وفي الجزء الخامس عشر يا تري ماذا تتوقع أن يحدث جديد داخل حبكة الرواية مع ابطالنا وهل سيظهر بطل جديد يغير مجريات الأحداث يا تري ؟ كل هذا وأكثر سوف نعرفه سوياً في السطور التالية بإذن الله من رواية حتي الممات للكاتبة نور عبدالسلام .
الجزء الخامس عشر من رواية حتي الممات
رهف : ااااا وتنفس ب صعوبه
احمد : كان لابس طربوش اسود لبسته كله اسود ف اسود ضحك متخافيش ياحلوه مانبيش نقتلك وبدا
يلمس ف وجهها وهيا تشوفله ب قرف
احمد :تردي لحوشنا ونكملو كيف اي اثنين متزوجين
رهف : تحلم مستحيل نردلك فاهم
احمد : باهي حبي طلع تليفون من جيبه شوفي بعدين قرري
رهف : لتليفون
احمد : شن رايك بوك يشوف فيديوهات هذين بعد ينزلن ع نت ونطلقك ونفضح بيك
رهف : تصور مرتك ياحقير بعدين انت محد قرب شوري غيرك يانذل هذا تركيب
احمد : عارف ان نا بس درتله فوتوشوب قعد مش نا شفتي
رهف : انت مريض حسبي الله ونعم الوكيل فيك
احمد : تؤتوؤ هيا حبابه لمي حوايجك بيش نمشو حوشنا هيا
رهف : تمسح ف دموعها ومشت تلم ف لبسها
ليان : خشت لدارها
مالك :
ليان : مانبيش نشوف وجهك فاهم
مالك : ليان اسمعيني
ليان : مانبيش نسمعك اطلع اطلع
مالك : طلع وسيبها
ليان : خشت ف فراشها وتبكي ع حالها
مالك رقد ع صالون اللي ف صاله وحط يديه تحت راسه وفرحان انه رد ليان
رهف خشت مع احمد وصلت لدار
احمد بدا ينحي ف شاربتها وهيا ساكته
احمد دفها ع سرير وكان ينهش فيها تقول وحش
وهيا متقززه متقدرش تقول حرف وهو مستمتع
بعد شهر
ليان باهته وساكته وسارحه ومالك يحاول يبعد عنها لأنه هيا ماتبيش تشوف وجه
رن تليفونها فتحت الخط الو !
لارد
ليان : الو
لا رد
سمعت صوت بكاء
ليان ماما ماما واللهي ماما حبيبتي ردي
سالمه اه يابنتي رايفتلك
ليان نا اكثر ياماما سامحتيني يعني
سالمه سامحتك يابنيتي تعالي اليوم نبي نشوفك
ليان جديات
سالمه تمسح ف دموعها اي
ليان باه ثواني بس وطلعت فوق فتحت دار لضيوف
لقت مالك راقد تهز فيه مالك مالك مالك نوض
مالك : فتح عيونه ليان شن في انتي كويسه
ليان : ماما كلمتني قالت تعالي مش مصدقه
مالك : ابتسم باهي نغسل وجهي ونشيلك
ليان : حضناته شكرا شكرا شكرا بكل
مالك : ابتسم وتفاجئ مش متوقع الحضن نهائي
ليان انتبهت ع نفسها بعدت عنه وناضت تلبس
مالك : ساعه ونرد عليك
ليان : تمام
مالك : اوكي
ليان : نزلت طق ع الباب فتحلها مجد
مجد : شن اخبارك
ليان : تمام شخبارك انت وخشت كان جو مش كويس
حناها سلمت عليها بجفاف وخالتها مبتش تسلم قربعت باب دار وبنات خالتها خير من بعيد وخلاص
ليان : ماركزت شافت امها جتها تجري بكت ف حضنها
سالمه : تخبط ع ظهر ليان رايفت عليك ياكلبه نحلم بيك كل يوم
ليان : حتى نا ياماما والله نرن عليك ماترديش
سالمه : زعلانه منك ماهو
ليان : وين مرام
مرام : ليونه
ليان : شن جو شخبار مدرسة
مرام : تمام وانتي شخبارك وشخبار مالك
ليان : تمام
سالمه تعالن ف دار خشن
مرام مشت ادير ف قهوة
ليان : حاطه راسها ع فخاذ امها
