الجزء الخامس عشر من رواية المشوه

وفي الجزء الخامس عشر من رواية المشوه دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .

الجزء الخامس عشر من رواية المشوه

المحقق نوري طلع

جهاد شد راسه بيديه: جواد بللهي ماتزيدنيش راسي بينفجر راه

جواد: اهدي (طلع وخش من جديد جاب اميه) اشرب ماترعشش روحك

جهاد وقف: تي شن اشرب اني لو ننسجن مهني بضيييع بتبدا قصتي ع كل لسان بيضيع تعبي وسفري ودراستي واني مظلوم مادرتله شي

جواد: نبو الدكتور لكان معاك معقولا ماحد يعرفه اني شخصيا حققت مع الدكاترة لمعاك وماحد فيهم يشهد مغاك كلللهم ضدك ماحد كان معاك ياجهاد اعترف وخلاص لو انت السبب

جهاد نزل راسه وشده بيديه: يارسول الله

جواد: كلللهم شهدو ضدك ياراجل انت لدرت العملية

جهاد وقف بعياااط: مشششش اننننني

جواد: نقص صوتك

جهاد: فاشلين كلكم اني معادش بنحكي ومعادش بنشرح لحد. لعندي قلته لو يعدموني مستحيل نعترف بشي مش اني سببه

جواد تعفلق طلع

.

.

.

غفران قعمزت تاكل ف كيك مع كرم ويضحكو قامت هاتفها بتشوفه فاتح نت اولا لقاته مصكر

غفران اتصلت ماحد يرد وف المكالمه للتانيه ردت ممرضة

غفران: الوو جهاد

ممرضة: الدكتور جهاد خدو الشرطه اختي

غفران ناضت غرفتها صكرت الباب: نعم شرطة شنو شن السبب

الممرضة: لوسمحتي لو اخته او قريبته تقدري تجي للمستشفى لانه مفاتيح سيارته وهاتفه معاي

غفران: اوكى اكيد شن اسمك عشان نعرفك

ممرضة: بسمه ممرضة

غفران: اوكى جايه.. وصكرت الخط

غفران ع السريع لبسة سروال جينز ازرق سورية فوق الركبه وسبيدرو اسود ووشاح بيج وطلعت وتاكدت ان بوها راقد

غفران: كرم حبيبي كمل واجبك باهي

كرم: وين بتمشي انتي؟

غفران: اني ماشيه مشوار بسرعه ونجي رد بالك ع بابا باي… وطلعت ركبت سيارتة بوها وانطلقت للمستشفى

.

.

.

جهاد راسه يوجع فيه من الضغط وقلبه قابضه قرب من الباب: افتح الباب بنتصل

الغفير ع الباب: ممنوع عليك كل شي

جهاد ضرب الباب بقوة: منننني لكان معاك ياجهاد منييي ياربيى مني

.

.

.

غفران وصلت ونزل اول مسالت ع بسمه دلوها

غفران خدت الهاتف والمفاتيح وحكولها القصة

غفران: ف اي مركز

الممرضة: مركز ال،،،،

غفران: تمام شكرا ع توصيل الامانه… وطلعت ركبت سيارة وع المركز

ووصلت ونزلت خشت سالت ع جهاد قالولها

الشرطي: ممنوع زيارته

غفران كذبت عليه : اني محاميه

الشرطي خش لغرفه ولحقاته غفران وكان فها ضابط

غفران: السلام عليكم

الضابط: وعليكم السلام

غفران: لو سمحت نبي نقابل الدكتور جهاد

ضابط شافلها من فوق لعند لوطى: بصفتك شنو

غفران كذبت لانها متاكده مستحيل يخلوها تشوفه : بصفتي محاميته

ضابط: مزال لعند يعترف بعدين تشوفيه

غفران: اني نبي نعرف القصة منه… قاطعها الضابط

الضابط بيحكيلها القصه: القصه هي… قاطعاته

غفران بصوت حاد: اني قلت نسمعها منه

الضابط: اي واني ثلت ممنوع

غفران وقفت ساكته ومتلبكه بخوووف: اسمعني خاف ربي لانه لو يتحول الدكتور لـ نيابه انت تتحمل مسؤليته بين ربي لانه دكتور شاطر واكيد لصار معاه موامره ضده هدا قاري ف لندن وداير عمليات لناس وشاطر

الضابط سكتت

غفران: اوكى تمام تقدر تخلي شرطي معانا ويسمعنا المهم نبي نشوفه

الضابط شاف الشرطي لجنبه: نزلها لدكتور واقعد معاها

ونزلوو

.

.

.

