الجزء الخامس عشر من رواية رحلة الحب

وفي الجزء الخامس عشر من رواية رحلة الحب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لين نزار .

الجزء الخامس عشر من رواية رحلة الحب

لينه حست انو أمير م كويس، بس كانت متأكده انو حاجه توصل أمير للدرجه دي صعبه عليه شديد.. دموعا نزلت طوالي لفت وطلعت من الغرفه..
معتز خت يدو ف راسو..
فارس: شفت بس؟ مفروض هسي براك تعرف تقدر تاني 
..
أمير للحظه شاف صدق العالم كلو ف عيون لينة  نبذ نفسو وقال انا طلعت غبي وعميان وم بشوف زي م قال فارس 
..
عبدو : هديل قومي ارتاحي انتي وفارس..
هديل: م بقدر اقوم اخلي اخوي ف الحاله دي..
أمير ضماني عليه زياده وقالي الف حمدلله على سلامتك ي قلبي، أنا كويس قومي ريحي نفسك انتي وبجيك ان شاء الله ..
معتز استأذن انو حيمشي يوصل ناس بيتهم..
فارس: ارتاح م تجي انا حهتم ب امير الليله  معتز ودعهم وامو ولينه وكلهم طلعوا..
في العربية..
معتز : انتي غبيه الببكيك شنو؟
لينة : م قدرت اتحمل اشوفو كدده
ام معتز: ممكن م تصرخ عليها  وي لينه م تبكي ان شاء الله ح يعدي ولو من نصيبك ان شاء الله حتكونو مع بعض،،
معتز : لينه م قصدي اكورك فيك،، بس أمير دا م بحبك ب الواضح افهمي،. م تقعدي تطيري ف العرسان ساي واتشايلي..
ام معتز : هي قاعده ف راسك ي معتز؟ انت عندك كم اخت لمن بتعمل كده..
معتز : هيي كمان م عشان لنا متزوجه وبره السودان ننساها.. بعدين عايز مصلحتها انا،،
لينة: لو م كسرت قلبها زمان م كان اخوها كسر قلبي هسي 
معتز غضب شديد وهرشا..
ام معتز: م تهرشا كما تدين تدان حقيقه يعني..
لينة : ربنا اداها الأحسن منك كمان 
معتز : كلمه وحده وتواصلو بمواصلات..
امو ولينه سكتو..
….
ام أمير :أمير ممكن اخش؟
أمير :خشي..
امل :انت عارف انا محرومه منك كم سنه ي قلبي،، عشت اتعذب وانت بعيد مني وم عارفه انك حي ولا ميت،، هسي صدقني م بتحمل اشوفك قدامي بتتعذب كمان لاني يتعذب اكتر منك،. بكون حاسه اني عايزه اشيل هموم الدنيا دي كلها منك واختها فيني عشان بس اشوفك بتضحك  ربنا حرمني منكم وعوضني بيكم تاني  م عايزه اشوف دمعتك، الحب قاسي ومؤلم خصوصا لما تكون بتحب شديد لأنك حتكون الطرف المضحي والمتنازل واكتر زول بتجرح ف النهايه.. رؤى ما آخر بت في الدنيا انت مفروض تشكر ربنا انك عرفتها قبل م تعرسها،، كان موقفك حيكون أصعب  امر المؤمن كلو لي خير يعني  اصبر انت، لأنو انت اكيد م عارف الخير وين ربنا هو ادرى مننا وعشان كده حصل الحصل واثقة تماما انو ربنا هيعوضك بي وحده تنسيك رؤى ولا كأنك في يوم عرفتها  اتفائل يا حبيب امو ويابكرها ويافرحتها ويا كل عمرها أمير حضن امي شديييييييييييييييد وهي كانت بطبطب عليه.. 
ربنا ما يحرمنا من أمهاتنا وبيتنا الدافي 
….