سالمه تلعب بشعر ليان تعرفي ان خوك فرحه
الاسبوعين جايات
ليان : رفعت راسها وشافت لوجه امها وابتسمت جد
سالمه : اي جد
ليان : حمدلله ربي يتممله على خير
سالمه : يارب شخبار راجلك كويس معاك
ليان : كل حد ف حاله
سالمه : مش كويس ياماما هك
ليان : خشت ف حضن امها نخاف منه ياماما نحس فيه مريض نفسي
سالمه : الله غالب هذا نصيبك يابنيتي
ليان : نحبك واجد ياماما
سالمه : حتى نا نحبك واجد
خشت مرام عليهم هيي خونه وخشت ف حضن امها حتى هيا
سالمه : حبيباتي انتن ربي يخليكن لي مرومه ف كشكول ف دولاب هذا جيبي لي
مرام تفضلي
ليان : شنو هذا
سالمه : هذين وصفات وكالي عشان اديري لراجل تعلمي ع حالك بدال ما كل شوي تنفخي راسي تقوليلي شن نحط وشن ندير
ليان : مع هذا هنرن وننفخ راسك
مرام : ونا
سالمه : لا حقه ع الهم انتي بعد تكمل اختك ومعش تحتاجله تعطيه لك
مرام : مهم متعطوش لمرات غيث
سالمه : ريت البنت من توا تبي تحارب مرات خوها
ليان : حمايه قطيعه تطلع
مرام مالا شنو راس ولد حتى هو ع قول ماما
ليان : مهم نحنا عندنا فرح هيا نجهزوله
مرام : اي من بكرة نطلعو لسوق
ليان : احلى جو
يوم الفرح
ليان كملت لبسها ومكياجها
مالك : الفستان طلع عليك
ليان : شكرا يهبل بكلل
مالك : معش تقولي هك ارجي وقف وراها وخذا شعرها ع جنب ولبسها سلسله وباسها
ليان : بس هذي غاليه يامالك
مالك : الغالي يرخصلك ياملك مالك
ليان : ابتسمت
مالك: بعد تنهي الحفلة تروحي هنا فكيني من لبيات
غادي
ليان : بس جو غادي
مالك : ونا لمن تخليني
ليان : باه
مالك يحكي خليجي : عافيه ع اللي يسمع كلام
ليان : يلا نطلعو
في الفرح ليان مقعمزه ونصفق
( رهف )
نشوف في غيث طلع ع المسرح لعروسته شال الطرحه وباس راسها
تشوف ودموعها نزلو خطرت على بالها اغنية صابر رباعي ف لحظة هذ
يلي دوي وعمري شمعه .. خبيته بجفوني ما بيستاهل مني دمعه .. لا تبكي يا عيوني لو انه بيستاهل حبي .. كنت بضمه بروحي وقلبي
الي منه محرومين انا بشكي لمين .. خليها بقلبي انا بحكي لمين .. تعبت وانا عم خبي
انا عم خبي الدمعه بضحكه .. وسكوتي عني عم يحكي بضحك علي حالي وبشكي للي قلبي منه بيبكي حارمني الحنين .. حارمني الحنين
يلي عطيته عمري كلو .. بعمره ما ريحني يا خساره اللي امنتله .. بالاخر يجرحني جرحه بعدو بقلبي معلم .. جاي يقلي ان شاء الله بتسلم ناضت من ع طاوله خشت الحمام تبكي
متبيش حد يواسيها ولا يزيد عليها تبي من ينسيها
ليان : وين ماما
مرام : عند المسرح ع اليمين ورا اعميمه ابتسام
ليان : ماشيه ل امها بتعطيها زلوف من عمتها خديجة
عند سالمه تصفق وفرحانه
ابتسام : واللهي ماعد عرفنا وين نمشو لفرح العيل ولا فرح بوه
سالمه : كيف
ابتسام : كيف ماعندكش علم
سالمه : ب شنو
ابتسام : راجلك فرحه اليوم ماعندكش علم رهف بروحها مشت خطبتله من مدة شهرين
سالمه : انصدمت
ليان اللي سمعت كلام مرت عمها جسمها شوك رجفت مع بعضها وهيا بترد لمكانها من قهرتها شافت رهف جايه تبكي
