وفي الجزء السابع عشر من رواية اولاد سلطان يا تري هل سيحدث شيء غير متوقع يجعل ابطالنا في ورطة كبيرة ام ستسير الأمور بشكل طبيعي ؟ دعونا نعرف إجابة هذا السؤال في السطور التالية بإذن الله مع الكاتبة ميشو محمد .
الجزء السابع عشر من رواية اولاد سلطان
مازن لحقها: كنت نبي نطلع من المنطقه يومين نريح دماغي ز ماتعرفي كل يوم طالعيلي بـ قصة
شيماء: افتح الباب افتح
مازن فتح الباب
شيماء فتحت شنطتها طلعت منها هاتفها وهاتف مازن حطتهم ع الطاولة: اعتبر نفسك لا شفتني ف الجامعه ولا في غيرها…وطلعت
شيماء طلعت تبكي
مازن جمدد ف الباب ويشوف ف الهواتف ع الطاولة المدخل متحركش ولا حركه:تبصر هادي
شيماء نزلت ركبت ف سيارة صاحبتها ورجعو للحوش وهي طول الطريق تبكي
فاطمه صاحبتها:احكككي
شيماء وجها لشباك وتبكي وتذكر ف البوسه: معادش نبيه (تنهدت)تذكري ف عبدو اخ اسراء كلمو ماما عليا وتافه مازن رح نحرررقه
فاطمه:قصدك بتحرقي روحك قبله
شيماء تنهدت وتبكي:اسكتي
ووصلو
فاطمه:امسحي دموعك
شيماء مسحت دموعها وتنهدت وشافت سيارة مازن وراها نزلت بسرعه
مازن نزل:استي
شيماء خشت بسرعه
فاطمه فاتت بسيارتها
مازن قعمز قدام سيارته ويشوف لحوشهم
شيماء خشت بعد تحقيق امها ركبت فتحت الشباك وشافتله وعطول شافلها وصكرت الستار وقعدت تشوفله وراى الستار
شيماء: نحبك وتحبني نعررف لكن لازم منها الكوية لكويتها ليا نردهالك
مازن شاف الستار تعصبب ضرب العجله وجبد شعره للخلف وضرب الزجاج بقوة بيده
شيماء تشوفله 
.
.
انس يضحك:وتيني حتى هي جعانه هي نوضيي
ايلاف ضحكت: انس نضربكم راه
انس ووتين طيحو ايلاف ويعضو فها
تررررن تررررن
انس شاف رقم غريب:ايوواه
بعد طلاق ايلاف تبي تلوي ايد انس ببنت خوه
ولاء : عطيني بنتي نبي نكلمها
انس شاف الرقم ويتكلم بجديه: اهاا اسمع مالا شفت الكناسة لكنت فها ارجعلها لو تبكي دممم دممم متشوف ظلها
ايلاف شاف وتين:هدا فمن يكلم خيره
وتين تشوف ف انس:هيااا صكر الهاتتتف
ولاء سمعت بنتها:عطيني نسمع صوتهااا
انس: اني قتلك اختاري يا تتزوجي كلب الشوارع يا تربي بنتك انتي اخترتي بروحك اني عطيتك فرصة توا خلاص ربي يسهلك
ولاء:بنننتي هادي
انس فتح المايك:وتين شن اسمها امك لتحبها؟
وتين:ايلاف
انس:اظن وصلك الجواب…وصكر الخط
ايلاف: انس خيرك شن في
انس: ولاء اتصلت بعد طلاقها تبي وتين
وتين وقفت قربتلهم: يابابا تزعلش ني نبيش نحلييك بلوحك
انس ابتسم وقعمزها ف حضنه باسها: واني مش رح نعطي بنت خوي الغالية ولا رح نسلم فيك انتي بتكبري عندي وبيخطبوك مني واني منبيش نعطيك لحددد
ايلاف: انس اني تعودت ع وتين متعطيها لحد، بس هادي امها ياانس ومن حقها تشوف بنتها
انس: لم تبدا ام وبنت ناس وتصون بنتها بعدين يبدا ف كلام تاني
،
،
كريمه: افطر
معتصم لبس ساعته: لالا مستعجل
كريمه: سلم ولدي شوف صدام هو انتم توامه شوف مرته قريب تجيب وانت قعد هكي
معتصم: واني شن دخلي
كريمه: شيماء اهي يخطبو فها مزلت انت بس
معتصم: كلهم عارفيني متوحد ومريض وتبيني نتزوج ياام
كريمه: انت عصبي لا متوحد لا شي خلي ندورلك ع بنيه … قاطعها
معتصم وقف قدام المدخل يعدل ف شعره: لالا مرتاح هكي
(معتصم تغير وبدي يشتغل لكن شني لغير المجنون لشخص واعي ؟؟؟! وكويس وهادي !!!!)
