وفي الجزء الرابع عشر من رواية نبضات قلب دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة ميشو محمد .
الجزء الرابع عشر من رواية نبضات قلب
ادهم: عيط وقلب الدنيا 
تسنيم تتلامس ع خدوده: اليوم لو صار شي فيا.. قاطعها
ادهم بعصبية: خلاااص انسي انتي بخير الحمدلله ومافي شي
تسنيم تتلامس خدود زين: ياروحي كيف راقد بريئ زي الملاااك
ادهم شافهم وابتسم 
تسنيم قامت عيونها ف ادهم: ادهم
ادهم يسوق ويشوف ف الطريق: ياقلبي
تسنيم: صحيت
ادهم شافها: ع شنو
تسنيم شدت ايده: ع وقفتك معاي و… قاطعها
ادهم شد ايدها: ع وقفتي اني معاك ولا ع وقفتك انتي معاي حربتي بوك وخوك والدنيا كلها ع شان ادهم الفقير وتبيني اني نغدر فيك واللهي مانقدر اني كل مانشوفك واقفه معاي قريب نموت عليك
تسنيم: بعيد الشر عليك ياقلبي
ادهم نزل: وصلنا.. وفتح باب تسنيم خدي زين من حضنها
تسنيم نزلت: ادهم اني عارفه انك ساكت ع مهاب لانه خوي لكن ياادهم خلاص الشي زاد ع حده حمدت ربي مليار مرة انه زين كان عندك صدقني لو كان عندي كانو خطفوه
ادهم ف حضنه زين: ياعمري ماتخفيش اني رح ناخد حقي وحقك منهم ورح نطلعه من عيونهم وحياتك
تسنيم تشوف ف الحوش: ادهم رح تخلينا اني وزين ف الحوش وابوابه مكسورات ؟
ادهم: لا رح ناخدو منه ملابس لـ زين حفاظات ومستلزماتك وحاجات المهمه ورح نخليكم عند امي اليومين هادم
تسنيم: اممم اوكي
وخدوو ملابس الضرورية وحاجات خاصه بيهم وطلعوو مع بعض وركبو ف السيارة ادهم فتح ع اغنية ناصيف زيتون (انا معك )
تسنيم تسمع ف الاغنية: ادهمم ماتتاخرش عليا
ادهم وصلهم لحوش امه:إن شاء الله انزلي توا وخلي بينا تواصل ع الهاتف
تسنيم قامت زين: دير بالك حبيبي
ادهم ابتسم: تمام ياعمري اخشي واني رح ندخل الملابس
تسنيم: اوكيي باي.. وخشت وف حضنها زين
يمنى تلعب ف زين: لا حول الله
تسنيم تبكي: كل همهم يطلقوني ويشردو ولدي
يمنى باسة زين: إن شاء الله خير يارب العالمين
تسنيم مسحت دموعها: إن شاء الله يارب 
ادهم رفع شكوه للمركز وشدو عبدوو كان رح يسافر ايصاليا وعبدو اعترف انه ضرب مهاب ومهاب ف المستشفى وكان كويس وفايق ادهم رجع للحوش وغير قفال الباب زبط المكان ونظف الجنان وكل شي دارله تغيير غير مكان السرير ومكان الدولاب وجاب عمال زاد ف طول السور واستغل هدا اسبوع بدون مايشوف مرته وولده
#بعد_اسبوع
تسنيم من يوم كانت مع يمنى ماشفتش ادهم ولا جي رقد ف حوش امه تتصل بيه ويتكلم معها ع الهاتف وبس ويقوللها مشغول
ادهم اتصل بـ تسنيم: ايوو كيف الحال
تسنيم: وينك ادهم اني من اسبووع معاد شفتك تعلا
ادهم: يلا جاي جهزي روحك وجهزي الولد وملابسكم
تسنيم: اوكي
ادهم:دقايق ونكون عندك باي
تسنيم:باي..وصكرت الخط
تسنيم جهزت ملابس زين وملابسها وكل شي يخصهم
يمنى تلعب ف زين:شنو قالك
تسنيم:قالي جاي
يمنى:معقولا يخليك اسبوع عندي ومايسالش عليك ولا عليا ولا حتى ع ولده
تسنيم:اكيد مشغول
يمنى:إن شاء الله خير
ادهم خش وكانت لحيته طاوله شويه:السلام عليكم