ليان : كنتي وجعتني بس الحمدلله الي خوي ماخذاك يارهف هكي ديري تمشي تخطبي لبابا
بروحك هكي ترضيها نا نديرها نخطب ل عمي
رهف : ماليش ذنب نا عمي هو اللي ومقدرتش نرفض بعدين انتي بروحك عرفتي ها شن تقدري
ديري كذا قوليلي اه نا اللي فيا مكفيني حرام عليكم
ليان : الله يقهرك يارهف كيف ماقهرتي امي
رهف : هكي ياليان شن ذنبي بوك يديرها بيا وبغيري
راجل يحط ف عقله حاجة يديرها محد يقدر يمنعه
ليان : سيبتها ومشت
ف الليل
رهف تبكي
احمد : رهف شن في ليش تبكي
رهف : مافي شي
احمد : قوليلي بس
رهف : خشت ف حضنه تبكي
احمد : يواسي فيها وقعد يبوس فيها ومشو لعالم ثاني طبعا رهف سايراته لأنها كانت محتاجة ل احمد
لكن محباتش
احمد : بندير اي شي عشان نسيك اللي عشناه قبل
رهف : يعني حبيتني
احمد : حب ماحب ماتمسكيش علي لكن انتي قنينه وعجبتيني وجوك حلو
رهف : عارفه امكاناياتي اصلا
احمد : باسها
سالمه مقدرتش ترقد طول الليل وهيا راسها صداع صدرها مطبق من الهم في اللي سماعاته من سلفتها ومن تلقيح ناس كيف تزوج عليها راجلها عشرة عمرها يوم مفروض تفرح ب ولدها قهرها ف وسط
كبدها حست ب صداع راسها بيطربق كأنه ف كيس
ف راسها ومش قادرة تنفس تبي تشرب اميه ومقدرتش
ثاني يوم ع الفطور ضحى
احناي : امشي نوضي امك هذا كله نوم شن خلت للبنات
مرام : حاضر خشت لدار لقت امها ماما هيا نوضي ساعة 11 ماما ماما هيا تهز فيها متحركش ماما
تشوف فيها ماتنفسش ماما ياماماااااااااا
ليان : كانت راقده
مالك : ليان
ليان : فتحت عيونها صباح الخير شن تبي فطور
مالك : صحصحي نبيك
ليان : شن تبي
مالك : مش تبي تمشي تباتي ف حوش العرس هيا نشيلك
ليان : ضيقت عيونها غريبه من امس نحايل عليك وانت متبيش قولي شن غير رأيك بتزرد صح مافيش
مشي اهي قاعده وبنكد عليك
مالك : عيب هلك يزعلو يبو من يساعدهم
ليان : توا نتصل ب ماما نقوللها منيش جايه
مالك قلب وجهه لجهة ثانية يهرب من ليان عيون ليان
ليان : لفت وجهه ليها مالك ليش تهرب مني شن في
مالك : مافي شي
ليان : مالك شن في
مالك : انتي مؤمنه و
ليان : ناضت من مكانها نمشي ندير فطور
مالك : مسكها من ذراعها عظم الله اجرك ف امك
خذاها ف حضنه اضبطها ب القوة بيش ماتفرش منه
ليان : انت شن تقول ماما امس كانت تصفق و
مالك : الله يرحمها ويسامحها
ليان : تحكي ب صوت داهش لا لا لالاالاالاا لالا لا ياماما ياماماا ياماما يامامااااااا اه اه
مالك : يبكي معاها
وهيا نزلت ف حضنه ع الارض هو نزل معاها وتبكي تخبط ع ظهر مالك
في ممرات المستشفى كانت تمشي وخايفة تمشي خطوة وتوقف
ام هند : الله لا تربحك ولا ع الخير يصبحك
رهف : خشت لغرفة
كانت هند تحتضر
رهف : قعمزت ع كرسي جنب هند
هند : حسبي الله ونعم الوكيل فيكم
رهف : نا حذرتك منه قتلك ابعدي عنه
هند : صح بعدها عرفتي اني حملت منه وبدال ماتخليه يجوزني خليتيني نمشي دكتور نجهض
ويشيلو الرحم
رهف : نا كنت بنساعدك خفت من هلك يقتلوك لو يعرفو
هند : واجوزتيه وعزمتيني هذا كله مالكش ذنب
رهف : والله ربي خذا حقك سامحيني ياهند
