وفي الجزء السابع من رواية تزوجنا ولكن هل يبقي الحب هل تعتقد حقاً أن الرومانسية داخل الرواية وصلت لمستوي جميل ورائع أم مازلت تنتظر الكثير من الحب داخلها ؟ ما رأيك أن نبدأ قراءة الجزء السابع ونعرف إجابة السؤال هذا ؟ هيا بنا .
الجزء السابع من رواية تزوجنا ولكن هل يبقي الحب
قربع وائل الريموت وناض ولبس حوايجه وطلع من شقه .. وقعمز تحت العماره فى الكرسى ولاول مره وصلت بيه الحياه انى يبكى .. لانه تعب .. لانه مش عارف هل يرضى زوجته الا يحبها او يغضب امه الا قالت بيه يامحمد .. ولو حتى دار حل شن الا بيديره غير الحكى .. وهوا عارف انا الحكى مش رح يدير شى الا انا بيخلى امه تلم شلاتيتها وتروح وتغضب عليه دنيا واخره ..
فات اليوم الليله على منى بكى فى بكى وكان قلبها مع وائل وللحظه حست انها غلطت فى حقه … فاحتى النوم ماباش يجيها وقعدت تتقلب من روشن لروشن ومن دار لدار لحد مازرقت الشمس واول مارزقت الشمش خدت شالها وحطته عليها وحطت على راسها وشاح ونزلت وقعدت وتدور لحد مالقاته فى جردينه العماره مطبق ايديه فى جسمه من صقع ومتكى على كرسى وراقد وهنا مشتله تجرى وطبست عليه وحطت ايدها على وجهه لقاته مسقع فانحت شال بسرعه من على كتافها وحطته عليه وقعمزت على الكرسى وحطت راسه على رجلها وقعدت تمسح على جبهته وتبكى … وبينما هيا تشبحله وتبكى نزلت دمعه على عينه فيقاته فاناض مخلوع وقعمز ولما لقاها هيا احضنها بقوه وهيا حضناته وقعدت تبكى وقالتله …
وائل … انى نحبك هلبببببه .. والله ماكنت نقصد ..
وائل … ااااااااااص وضمها فى حضنه مره تانيه وحطو روسهم على بعض وقعدو يتفرجو على شروق الشمس وايديهم فى ايد ين بعض متشابكه …
استمر الهدوء للحظات فى مكان وماكانش مسموع الا صوت الريح والعصافير واصوات تنهديدات منى .. وفجأه وائل طلع من الهدوء الا هوا وهيا فيه وقاللها …..
وائل …. انى جعااااااااان ..
منى … الله الله بصراحه هكى رومانسيه ولا بلاش ههههه بالفعل رومانسية الليبين هههههه .. بس تبى الحق حتى انى جعت هههههههه ..
وائل …. منى على سيرة السمن اربطى الاحزمه شوووى لتولى زى بطريق ..
منى … مصحككككك والله انى ارشق منك هيا .. نتحدك لو تسبقنى من هنا لشقه …
وائل … خش فيها تحدى … هههههه مالا 1 _________ 2 __________3
منى … استنى هنا رح نسبقك ههههههههههههههه
قعدو يجرو هما زوز زى مهبله ولما منى ماقدرتش تسبق وائل قعدت تبكى زى مهبوله وتقولللله …
منى ….. استناااااااااانى ..
فاهنا وائل ماكانتش ردة فعله الا انا تلفتله لما لقاها تبكى ورجع بسرعه وخدها فى غمره وقعد يجرى وهيا قعدة تقوله …
منى … يامهبوووههوووووووول خيرك تجرى .. نطيحووو هههههه
وائل … ياعببببببببببيطه فى كلب ورررررررنا يجرى هههههههههههههههههههه من لما شدينها جرررررى
منى ….. حقاااااااااااااا يامااااااااااااااااااااااااااااااماااااااااا …
وبالفعل طلع فى كلب شافهم من بعيد يجرو فاشد وراهم الخط بس واخيررررررا وصلو لباب العماره بس وائل لاارديا قعد شاد منى فى غمره وراكب وماستاقضش بالوضع الا فى دور تالت وهما يضحكو وهيا مكرشه فى رقبته وفجأه ينزل سيف ويشوفهم … واول ماشافهم سيف بلط وائل منى لاارديا لين قريب دقدقت وبعدين شافو لبعض وضحكو وهنا سف قاللهم .. .
سيف … صباح الخير .. شن اليوم شكلكم كنتم برا تتريضو بكرى بكرى ..
وائل … اى والله طلعنا نتريضو وبعدين لقينا كلب شدها ورنا هههههههه … هيا تعالى اركب معنا افطر ..