معتصم طلع وسيب امه تتكلم ويوشوش ف روحه: كان تعرفي خيره ولدك ياام بس
وصل ونزل للمول ليشتغل فيه واخد من المول محل ويشتغل فيه
فتح محله تابع مواد كهرومنزليه
معتصم منزل عيونه ف الهاتف
،….السلام عليكم…وخشو
معتصم عيونه ف هاتفه:وعليكم السلام..قام عيونه شاف زوز خاشين لكن مشافش وجوهم
معتصم يكلم ف انس رسائل
الام:لو سمحت ممكن دقيقه
معتصم سيب الهاتف وقربلهم:نعمم…وتجي عينه ف عين ضحى
ضحى تلبكت: لو سمحت نبي مضرب اليدوي بكم؟!
معتصم نزل عيونه:احححم هاا هو انواع اي واحد تبي انتي
ضحى رجفت: نبي الابيض كم قوته
معتصم: قوته400 وات
ضحى: اءءءه نزلهولي
معتصم نزله ورجع لطاولته داره ف كيسه وهو ز المسبوه وسرحان
ضحى قربت بتدفع الحساب
امها:ادفعي والحقيني لوطى….وطلعت
ضحى:بكم
معتصم: فهميني اني شن داير ف حياتي باش تطلعي كل شويه قدامي
ضحى: امتى طلعت ف وجهك اني فهمني الباين العكس انت ديما تطلعلي
معتصم نزل راسه وشد جبينه:وواااك خودي المضرب واطلعي
ضحى حطت الفلوس
معتصم رجع الفلوس
ضحى: اسمع بلا عار قدام الناس
معتصم:ضحى اطلعي
ضحى حست انه وجه معتصم تغير: مرييض؟!
معتصم: اطلعي..وطلع من وراى الطاولة
ضحى طلعت وتشوفله حساته مريض
معتصم طلع وصكر المحل ونزل السريت متع المحل بقوة لن تقربع وفي المول يشوفوله وصكر بلقفل
معتصم:علاش ماحد يفهم اني مش نفس الفرخ الطايش….قرب بينزل من الدروج متع المول جد جبينه وايده شدت ف حديد الدروج بقوة وحس المول يدور بيه
ضحى مع امها وتشوفله من بعيد
معتصم قعد وقف والناس تشوفله لعند ماانفه بدي ينززف
ضحى ف المحل شافت الدم عطول ايدها ع فمها وشهقت لكن امها محستش بها
قربو اصحاب المحلات لجنبه ويشوفو ف معتصم وتجمعو عليه صحابه
معتصم خدي منهم كينكس:بعدو خلاص كل شي تمام
صاحبه يخدم جنبه:مريض خيره وجهك اصفر؟!
