وفي الجزء الخامس من رواية عقارب الساعة للكاتبة زهرة الشيخ هل يا تري سنري أحداث تقلب موازين الرواية رأساً علي عقب ام ستسير الأمور بشكل طبيعي ؟ دعونا نعرف إجابة هذا السؤال في السطور التالية بإذن الله .
الجزء الخامس من رواية عقارب الساعة
ملاك ماقدرتش نرقد وقررت نهرب ندور ع خويا نضت لبست عبايتي ووشاحها بسرعه وطلعت من غرفتي بشوي من غير مايحس بيا حد نزلت خلاص الباب قدامي واخيرا بنطلع
ف ايد مسكتني من عبايتي
ملاك:
__♡___الكاتبه زهره الشيخ___♡___
صابرين تنضف ف جرح منذر
منذر: اااخ
سالمه: بشويش يابنتي خيرك
صابرين:
سالمه: خلي نجيبلك شي دافي تشربه
صابرين قعدت تنفح وتمس بشويش على جبينه
منذر: قعد يشوفلها ويركز ف ملامحها وكيف خايفه توجعه
صابرين: حار صح
منذر: هز براسه بعنى لا
صابرين: ضمدتله الجرح وكل شي خلاص كملت
منذر: يسلمو ايدياتك
صابرين: سلمك وناضت تحشمت من نظرات منذر لها
منذر: قعد يدكر ف الشي لي صار ويدكر ف اخته ملاك وشوي دكر لارا افففف
سالمه دارت سحلب ع سريع وجت جنبه قعدت
سالمه : احكيلي شن صار معاك
منذر: واللهي يا عمتي ……… وحكالها كل شي صار
سالمه:
ك ك كيف
ك ك كيفمنذر: هدا لي صار وتوا قاعد نفكر ف ملاك
سالمه: حسبي الله ونعم الوكيل انتم ماعندكم اب هدا بو هكي يدير ف ولده معقولا
منذر: عادي تمشي يحسابوها واقفه عليهم الدنيا هيا
سالمه: ربي يوفقك يامنذر
منذر: شبح لعيونها تشبه لعيون امه وقف ومسكلها راسها وباسلها عيونها مدام ه لعيون معاي اكيد موفق ومتفوق
سالمه:
ههه
هههصابرين تشوف فيهم من بعيد
____________الكاتبه زهره الشيخ______________
مصعب: على وين
ملاك: ااا ن ن ماعرفت شن بتقول
مصعب: بصوت عالي نسسسال فيك وين كنتي ماشيه
ملاك: خويا كنت بندور عليه
كنت بندور عليهمصعب مسكها من إيدها وقرب منها قعد يهمس ف ودنها لوو تفكري مره تانيه تطلعي من غير اذني مش حنرحمك المره التانيه سامعه
ملاك: خافت بعد ايدك عني باهي انا نبي نطلع منبيش نقعد هنا معاكم
مصعب: ملااك كلامي انا واضح دااخل بسرعهه
خشت ملاك وهي تبكي لغرفتها
________________________________________
ف الصبح فاق منذر بدري طلع من غرفته
لقا خالته توتي ف السفره
سالمه :صباح الخير
منذر: صباح النور
سالمه: كيفك اليوم
منذر: الحمدلله
منذر: خالتي نبي تلفونك نتصل شوي بس
سالمه عطاته التلفون خليه عندك لين تكمل منه
منذر: لا غير بنتصل بصاحبي نبيه فموضوع
سالمه : تمام
منذر اتصل ب امجد المره الاولى مارد التانيه رد عليه
امجد: الو
منذر: واخيرا
امجد: منذر؟
منذر: تي اي ياراجل
امجد: شني مني غيرت الرقم ولا
منذر: لا هدا رقم خالتي وعارفك تو بتبدا ف اسألتك تعالي بجنب المفرق لي مقابل حوشنا توا نستنا فيك
امجد: ان شالله خير تم نوصل نكلمك ع ه الرقم
منذر: تم
منذر: قعد يفطر وسااارح
محمد: صباح الخير منذر
منذر: وصباحك عمي
محمد: خبرتني خالتك شن صار معاك اليوم بنمشي نحكي مع بشير
منذر: لا ماتحكيش معاه انا مانبي اي علاقه تربطني بهداك الحوش انا نبي اختي ملاك بس لو بتجبها عادي غير هكي فوته الشايب
محمد:
شوي اتصل تلفون سالمه رد منذر
منذر: هي تمام توا جايك عطا التلفون لي خالته وطلع
مشى لعند امجد
ركب منذر ف السياره جنبه
امجد: يسعد صباحك
منذر: وصباحك
امجد: احكيلي بسرعه شن صاير فيك
منذر: حكاله كل شي بأختصار
امجد: مش معقووله هدا بوك كيف يفكر بيك بهطريقه
منذر: مش عارف
امجد: اففففف تعرف مصعب لو نحصله نشوييه
منذر: هه عندي مشاوير بنديرهم قبل الكليه
امجد : تم
منذر كان عنده فلوس معاه خدا كم بدله وخدا تلفون وشفره جديده
امجد: شني كملت
منذر: اي
___♡__الكاتبه زهره الشيخ___♡__
عيوش اليل كله ما رقدت وهي تبكي وتدكر شن صار معاها ومصكره الباب ع روحها
حواء تخبط ع الباب افتحي بنتي ماتخوفيني عليك
عيوش: ولا صوت
نزلت حوه متقلقه
حواء: يابشير بنتك مافتحتش الباب من امس ونكلم فيها ماترد حد خايفه دير شي ف روحها
