الجزء السابع من رواية سر سعادتي

وفي الجزء السابع من رواية سر سعادتي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة لوزة .

الجزء السابع من رواية سر سعادتي

مسرة قاعدة مصدومة وتتسأل ﻻش ﻻبس لبسة دكتور ونقالها يشرين ماتسمعش فيه لين هزها حازم وقالها نقالك يشرين
طلعاته وقالت االو
عفاف:باهي اللي رديتي كيف حال امك
مسرة تبكي:كيف خشت غرفة عمليات
عفاف:باهي ان شاء الله تنجح عملية معش تبكي مسرة ادعيلها بس
مسرة بعدت شوي من بحدا حازم وقتلها:عفاااف فهميني عﻻش لقيت يوسف ف مستشفى
عفاف:عادي شن مشكلة بالك مريض
مسرة:ﻻ مش مريض ﻻبس لبسة دكتور وخش لغرفة العمليات عند امي
عفاف:شنهوووووووو اكيدة تتسهوكي صحح
مسرة:والله زي مانقولك تو
عفاف:قصدك دكتور هوا ؟
مسرة:معش عرفت شي
عفاف:اسألي خوك شن اسم دكتور اللي بيدير عملية
مسرة:صح والله باي باي
سكرت مسرة من عفاف

في نفس الوقت
اتصلت رويدة برقم مسرة اللي مسجﻻته عندها
رويدة :الو
طلعلها مصري
مصري:ايوه ازيك
رويدة:من انت
المصري:انتي اللي دقالي عاوزة حادجيه
رويدة:سامحنا غالطة
المصري:طب استني خلينا نتعرف صوتك حلو قوي
سكرت رويدة وهيا تسب وتلعن وتمتم الرقم غلط ..مخططها فشل..

مسرة ل حازم:شنو حازم الدكتور كويس اللي بيدير العملية ؟
حازم: الدكتور اللي بيدير عملية ماجاش فخداها بداله دكتور تاني
مسرة:شن اسمه
حازم:يوسف الغادي واﻻ الغافي ايوه يوسف الغاوي
مسرة اتصفرت واتخضرت
حازم:غير ان شاء الله تنجح عملية بس .

في غرفة العمليات
منير ل يوسف:خيرك زي المسبوه يايوسف
يوسف:ﻻ شي
ويفكر يوسف ف راسه عﻻش ياربي استغفر الله شن هالموقف وخيرني ماقتلهاش اني دكتور البنت حبتني ووواك ولو زوز حاجات سامعة من رويدة وشبحت بعيونها اني دكتور مازال بتصدقني ﻻ حول وﻻ قوة اﻻ بالله
منير:شن ادير ياراجل خيرك بتقص الكبدة شن دخلها
يوسف:اه شنو ؟؟؟حي علمها والله مانتبهت
منير:عقلك مش معاك كان تاعب خلي تو نكمل انا
يوسف:ﻻﻻ مش تاعب تو نتم هي
وسرح تاني باهي توا شن بنقولها وشن بيكون موقفي ومن اول مانطلع من غرفة عمليات شن بيكون موقفي
ونطقها كلمة شن بيكون موووقفي ﻻ اراديا
منير شافله وقاله:موقف شنو ياهمي اشقى بالمراة خير مانديرو عفسة

بعد ساعتين تمت العملية
طلع يوسف من حجرة العمليات ولقي مسرة مقعمزة ومنزلة راسها
تلفت يوسف يمين يسار وتقدم وحط ايده على شعرها
قامت راسها ونحتله ايده وقتله وين الدكتور اللي دار ل ماما العملية
نزل عيونه يوسف وقالها انا
مسرة:كدبت عليا يوسف
يوسف:مش
مسرة:مانبي نسمع شي …. ماما قولي شن صار فيها ؟
جي حازم يجري
حازم:طمنا دكتور شن صار
يوسف وجه اصفر مافيشي تعابير
حازم خاف :ﻻ يادكتور ماتقولهاش
يوسف:سامحني سرحت ..العملية نجحت 100% بعد ساعة هكي حننقلوها دار التانية وتقدرو تشوفوها وان شاء الله ﻻباس عليها
حازم:والله خلعتني ف اﻻول يادكتور لكن باهي بارك الله فيك
يوسف:هذا واجبنا …حنطل عليها بعد ساعة
شاف يوسف لمسرة ومشي