معتصم بصوت عالي تعصصصب: قلناااا بعددددوو
بعدو الشباب من عليه
ضحى:ماما في واحد شكله بيدوخ
امها شافت معتصم:خيره مسكين
ضحى: ماما شكله بيدوخ نمشي نعطيه اميه…وطلعت بدون مترد علها امها
ضحى طلعت للكشك خدتله اميه بدون متحس شافت روحها مدتله اميه
معتصم منزل راسه ويمسح ف الدم من انفه قام عيونه فها سرح فها: نبي شي واحد منك بس معادش تطلعي قدامي
ضحى مدتله الميه: اشرب
معتصم يشوف ف الميه من ايدها: بعد كل شي درته فيك وف خوك الصغير جايبتيلي اميه
ضحى ساكته
معتصم نزل من الدروج وهو قريب يدوخ طلع
معتصم ركب سيارته شاف انفه ف المرايا وقف النزيف اتصل بـ مراد: نزيف تاني يامراد اني قتلك بيطلع عندي سرطان
مراد: غير هدددي سرطان شني ياراجل
معتصم يسوق: انت قتلي مدام انفك ينزف قتلي سرطان
مراد: قتلك صح لكن ممكن يكون مجرد التهاب او ضربت شمس ياراجل استهدي بلله
معتصم ضرب الدومان: لم عرفت روحي غالط وظالمها مرضت علاش ال
علاااش
علاااشمراد: غير تعالى للحوش تعالى
معتصم: جاي
ووصل معتصم لحوش مراد ونزل وفي من يراقب فيه 
معتصم دف باب المربوعه وقعمز: شفتهااا النمم
مراد نخلع: ياعنبوك بشويه
معتصم: وااااك
مراد: احكيلي
معتصم: منبيش نحكي شي (نزل راسه ع الوساده) بنرقد اني
مراد: ارقد احسن
معتصم متكي: لااا وجابتلي شيشة اميه تي يعطيني سم فها بعد لدرته ف البنت خافت عليا وجابتلي امممميه تي وواااك
مراد: من سقى كلبا دخل الجنه
معتصم شافله ع جنب
ترررن ترررن
معتصم شاف رقم ضحى داره صامت وحط الهاتف ع الطاولة واتكى وبين تفكيره وخوفه خداه النوم
مراد شاف الهاتف قعد يرن خداه رد وطلع
مراد:الوو معاك مراد
ضحى:عطيني معتصم
مراد:معتصم دايخ ومريض راقد
ضحى توتوت:كك ك كيف
مراد: اي شي طبيعي يرقد ويدوخ هادم اعراض مرضه
ضحى:مرض شني انت شن تقول
مراد تنهد بحزن:عنده السرطان
ضحى:سرطان وين
مراد: ف قالون
ضحى:نوضه
مراد خافت تنفضح كذبته:رقد توا
ضحى:نكلم فيك نووضه
مراد صكر علها
ضحى عادوت تتصل:نكلم فيييك نوضه
مراد:باهي اسمعي هو راقد وداير هاتفه صامت اني بنحول الصامت وانتي عشرة دقايق واتصلي عشان يفيق لكن متوقليلاش اني قتلك
ضحى:تم…وصكرت
مراد فتح الصوت ورجع الهاتف جنب معتصم ومراد طلع هرب
ترررررن تررررن
معتصم فاق رد:خيرررك شن تبببي
ضحى تبكي:ياحيوان باهي ياتافه باهي ياحقييير
معتصم:خيرك
ضحى تبكي بشهقتها: علاش قتليش انك مريض
معتصم فهم غلط: مرضى بسيطه علاش بنقولك واصلا مني انتي عشان نقولك
ضحى: اي صح من نكون اني
معتصم يتاوب: شن تبي متصله
ضحى فكراته بجد بيموت: معتصم نحببكك
معتصم في نص تتوبيه وقف: شن تفضلتي
ضحى تبكي
معتصم:خيرك انتي
ضحى: علاش تنزف انت علاش وجهك اصفر علاش
معتصم ببصارة:بنموت
ضحى:
.