هند : منيش مسامحتك لا دنيا ولاآخرة حسبي الله ونعم الوكيل فيكم الله لايهنيكم الله يقهره ف عمره
وانتي تنقهري عليه
رهف : تبكي
هند : ااااه حسبي الله ونعم الوكيل فيكم اشهد ان لا اله الا الله واشهد ان محمدا رسول الله
رهف : ااااااء حطت يدها ع فمها وتبكي
ام هند تريش وتعيط ضربت رهف طريحه رباش لقبور
صوت انين وبكاء متقطع ف دار سالمه اللي ف حوش هلها
كانه ليان ومرام عند امهن لمكفنه يتباكن
ليان ي ا ه يما يمييي يا يمي اااااه اءءء
خشو مجد وغيث ياخذو ف امهم
مجد شاف ليان قلبه تقطع عليها وجهها اصفر وذابل وعيونها دموعها ع وجهها ومنهاره وخصلات
من شعرها طالعات من الشاربه
غيث : هيا بناخذوها
ليان : ماما ياغيث ماما عدت عدت
غيث : الله يرحمها ونزل راسه وهو يبكي هيا نوضي
ليان : حضناته عدت حنونتنا عدت عدت امي عدت عدت
مجد دموعه نزلو طول وطلع من دار
غيث : وحدي الله خلي ايمانك بالله كبير
ليان : هاه هاه هاه
جو يرفعو فيها وليان ومرام يتعايطن لا ياماااامااا ياماااااااااا وكانت اصعب يمرو على ليان وخوتها
كمل اسبوع العزاء ليان لا تاكل لا تشرب ومالك يحاول يغيرلها نفسيتها وهيا منهاره
رهف في البلكونه تسقي لزهور
بيقولوا الحب بيقتل الوقت
وبيقولوا الوقت بيقتل الحب
يا حبيبي تعا تا نروح
قبل الوقت وقبل الحب
بديت القصة تحت الشتا
بأول شتا حبوا بعضن
وخلصت القصة بتاني شتي
تحت الشتا تركوا بعضن
بديت القصة تحت الشتا
بأول شتا حبوا بعضن
وخلصت القصة بتاني شتا
تحت الشتا تركوا بعضن
حبوا بعضن، تركوا بعضن
حبوا بعضن، تركوا بعضن
يا حبيبي شو نفع البكي
وشو إلو معنى بعد الحكي
يا حبيبي شو نفع البكي
وشو إلو معنى بعد الحكي
ما زالا قصص كبيرة
وليالي سهر وغيري
بتخلص بكلمة زغيري
حبوا بعضن، تركوا بعضن
حبوا بعضن، تركوا بعضن
وكانت القصة تحت الشتا
بأول شتا حبوا بعضن
وخلصت القصة بتاني شتا
تحت الشتا تركوا بعضن
حبوا بعضن، تركوا بعضن
حبوا، تركوا
احمد حضنها من الخلف لا ماتركوش
ابتسمت رهف امتى جيت
احمد توا كيف جيت باسها من ورا وذنها شن غدانا حتى اليوم تن
رهف لا بطاطا مقليه
احمد باهي في تطور هههه
رهف
ليان : خشت لدار لقت باقات ورد شافت باقة مكتوب عليها يبدا صباحي ب نظرة من عيونك
مالك : حضنها وباسها شفتي المفاجأة
ليان : اي الورد معبي المكان كله ورد
مالك : لا شوفي الحيط فوق سرير
ليان شافت لصورة كبيرة بس هذي مش نا امتى صورتها
مالك : كيف مش انتي هذي انتي بشيشتي صورتنا ف 2015 نسيتي
ليان : عيونها توسعو نا ليان
مالك : بشرى حبيبتي متخلينش نزعلو من بعضنا
ليان : انت لأمتى هتبقى تحبها بس قولي
مالك : حتى الممات
ليان : شافتله بنظرة كلها خوف
يتبع ……….
لقراءة الجزء التالي : الجزء السادس عشر من رواية حتي الممات
لقراءة الجزء السابق : الجزء الرابع عشر من رواية حتي الممات
للإطلاع علي فهرس أجزاء الرواية : جميع اجزاء رواية حتي الممات للكاتبة نور عبد السلام
جميع الحقوق محفوظة للكاتبة نور عبدالسلام .