وهنا سيف شبح لمنى شوويه وكانت شبحاته غامضه شوى .. شبحته ليها وكأن منى كانت تعنيله شى وحرقه موقف .. وهنا على طول رد …
سيف … لا لا مشغول مره تانيه ان شالله وصحه مقدما 
مشى سيف فى حالها ومنى حطت ايدها على منطقه الا حصلت خبطه عليها من طيحه وقعدو يضحو ودهاشين من كتر الجرى والركوب فى دروج ..
واول مافتحو الباب خش وائل للحمام ودار دوش ومنى خشت للمطبخ وحطت شاى على نار ..
ومافاتتش ربع ساع الا وكانت مقعمزه هيا وياه وعزوزتها على الفطور .. وهنا وائل قال لمنى ..
وائل … منى انى اليوم خديت اجازه من الخدمه باش بنرفع امى .. اليوم اول يوم ليها فى العلاج الطبيعى …
امه …. لا لا وليدى خليها العشيه اليوم لانى حاسه روحى تعبانه شوى ..
وائل …. كيف اليوم بيضيع هكى ؟؟
منى … لا لا حبيبى ارفعنى انى للعياده اليوم عندى كشف مع دكتورة نساء .. خير مانمشى بروحى ..<< وغمزتله >>
وائل … اما دكتوره << بعدين فهمها وقاللها >> اه دكتوووره هههههه ماشى ماشى ..
امه …. تتمتم فى داخلها << اى اى صدقتك ياللفعه من تحت تبن انتى قسما بالله الا كدبه وفى نص عينك خززززى .. اااااه ياطرطور كان نحصل عليك بس انت الا بجريده خضرا >>..
وائل .. امى خيرك تدوى بروحك … قولتى شى ؟؟
امه … شبحتلهم شبحت غل وقالتله … ماقلت شى .. الحمد لله شبعت ..
وناضت وسيبتلهم الفطور .. بس منى ووائل شبه بدو يتعودو على تصرفاتها وكملو فطورهم بضحكه ولعبه وهنا قاللها ..
وائل .. وين تبى تتغدى اليوم يااميرتى …
منى …. اى مكان معاك
وائل … خلاص مع ساعه 1 ونص ظهر نلاقاك واتيه ماشى ..
منى …. واتيه يااااحلى وائل فى دنيا اموووووووه .. على قولت خوى مؤيد ههههههه << الحياه بقى لونها مبمبى وانا جنبك وانت جنبى >>
وائل … يامهببببوله غير قوليلى معاش اتصلتى بيهم ..
منى …ههههههه فى عينك مهبوله … امس اتصلت بيهم .. وان شالله فى الليل مع ساعه 9 توا نتصل بيهم ونطمن على الكل
وائل … اوك خلاص انى بنطلع توا ومع ساعه 1 ظهر نكلمك نقولك انزلى .. ومش تنسى ماتطيبش لامى غداها …
امه …. علااااااش بتنسى … انتم شن بتتغدو .. برا ؟؟
وائل …. غير مرات نتعطلو بس … هيا توا نستادنكم ..
طلع وائل وامه خشت لدار المعيشه وفتحت تلفزيون وقعدت تقلب لين لقت مسرحية عاد الامام << شاهد ماشفش حاجه >> وضحك وتكرير هنا ينسمع …بينما منى بدت تظم فى حوشها وحطت الغدى على نار لى عزوزتها واول ماكملت كل شى خشت لبست حوايجها وشرين عليها وائل وطلعو …
وكانت الطلعه احلى طلعه بالنسبه لمنى … لعبو فى الحديقه ومشو فوق سياج البحيره متع البط ووكلو البط وصورومع بعض وتغدو وشارلها باقة ورد وعوضت اليوم الافات كأنه سنه مع عزوزتها … واول ماكملو مشوارهم وهما فى طريق كلم امه على تلفون الارضى وقاللها..
وائل …. اه امى كيف الحال … وتى روحك شوى ونكون عندك …
امه … انى نستنى فيك من بكرررررى باهى الا تم هالمشواااااار …
وائل …. خلاااص هيا 5 دقايق ونكون عندك ….
وصلوووو للحوش وركبت منى ونزلت عزوزتها …
ويايدوبك منى سكرت باب شقه وغيرت بيجامتها وبتحط سزوة القهوه على نار … رن باب الحوش … ومنى قالت ..
منى …. ديماااااااا وهوا ناسى حاجه … هياااااااا ..
وفتحت الباب ومن غير حتى ناتشوف من العين صغيره واول مافتحت الباب ……
يتبع…….
لقراءة الجزء التالي : الجزء الثامن من رواية تزوجنا ولكن هل يبقي الحب
لقراءة الجزء السابق : الجزء السادس من رواية تزوجنا ولكن هل يبقي الحب
للإطلاع علي فهرس الرواية : جميع اجزاء رواية تزوجنا ولكن هل يبقي الحب للكاتبة كيندا
جميع الحقوق محفوظة للكاتبة كيندا من ليبيا .