بشير خليها دير لي ديره المهم مانبيش نشوف وجها برا مش ناقصنا فضايح وعار
حواء: انته ماتحس ماعندك اي رحمه مش خايف عليها بلكي دارت شي ف روحها
بشير ماردش عليها طلع
فاق مصعب ع صوت امه
مصعب شن في بس لاتخلو الواحد يرقد ليل ولا نهار
حواء: بشير قتله بنتك من امس ماشفتها مافتحتلي الباب ولا سمعت صوتها خفت عليها ولا كني قتله حاجه ولا خاف عليها تقول مش بنته قعدت تبكي
مصعب: هوا ماخاف ع ولده من امس برا مايعرفش ع اراضيه وين بيخاف ع بنته لي ف الغرفه
ومشى بسرعه لعند غرفة اخته يخبط بقوه قريب كسر الباب
مصعب : افتحي النم والله كان كسرت الباب مايصير فيك خير
حراء: هدي خيررك البنت ناقصها
فتحت عيوش الباب
حواء حضنتها على طول
مصعب شافها كيف دابله ومرهقه ومتغيرره خشت خاطره وجعاته اسكتي اختي خلاص حقك بيطلع تالت ومثلت
مشى لغرفته بدل ونظم موره ومشى للكليه
اول ماوصل للكليه خش ونصدم بشوفة منذر وبطرحه جديده وما على باله
خطم من جنبه
مصعب :يسعد صباحك منذر
منذر:
امجد: تعرف يا مصعب لو ماتقلب وجهك عنا مايصير فيك خير
مصعب: ليش حارقين اعصابكم
امجد: انت وجاي بيمسكه من قميصه
منذر: خلاص امجد فوته توسخ ايدك ع الفاضي
فقت متاخره توضيت وصليت وطلعت من غرفتي بنمشي لعند عيوش نطمن عليها
حواء: لوين
ملاك: عيوش بنطمن عليها
حواء : توكيف رقدتها بسيف فوتها انزلي افطري وطيبي الغدا
ملاك:
به خوي منذر مارد
به خوي منذر ماردحواء: لا
ملاك نزلت وفطرت بسرعه وبديت تحضير ف الغدا
صابرين: تغسل ف لماعين مامي شن قصته منذر امس
سالمه: نفس الشي تعارك مع بوه بس المره هدي طرده من الحوش
صابرين: لاحول ولا قوة الا بلله
سالمه: منذر تعب هلبا ف حياته
صابرين: اي والله
سالمه: زعما ملاك شن دير توا
صابرين: مش عارفه اكيد تو يعذبو فيها والله حرام عليهم
سالمه: انا مانبيش نشوف حتى وجهه بشير ولا مراته كان هدا نمشي نشوفها ونطمنو عليها
منذر: ماشفتهاش اليوم
امجد: من
منذر: لارا
امجد: لا
مصعب: يسعد صباحك عمري
لارا: وصباحك حبي
مصعب:
تعالي نلودو ف الكليه نبي الكليه كلها تعرف انه انتي حبي
تعالي نلودو ف الكليه نبي الكليه كلها تعرف انه انتي حبيلارا: 
ضروري حبي
ضروري حبيمصعب : اي
لارا: به
وقعدو يتمشو ف الحديقه ومصعب كان قاصد يشوفهم منذر
ولارا مش متوقعه جيت منذر بعد المشكله لي صارت امس
امجد: منذر
منذرمنذر لاهي بتلفونه الجديده
امجد: يا هممم
منذر: نعم شن في
امجد: شوف قدامك
منذر اول مارفع راسه م م مش معقوله
م م مش معقولهامجد:
منذر قعد يركز فيهم ويعاود ومش قادر يستوعب انه لي قدامه ومع معصعب تكون لارا
لارا:
مصعب:
منذر: مشالهم وقابل لارا بتحديد وربع ايديه ممكن تفهميني يا انسه شن صاير
لارا: من الصدمه مش قادره طلع كلمه وحده
من الصدمه مش قادره طلع كلمه وحدهمصعب: بصوت عالي انطقييييي.
لارا: خافت
مصعب : هيي انت خيرك ديما طالع فوجهي
منذر: عيونه حمر بصوت عالي صووووت مصعب لارا نسأل فيك جاوبيني احسنلك
امجد: يشوفلها من فوق للوطه زبطها من لول كلبة فلوس انته ماتبيش تصدق
مصعب: لارا تكلمي
لارا: هدت شوي اانا ومصعب نحبو بعض
منذر: شاف لمصعب بنضره تخوف
مصعب: ماتشوفليش ماكنتش نعرف وضحك
منذر: طلع من الكليه بكل وامجد وراه
امجد : تي استنى الزفت وقف
منذر: فوتني امجد
امجد: مش فايتك اوقف
منذر: وقف
امجد: هدي شوي وتعالا اركب لسياره شوي ف الاول ماباش حاول معاه شوي ركبه ف السياره
لارا نزلت منها دمعه
مصعب: خيرك وليش ماقتيلي كنتي مرتبطه معاه
خيرك وليش ماقتيلي كنتي مرتبطه معاهلارا: زي ماقلت كنت ومشت عنه
مصعب : اااه واخيرت كل شي خططتله صار منه وكل شي كان يملكه منذر بدا ملكي انا
يتبع ………
لقراءة الجزء التالي : الجزء السادس من رواية عقارب الساعة
لقراءة الجزء السابق : الجزء الرابع من رواية عقارب الساعة
للإطلاع علي فهرس اجزاء الرواية : جميع روابط اجزاء رواية عقارب الساعة للكاتبة زهرة الشيخ
جميع الحقوق محفوظة للكاتبة زهرة الشيخ .