بعد اسبوع
خالد: السلام عليكم
امل : انت مصر تتابعني؟
خالد: ردي السلام اول
امل : وعليكم السلام،. نعم؟
خالد: امل انا بحبك لسه دا وعدك لي انك عمرك م تسيبيني؟
امل : خليك مني انتي وعودك كيف؟ وفيت بيها؟
خالد:انا والله غلطا ومعترف، لو كنت عارف انو نهايه غلطي خسارتك م كان جازفت 
امل : كلامك الحلو دا بقى م بيأثر فيني،، ورقه طلاقي توصلني يا خالد..
وقامت خلتو 
عاين ليها لحدي م طلعت..
بعداك جا فارس قعد..
خالد: شكله ماف امل ي فارس ي ولدي
فارس : خليك مطمن قلت ليك بصالحكم 
طلع تلفونو ودق ليها..
فارس : ست الريد
امل : عيون امك،،
فارس :وين يعني مختفيه كده..
امل : انت ياهو مع مرتك.. وانا مع حياتي الجديده 
فارس فتح الاسبيكر.. م اشتقتي لي ابوي؟
امل : اشتقت ليه والله ونفسي انهي المهزله دي كلها بس مستحيل ي فارس 
فارس قفل الاسبيكر : حرام عليك ي ستهم وانتي اصلك الحنان،، كفاه والله عذبتيه 
امل : لسه ي فارس لسه خليني انت بس لما يجي الوقت المناسب حرجع ليه تمام 
فارس : تمام،، خلاص بعدين الساعه 8 عازمك ف فونديور تعالي ححيب هديل معاي 
امل : خلاص اتفقنا..
فارس : ممكن اجيب ابوي؟
امل : فارس 
فارس : بهظر يعني م اهظر  يلا طيب ي مزه
امل : سلام يلا 
….
فارس : قالت لما يجي الوقت المناسب 
خالد: بتضحك ع ابوك 
فارس :العفو ي ابوي ياخ..
خالد: خلينا طيب،، بالنسبه للشركه فهد باع أسهم كتيره لزول غريب وحيرني والزول ابا يتفاوض انا ح افلس 
فارس : الموضوع دا خلي علي، اديك خبر يفرحك؟
خالد : ان شاء الله يفرحني قول؟
فارس : الزول الغريب دا انا 
خالد قام من كرسيه : احلف ي فارس 
فارس :والله العظيم صراحه م كنت ناوي ارجعهم عشان اخواني الانت ناسيهم..بس هسي خلاص..
خالد : م ضروري امسكهم عندك وشغلهم عادي المهم انها ف ايدي امينه وشركتي م فلست يعني 
فارس:معقول شقي عمرك اضيعو ليك كده؟
خالد: سامحني ي فارس 
فارس: راضي امي وكده مسامحك 
خالد: حاضر 
فارس :فهد وين؟
خالد: سافر السويد هو و مرتو وم اظن يرجع تاني..
فارس : ربنا يهديك ي فهد 
خالد:اللهم اميييين..
……..
فارس جا داخل..
فارس: حبيبتي لمى حاجاتك عشان حنرجع بيتنا..
امل : يخسي عليك ي فارس اتعودت عليكم تمشو وتخلوني..
فارس :والله ي خالتو امل م قصرتو معانا كمان بعد كده عايزين نشوف برامجنا ومواضيعنا وشغلنا..
امل : عليكم الله زورونا طوالي..
فارس : اكيد ي خالتي 
هديل : انا جاهزه..
فارس : الصلاه على النبي
امل وهديل : عليه افضل الصلاة والسلام 
فارس: همس لخالتو امل : دي منو؟.
امل : دي عروسك ولا شنو ي هدول؟
هديل: اطمن ماما جهزت لي كل شي بتحتاجه العروس السودانيه 
فارس : برضو الميكب دا عملتو هي؟
هديل : دي انا..
فارس : من رأيي م نطلع الليله لاني بخاف يسحروك 
امل : احم 
فارس : معزومين عشا احنا وامي
هديل: وأي يخسي عليك هسي تشوفني كده تقول شنو؟