.
مازن رجع لشقته كسر الدنيا كلها
شيماء دوشت وطلعت: توا اكيد تنحرق يامازن مزال مشفت شي شن رح يصير فيك لم بتشوفني واقف ونكلم ف عبدو
لبسة جامسوت قونه اسود ومعاه بلوزة بيضة وشعرها فلو وديل
كريمه شافتها: مش قلتي تبي مازن
شيماء سكتت قعمزت خدت هاتف امها ع اساس تلعب بيه بعتت رسالة لـ مازن (اليوم اني بنقابل عبدو اكيد تذكر فيه وكيف محرقتني بكذبك رح نحرقك بغيرتك رح نشوفو من ليتحمل اكثر من التاني)
مازن وصلاته وقراها بعتلها( هدا كان قدرتي تشوفي وكان قدر حتى يخشلك بعدين تعالي وادفلي ع وجهي)
شيماء ضحكت
(هي كانت زيارة عاديه وعبدو بيكلم فاطمه ع شيماء بس يعني مش خطبه)
مازن ركب سيارته ووقف قدام حوش شيماء
ووصلت سيارة السي عبدو ونزلو العويله خشو نزل عبدو
مازن:اسمع استنى
عبدو قرب:نعم
مازن: انس جاي ومافي حد داخل استنه اهني
عبدو ضحك:هدا حوش خالتي مش ضروري يخش معاي حد..تلفتت بيخش
مازن شد مرفقه بعصبيه:انت عندك عادي لكن هني مش عادي عندنا فاا ريحلي روحك وانطمر اهني قصدي قعمز
عبدو تحشم قعمز
شيماء سلمت وقالولها عبدو برا ندا عليه واحد ركبت تجري غرفتها شافت من الشباك شافت مازن متكي ع السيارته ومعاه عبدو
فجآة عبدو هاتفه رن وبعد عن مازن يتكلم
شيماء خطرت علها فكرة انها تمتل انها تكلم ف عبدو حطت هاتف امها ع ودنها
مازن قام عيونه ف الشباك فنص فها وكان يغلي قرب بيضرب عبدو بس سمعه
عبدو ع الهاتف: انت برا للخدمه شد مكان تو نلحقك
مازن تنهد وركب سيارته:للحظه فكرت انها تكلم فيه ، اني بنتعب وشيماء علاقتنا لها بحدود تمانية شهور يعني نعرفها مش رح تسامحني بساهل وخصوصا لسمعاته مش هين كللللللللللللللللللل شييييييييي ضددددددديييي (قالها بغلل)
مازن وقف السيارة:تي اني تجيني رجفه مجرد مانعرف انه خطبوها وهي تزيد فيا
مازن يسوق وسيارة تراقب فيه نزل وشاف السيارة وقفت لم هو وقف قرب من باب شقته ويشوف ف السيارة لعند ماشاف واحد نازل وقام مسدس عليه وطاااااق
(طبعاا كلنا نعرفو انه اي شرطي مكافح للمخدرات رح تكون حياته ف خطر)
مازن ايده ع كثف وطاح قعمز ع الارض جاه جاره بسرعه وسعفوه
ووصلو للمستشفى وطبعاا المنطقه كلها تعرفه وتشهد بااخلاقه واسلوبه مع الناس ماعمره زعل او هان حد وخدمته نظيفه وجيرانه اكثرهم قعدو معاه
الدكتور:من فيكم يقلبله بسرررعه
جاره: جيرانه حني
الدكتور:الشاب غايب عن الوعي اتصلو بحد مسؤول عليه
مازن فاق بصوت متشتت:هاتفي جيب الهاتف
الممرض جابله الهاتف:كويس انك فقت
مازن:اطلع
الممرض طلع
مازن شاف الجرح واتصل بـ صدام
صدام:ايوواه
مازن:اسمع تعلا للمستشفى نبيك الجماعه المطلوبين شفت واحد منهم تعلا
صدام:مستشفى شنو علاش
مازن بعصبيه:صدام تفهم لم توصل
صدام صكر وطلع
شيماء طلعت شافت صدام:هااا صدااام استنى وين بابا مهناش خليك عبدو بيجي يتعشى هني قالت خالتي
صدام يتصل وعيونه ف الهاتف: عطيه سم عشي شنو الولد لطلبك ف المستشفى قوليله مش فاضي اني…وطلع وهو يتصل
شيماء:الولد لخطبك ف المستشفى من يقصد
ماا زن؟!
