير نبي اندير مكالمة
* طلع ربحي تلفونه ومده لنزار … بعد شوية نزار وخش على سجل مكالمات لقي رسمي كﻻم ربحي عزقة مكالمات لرقم نزار و مكالمة واحدة اتصال للحوش متعه ومدة المكالمة 30 ثانية … فتأكد نزار و رده لربحي *
نزار : مشكور
ربحي : ادلل … بس خيرك عﻻش تبي تضرب وتهدد وبتقتل
نزار : ﻻ شي غير كانت طايرتلي من حاجة بس عموما شن كنت تبيني
ربحي : كنت بنقولك … حاجة بس بيني وبينك … كان انت موافق تمام … كان مش موافق ماتمشيش تواجه الشخص بالكﻻم اللي بنقوله
نزار : به تم
ربحي : سفيان
نزار : خيره
ربحي : طلب مني نسئلك .. انه يبي يتقدم لواحدة من خواتك التﻻتة
* ريتوه ربحي واﻻه فالح قال خواتك التﻻتة بش معش ايشك فيه *
نزار : حويلتك انت وياه
ربحي : مش موافق
نزار : نهائي… وبعدين وين راهم خواتي التﻻتة
ربحي : يوم ماجت جماعة الميلن ف شارعك وصارت العركة
نزار : اسمع ماتقوﻻش قال ﻻ فقش اممم قوله انا جسيت نبض نزار ودويتله بصفة عامة وقال ﻻ
ربحي : به تمام
نزار : خلي انروح انا …
ربحي : ف امان الله
* ركب سيارته نزار وبيروح للحوش *
{والله ماقادر انروح متحشم اللي درته ف لبنى … عيب عليا البنت دارت معاي الواجب وبزيادة اعتنت بيا وسهرت على خاطري ونايضة اديرلي ف فطوري وانا شوف شن درت … وفوق من هكي ضربتها كف وماقالتش ل امها والعيلة ضلمتها ان شاء الله تسامحني}
القيافة : ايوه نعم … شن فيه ياسفيان
سفيان : توا كنت عند صاحبي .. خاله مدير شركة اللي قدم فيها نزار وحتى هوا موظف فيها شاد رئيس قسم
صﻻح : به
سفيان : المهم نهدرزوا قالي خالي جاه اتصال من فوق
صﻻح : شن من فوق
سفيان : من فوق واضحة قصدي شخص واصل المهم وقاله افصل نزار من العمل
صﻻح : لزه يعني
سغيان : ايه
صﻻح : به به تو ندير اتصاﻻتي نستفسر
خ عايشة : مكرم
مكرم : نعم عمتي …
خ عايشة : فيه راجل يبيك ع اﻻرضي
مكرم : هي اهو جاي هي … …
ايوه نعم
بلقاسم الحبيب : بعد المغرب اتجيني فاهم
مكرم : عفوا لكن عندك اسبوع سفر بلقاسم : من انت بش اتحاسبني
مكرم : ﻻﻻ العفو منك مش محاسبة ان شاء الله انكون عندك مع المغرب
وبينما نزار مروح للحوش جاه اتصال من القيافة
نزار : ايوه
القيافة : نزار … عندي ليك خبر مش حلو
نزار : اصﻻ متلقي انا باﻻخبار اللي مش حلوة
القيافة : عمك الحاج قطع رحلته ورجع
نزار : تي اما عمك الحاج
القيافة : تعاللالي انفهمك
نزار : قصدك متع اﻻيدز
القيافة : ايه
نزار : شن يبي
صﻻح : نوض وجهك لهني
نزار : تعبان انا امس مضروب وحالتي حالة
صﻻح : وفيه حتى خبر تاني غير تعالالي ونقولك جيب تقريرك …
نزار : باهي عندي موضوع توا انتمه ونجيك طول … ماشي سﻻمات
{امتى بنرتاح منه بلقاسم العافن هدا امتى .. وشن الخبر التاني اللي بيقوله القيافة …هيا غير انروح نراضي ضرسي اللبني وبعدين ساهل اكيدة تبكي مسكينة }
* روح نزار للحوش …ولقي الحوش فاضي مافيشي حد…ودوشة جاية من السطح عرفهم يشربوا ف شاهي فوق ….
{متاكد ان لبنى مش معاهم وحابسة روحها ف الدار متاكد }
مشي لدار البنات وفعﻻ لقي لبنى متكية وتبكي ووجها اصفر …
فقعمز نزار جنبها فعدلت تقعميزتها لبنى ونزلت راسها
نزار : زعﻻنة مني … عارف انك زعﻻنة ضرسي
* حط صوابعه تحت دقنها و قاملها راسها بطروف صوابعه وشاف ف عيونها وقالها : انا اسف لبنى سامحيني … صار موضوع وفهمت غلط …سوء فهم … نحسابك انتي غلطتي في شئ ما … المهم سامحيني
* دمعت عيون لبنى … وبكل رقة مسحلها نزار دموعها وقالها : تقهري فيا لما تبكي .. عارف اني غلطت لما مديت ايدي عليك … بس عارف ومتاكد ان قلبك كبير ويسامح نيزو ^^
* شدلها راسها بين ايديه وقالها : شن تبي تاني عاد هي
لبنى بكل برائة وود
وهدوء قالت : نبيك انت ….
يتبع……..
لقراءة الجزء التالي : الجزء الثاني والعشرون من رواية عاصفة الصمت
لقراءة الجزء السابق : الجزء العشرون من رواية عاصفة الصمت
للإطلاع علي فهرس اجزاء الرواية : رواية عاصفة الصمت ( جميع الاجزاء كاملة ) للكاتبة لوزة
جميع الحقوق محفوظة للكاتبة لوزة .