فارس: تقول مرت ولدي سمحه 
امل : طب خلوني امشي من هنا بعدين اتغزلو 
ضحكنا..
طلعنا ودعنا أمير وابوي 
وطلعنا..
…..
في للعربيه..
فارس : مشتاق ليك شوق ي مرتي
هديل : انا بخجل ياخي
فارس : تخجلي من راجلك هالعويره دي 
هديل :
….
في المطعم
امل :مشتاقين والله ي اولاد اخباركم؟
هديل: بخير ي خالتو انتي كيف صحتك..
امل : الحمدالله والله امك وابوك واخوك
هديل : طيبين تسأل منك العافية..
فارس: انا متين يسألوني عن امي وابوي مع بعض..
خالتو امل حدرت ليه 
فارس :بهظر معاك
كان احلى عشاء والله وونسه وخالتو امل طلعت انسانه حنينه وظريفه بصوره م طبيعية 
.. وانتهينا،، خالتو امل ودعتنا وساقت ومشت،، انا وفارس ركبنا واتحركنا..
اول م وصلنا البيت..
فارس :تعبان تعب 
هديل : طبعا م حتنوم لاني اتعلمت شعيريه باللبن ولازم ح اعملها ولازم ح تأكلها 
وقمت ع حيلي ماشه ع المطبخ
فارس: شعيريه بلبن بعد الاكلنا؟
هديل:غايتو انا م مليت بطني عشان اجي اكلو
فارس: ولو طلع كعب تقولي ي منو؟ 
هديل: واثقه
فارس مسكني من يدي ورجعني، تعالى ي قلبي واوعدك بكره ان شاء الله ح نتعشى بيها بس هسي خلينا ننوم 
هديل: احسن زاتي م كنت بالحيل قدر دا 
جيت رقدت جمبو حضني، حاولت انوم بس غلبني انوم،،
فارس: ريحتك سمحه م قادر انوم
اتلفت عليه وقلت ليه طيب دا م بذكرك بحاجه؟
فارس : والله بيني وبينك الحاجات الرهيبه دي واول يوم ي دأب حاسي نفسنا عرسان.. لو م عندك مشكله انتي..
قاطعتو وقفلت خشمو هششش 
وحصل ما حصل 
المهم
صحيت الصباح في وضع يرثى له براحه اتسحبتا ولبست فستاني والجردل البكسل املاه، مليتو المره دي  جيت عايزه اقفل باب الحمام وقفني..
انا: فارس متين صحيت..
فارس : ياما اخش استحمى معاك ولا تطلعي لي .
هديل: انت البريحك شنو؟
فارس: معاك طبعا..
هديل: خلاص طالعه ليك 
ضحك ودخل معاي.. اعملو غمرانين 
…….
فارس طلع ع شغلو بعد غياب استمر ل شهر كامل..
……
ام أمير : ماشاءالله دي شنو التطورات دي
عبدو : ايوا دا ولدي البعرفو
أمير :وراي شغل كتير لازم اشوفه..
…
نغفل عننا شويه ونمشي لي لينا..
ام معتز : لينا حتنزلي اليوم؟
لينة :ايوه ي ماما كفايه إجازات 
ام معتز : فعلا احسن ليك
لينه: معتز وين؟
ام معتز :ف غرفتو اظن لي
بصوت لينا..
انا مشيت براحه لحدي م وصلت غرفه معتز كان الباب متاكى..

معتز : فارس لازم يخلي هديل لانو انا الوحيد البستاهله فاهم ولا م فاهم،. اتصرف شوف اي خطه تانيه م الا افكر ليك انا ..

☆يتبــــــــــــــــــــــــــــــــــــــــــــع☆☆

لقراءة الجزء التالي : الجزء السادس عشر من رواية رحلة الحب

لقراءة الجزء السابق : الجزء الرابع عشر من رواية رحلة الحب

للإطلاع علي فهرس أجزاء الرواية : جميع روابط اجزاء رواية رحلة الحب للكاتبة لين نزار

جميع الحقوق محفوظة للكاتبة لين نزار