جهاد مقعمز واحط ايده ع طاوله ومنزل راسه علها وسمع الباب نفتح وقعد منزل راسه

غفران: السلام عليكم

جهاد قام راسه شافلها ووقف: انتي شن جابك

غفران: مش مهم شن جابني المهم كيف صار هكي

جهاد: تصكر الموضوع خلاص علاش نحكي ونتعب ف روحي بعد 15دكتور شهدو عليا زوووور شهدو عليا كلهم كذب ومع انهم ماحد شافنا

غفران: كيف يعني المستشفى ضدك؟

جهاد ضحك بهزوة: الدنيا كلهاا ضدي حتى صاحبي يشتغل شرطي هني وقف ضدي وقال نعترف بشي مش دايره

غفران: شفته انت لكان معاك

جهاد: عيوونه بس كان لابس ع راسه لانه ف العملية ولابس كمامه

غفران: اوصفلي طوله

جهاد: انتي شن تبي توصلي

الشرطي: انتي محققه ولا محاميه

غفران شافت الشرطي مليكش علاقه انت قالك الضابط اقعد معنا مثلكش تعطي رايك

جهاد فنص فها كانت قوية هلبااا

غفران: شن طوله

جهاد: اقصر مني ونفس الوقت اطول منك انتي بشوية

غفران: يعني طوله قريب مني تمام سمين ولا ضعيف

جهاد: ضعيف

غفران: احكيلي عليه كيف تصرف شن دار

جهاد حكالها انه عمره حوالي ف الاربعينات واسمر وايساري لم شد اليبرة بليسار ولم فتح لباب بليسار واي شي يستعمل بليسار

غفران: حلو الكلام تمام اني بنمشي لاني تاخرت واعتبر بوك ف الحفظ والصون انت ارتاح وماتفكر ف شي لانك رح تطلع تمام

جهاد ضحك بهزوة: الضباط والمحققين معرفوش يطلعوني بطلعيني انتي الفرخه الصغيرة ياستي تمام واتق فيك

غفران: ماعمرك تستخف بيا رح نتبتلك صحة كلامي… وطلعت

.

.

.

وع طول للمستشفى

خشت لدكتور لحكالها عليه جهاد انه كبير الاطباء

غفران: دكتور ماتتعصبش بس هو جي وشكي ليك انت ليش شهدت زور عليه

الدكتور: لانه ماكان معاه حد اني مشيت معاه ومكان ف حد ف الغرفة

غفران بصوت حاد: جهاد قال كانت معاه ممرضة تساعد فيهم ف الغرفة نقدر نفهم وينها الممرضة القصة كلها مفبركينها من المستشفى لانه ف غرفة العمليات كانت ف ممرضة ونقدر نشكي فها حتى اني وبعدين القصة تتغير كليآ

الدكتور. استاذة اسمعيني… قاطعاته

غفران وقفت: معنديش وقت نسمع كلام كذب وافتراء لو سمحت ادوي معاي بكلام رسمي او رح يتغير اسلوبي معاك واحتمال القصة اتجي ع راسك لانك رايس الاطباء

الدكتور بيتكلم قاطعاته

غفران: ماتقولي شي انت فكر اني غضوا رح نرجع… وطلعت وهي طالع ونزله من الدروج فكرت ف خطه رجعت ركبت بسرعه خشت لدكتور

غفران: نبي نشوف الكاميرات

الدكتور: بري روحي سلم بنتي مش اي شخص يقدر يشوف الكاميرات

غفران: نقولك كلمه رح تقلبك راسا ع عقد ومش رح يجيك حتى النوم ياويلك من ربي كل دقيقه لشخص بريئ رح تتحاسب علها، لو ضميرك حي صدقني من الكلمه هادي حتى النوم بيطير من عيونك… وطلعت

الدكتور طلع ورهاا: استني

غفران تلفتت وكانت بتنزل

الدكتور: الكاميرات نخليك تشوفيهم لكن منقدرش نغير شهادتي

غفران قربت: مانبيكش تغير شي نبي نشوف الكاميرات بس

دكتور دخلها لغرفة الكاميرات

غفران شافت ع الشاشة كاميرة الباب وكاميرات المستشفى كلهم وكل ممر لكن ممر العمليات كان مش مسجل

غفران: مافيش كاميرا ف ممر العمليات؟

دكتور: لا مافيش

غفران: تمام نبي الممر التاني ليطلعو منه من العمليات

دكتور: ممنوع لديري فيه

غفران: وين للممنوع ف القصة حط ف راسك مش نتسلا اني ف شخص مسجون… وقتح السجلات

غفران: غضوا الصبح بنتجيب لاب توبي وبناخد التسجل متع الكاميرات متع الممر التاني

الدكتور وجها تغير: باه

غفران شكت ممكن تتغير للكاميرا او يحدفو لقطات قربت وخدت مدة التسجيل طلعت هاتفها وصورت مدة التسجيل

وطلعووو

.

لميس وغياث هادم خلونا منهم فرحانين بلبيبي قريب يطيرو وياخترولها ف اسم

غياث: بنت

لميس: ولد

غياث: بننت

لميس علاش بنت علاش

وقعدو يتعاركو ع جنس الجنين

.

غفران رجعت وحكت لبوها انه جهاد نسجن لكن محكتلاش انها بتدخل حكتله نسجن بسبب خطا طبي بس وقعد مع عدنان ف الحوش

غفران اتصلت بلميس حكتلها وجت لبوها