خشت تجري خدت هاتف امها والكل ف الصالة يشوفلها ركبت تجري صكرت الباب وتمروح ع روحها بيدها اتصلت بيه
مازن دايخ رد طول:هااا
شيماء جت في ودنها ككلمة الدكتور الرصاصه ف كتفه وناقصه دم وين دكتور الجراحه قعد موصلش
مازن: ا لوو
شيماء بصوت واطي: مازن خيرك
مازن شاف الهاتف بصوت تاعب:معاي ولاد بعدين نكلمك
شيماء اول مرة تسمع صوته هكي: مازن لاا لا بللهي لا سمعني صوتك قولي خيرك شن بيصبرني لبعدين اني
مازن داخ:ب عد ين بعدين…وطاح الهاتف من ايده
دكتور الجراحه وصل ونصدم ف موقع الرصاص ف كثفه اليسار داروله عملية بسرعه بعد سعتين طلعوه وهو ف عالم تاني
وشيماء منزلتش ركبتلها عهد
عهد نصدمت انها تبكي:شن في
شيماء تبكي: مازن ف المستشفى نعرفش علاش 
صدام وصل مع انس
صدام خش لدكتور لانه شرطي:السلام عليكم
دك: وعليكم السلام
صدام: وين الرصاصه
دك:ممنوع نسلموك اي شي
انس متعصب:مش شغلك هدا انت شغلك درته
صدام:اني شرطي بلا ننفخ وين الرصاصه بسرعه
دك خاف: اسمعني….. قاطعه
صدام طلع بطاقته: اني صدام سلطان
دك شافها وفتح الدرج مدله الرصاصه
صدام طلع بسرعه اتصل بمراد
مراد: ايووواه شن صار
صدام: رصاص تركيه ز توقعت
مراد: اهو يجهزو ف ارواحهم وطالعين نكافحو
صدام: اهم شي المطار والحدود
مراد: فاق مازن ولا شنو
صدام: منعرف شي تو نكلمك… وصكر الخط
انس دف الباب وخش شاف الممرضة تعدل ف التغدية: اطلعي
طلعت
صدام خش
الدكتور وراهم
صدام قرب فتح سورية مازن
دك قرب: بعدد
انس بعد الدكتور: ف ناس بتهرب انت خليك ف خدمتك
دك: ممنوع لديرو فيه
صدام تعصب يفتح ف ازرار السورية: اطلع انت درت لعليك كون هاني اني نشتغل ف خدمتي
انس شاف الدكتور: اطلع بلا نم
دك طلع
صدام يكشف ع مكان الاصابه: الرصاص كانت هدفها القلب بس جت ف الكتب بس قريب من القلب
مازن ف عالم تاني
صدام طلع هاتفه صور مكان الاصابه ومشو طلعو
صدام برا اتصل: ايوواه مراد ابعت زوز يقعدو مع مازن
يتبع ……..
لقراءة الجزء التالي : الجزء الثامن عشر من رواية اولاد سلطان
لقراءة الجزء السابق : الجزء السادس عشر من رواية اولاد سلطان
للإطلاع علي فهرس اجزاء الرواية : جميع روابط اجزاء رواية اولاد سلطان للكاتبة ميشو محمد
جميع الحقوق محفوظة للكاتبة ميشو محمد .