اتصل يوسف ب احمد وحكاله اللي صار
احمد:ياعليك حظ مقندل
يوسف:ريت الهم قولي شن ندير تو
احمد:والله ماعارف حاول تكلمها او اتصل بيها
يوسف:ماعتقدش ترد

طق طق طق .
يوسف:ادخل
انفتح الباب وجاته السستر وقتله :دكتور يوسف عندك مراجعات يستنو
يوسف:باهي شوية بس….
اسمع احمد نتم الدوام ونخطم عليك باهي .هي سﻻم
تم مراجعاته يوسف ومشي لحجرة ام مسرة
لقي عيلتها كلهم ف الحجرة اﻻ مسرة مهناش
يوسف:السﻻم عليكم
ردو عليه :وعليكم السﻻم
يوسف:كيف حالك ياحاجة توا
خ فتحية:الحمدله ياوليدي اهو نحس ف الوجع من بكري ونحس ف روحي تعبانة
يوسف:اكيد تعب من عملية..
سيس حنان حطيلها تغدية ومعاها ابرة ايبروفين واﻻ هيبارين
خ فتحية:اعطيني حاجة تهفت هالوجع
يوسف:ايه وصفتلك مهدئ توا وضروري ترتاحي
حازم:بارك الله فيك دكتور
يوسف:فيك تبارك الله