تسنيم قامت عيونها فيه:وعليكم السلام
يمنى:وعليكم السلام
ادهم قعمز:عارف بتقولولي وينك وماعدش جيت اني بجدد كنت مشغول
يمنى:ولا يهمك ع راحتك ولدي
ادهم يشوف ف تسنيم كانت تشوف ف زين يلي ف حضنها ومجاهلا ادهم ومتردش عليه ولا تشوفله
ادهم قرب بياخد زين من حضنها:عطيني
تسنيم قامت راسها وعطاته زين:بسم الله
ادهم وقف وهو يشوف ف ولده:من اليوم رح تعيش مرتاح يابابا يكفي مشاكل
تسنيم شافتله
ادهم شاف تسنيم:الموضوع تصكر 
تسنيم دارت غدي كسكسي مع يمنى وتغدو
يمنى تلعب ف زين
ادهم وقف:يلا تسنيم اني نستادنوك ياامي
يمنى:خليكم تعشوو
ادهم خدي زين من امه:ياسر ياامي وانتي تلعبي فيه من بكري توا جي دوري ولدي معاد شفته من سبعه ايام
يمنى:باه سلمتكم
تسنيم:سامحيني ياعمتي قعدت عندك وضايقتك ف حوشك
يمنى شد ايدها:معادش تقولي هكي عيب عليك انتي بمعزت ادهم عندي
ادهم ابتسم باس راس امه:صحيتي ياغالية يخليك ليا
يمنى:ربي يعقد عسلكم يامجانين
تسنيم وادهم ضحكوو
وطلعوو وركبو ف السيارة
ادهم ابتسم شاف تسنيم:حليانة يابنت
تسنيم شافتله:بلله امشي حسابك ف للحوش كيف تخليني سبع ايام بدونك
ادهم شد ايدها:حقك عليا قتلك مشغول هلباا
تسنيم:ليل ونهار مشغول
ادهم:اي ليل نهار ولم نوصلو لحوشنا رح تعدريني وتسامحيني اني قصرت معك
تسنيم:اني مسامحاتك
ووصلو لحوشهم
تسنيم نزلت وشافت الباب الخارجي متغير ولم خشت لجنان شافت الوردات احلاا من قبل والجنان كله اخضضر يججننن والسور كان عااالي وابواب الحوش متغيرات
تسنيم شافت ادهم:يارووحي انت بروحك درت هدا كله
ادهم ف حضنه زين قام عيونه لها:لا جايب عمال
تسنيم قربت بساته ع خده:ليك اسبوع وانت تتعذب وتشتغل ياروحي
ادهم ابتسم:كل شي مستعد انديره ع شان فرحتك
تسنيم: عطيني مفاتيح
ادهم ف حضنه زين:ف للجيب
تسنيم خدت المفاتيح من الجيب وخشوو كل شي متغير كللل شي متغير مكانه
تسنيم صكرت الباب ومدت ايدها بتاخد زين:عطيني
ادهم عطها زين:راقد ديري بالك
تسنيم خداته واتجهت لدار النوم حطاته وطلعت وشافت ادهم واقف ع شباك الصالة ويشوف ف الجنان،،تسنيم قربت بشوووية بشوية بهدؤ ومبتسمه تبي تخلعه
ادهم شافها ع الزجاج كان عاكس علاها:نشوف فيك يامجنونة
تسنيم وقفت متعصبه:اووووف مبردك يابارد خليتني نخلعك يابااارد
ادهم تلفت وهو مبتسم:حليانــة يابنت
تسنيم وقفت قدامه:ادهم انت طوييل نزل راسك
ادهم عرف انها :لحيتي رح اضيقك
تسنيم مقرب وجها ليه:مستاحشاتك بنموت عليك
ادهم ابتسم بحب:اول مرة تقوليلي استاحشتك اووول مرة
تسنيم ايدها ع لحيته:غمزاتي وين
ادهم ابتسم:نحلقها لانها طوالت شوية وبعدين تشوفي الغمزات
تسنيم:متحلقهاش كلهم خلي منها خليها خفيفه
تتبع 
لقراءة الجزء التالي : الجزء الخامس عشر من رواية نبضات قلب
لقراءة الجزء السابق : الجزء الثالث عشر من رواية نبضات قلب
للإطلاع علي فهرس اجزاء الرواية : رواية نبضات قلب ( جميع الاجزاء كاملة ) للكاتبة ميشو محمد
جميع حقوق الرواية محفوظة للكاتبة ميشو محمد .