مسرة طالعة من الحمام وهيا ماشية في الممر طلعت نقالها وبتتصل بعفاف
مسرة:الو عفاف
عفاف:كيف حال امك
مسرة:الحمد لله نجحت عملية، اسمعي رسمي طلع دكتور الكداب هدا
عفاف: منو يوسف …جووووو
مسرة:جو فعينك بنسيبه واحد كداب هلفوط
عفاف:هههههه حلوة هلفوط لكن ﻻﻻ تسيبي وذنك تي هدا وين جاك الحظ الله دكتور ومن زيك ياهبلة
مسرة:تي نقولك كدب عليا كيف تبيني نقعد معاه !
عفاف:مشي مع الكداب لحد باب الدار وماديريش العينوني صدقيني اسمعي منه قبل انا حاسة عنده الحق ان كدب عليك ﻻن انتي عارفة بنات توا تسمع بيه دكتور تبدى تتلصق تسل منه دم قلبه
مسرة:فكيني منك تره ديما جاية معاه…
وبينما مسرة تهدرز مع عفاف
طلع يوسف من الحجرة ولقى
مسرة جاية في الممر
مسرة:اسمعي عفاف تو نكلمك بعدين باي
سكرت نقال ودارت روحها مش شايفاته وخطمت من جنبه شدلها ايدها وقالها: مسرة اسمعيني
مسرة:خليني ف حالي
يوسف:عندي اسبابي اسمعيني بس
مسرة:شن بتقول هي انت كذبت عليا يايوسف تعرف شن معناها معناه انا اللي حبيتك ووثقت فيك طلعت عايشة ف كدبة ومازل تبيني نسمع ههه وﻻ و زي الهبلة نقولك جاكيت وتقولي بنجيب بضاعة
يوسف :عندك حق في كل كلمة قلتيها او بتقوليها بس نتمنى تسمعيني انا امبكري الصبح كان تدكري قتلك كلميني ضروري بنقولك حاجة وياريت تفهميني و كنت بنقولك غير صارت صدفة هادي
مسرة:هيا بنمشي انا تو يشوفني حازم معاك باي
تنهد يوسف وقالها :اوكي
اتوجه يوسف لريسبشن وقصقص هل ان خ فتحية اقامة لليوم او ﻻ
فقتله البنت ممتع ريسبشن ايه
يوسف:باهي من فيه من دكاترة توكة الليل
البنت:دكتور عادل
يوسف:اوكي
خدي تلفونه واتصل ب دكتور عادل
الو د عادل شن اﻻخبار …ﻻ كويس انا… قتلك نبي ناخد توكة الليل تبعك كان مافيش مشكلة
د عادل:ياسﻻاااام ولووو خود خود مبروك عليك لكن ماتقوليش خود توكة الصبح متع غدوة
يوسف:ﻻ مش حنقول
عادل:تم تم خودها
يوسف:مشكور …سﻻم
رجع يوسف لريسبشن وقالها سجلي بدل د عادل حطي اسمي ف توكة الليل
البنت:د عادل مناوب وانت جراحة ﻻش بتقعد ف ليل
يوسف:غمزلها وقالها غير هيا نعناعة خربشي وخﻻص شن خاسرة انتي ماتقولي لحد.
ابتسمت متع ريسبشن وقتله:اوكي تمام
وجت القايلة وانتهت الزيارة وروح حازم وخﻻ مسرة وامها ف مستشفى
خش يوسف لحجرة خ فتحية لقاها راقدة
يوسف ل مسرة :مسرة حبيبي عارفك زعﻻنة مني
مسرة:مش حبيبتك انا
يوسف:ﻻ حبيبتي … تعالي شوية قدام الحجرة ثواني بس
طلعت مسرة وقتله :تفضل هي
يوسف:مسرة نبيك تسمعيني للأخير صحيح انا خبيت عليك اني دكتور والسبب يرجع ﻻن قبل لعبت عليا بنت بمجرد ماسمعت بيا دكتور مافيش حاجة اﻻ ماطلعتها من عيوني صرفت عليها لين قلت ياسر في نهاية خلتني ويخي قتلي نبي سيارة وفعﻻ مشيت بناخدهالها غير ستر ربي اتصل بيا صاحبي احمد وقالي تعال شوف صاحبتك ف الكرنيش اتهيج مع واحد
مسرة تفكرت كﻻم عفاف كله وقتلهض:عذر اقبح من ذنب وهل كنت متوقعني طامعة فيك يوسف !
الحمد لله انا شبعانة وعيني مليانة مش فارغة زي اللي كنت تحكي عليها ومش خاينة
يوسف:حشاك ماقلتش هكي بس كنت بنقولك ف الصبح سامحيني مسرة
مسرة:كيف تبيني نسامحك كادب عليا !5 شهور عﻻقة وداس عليا
يوسف:معش تقولي كداب عيب وضحتلك سببي وطالب منك السماح انحبك ياهمي وحق ايات الله انحبك مش معقولة مخليتني هكي تريس نتغوط انحس فيك بذليني بالطريقة هادي
مسرة:نقص صووتك !
يوسف:باهي خﻻص عارف قلبك طيب خﻻص سرورتي
مسرة بتبتسم زي عادتها
مشي فكر يوسف انه يضحكها دار روحه احول وقالها بغ بغ بغ
مسرة:ههههههههههه يابارد خﻻص باهي سامحتك يادكتور الغفلة
يوسف:الحمد لله محﻻك وانتي مبتسمه… بس فيه حاجة تانية دسيتها عليك
مسرة:ههههه شنو ماتقوليش انت مدير المستشفى
يوسف:ﻻﻻ مسرة بس وراس ميمتك و ورحمة بوك تسمعيني للأخير
مسرة:باهي فوسي نسمع قول هي
يوسف:انا انا م…
يتبع 

لقراءة الجزء التالي : الجزء الثامن من رواية سر سعادتي

لقراءة الجزء السابق : الجزء السادس من رواية سر سعادتي

للإطلاع علي فهرس اجزاء الرواية : رواية سر سعادتي ( جميع الأجزاء كاملة ) للكاتبة لوزة

جميع الحقوق محفوظة للكاتبة لوزة .