وفي الجزء السادس يا تري هل سنري أحداث جميل مع ابطال الرواية تسعدنا جميعاً ام لا ؟ دعونا نعرف ذلك كله في رواية بحر العشق والظلمات للكاتبة زهرة الشيخ في السطور التالية بإذن الله .
الجزء السادس من رواية بحر العشق والظلمات
عند ريان ف حوش اهلها تلعب مع خوتها
عامر: يشوفلها وعيونه بيطلعوو من مكانهم
سعاد من فرحتها خشت للمطبخ دير اكله لبنتها
عامر مجد منار هيا امشو لغرفكم تو تجيكم ريان
ريان:
طلعو يجرو لغرفهم
عامر قعد جنب ريان شني يابنت حليانه بعد الزواج
ريان: ناضت بدون صووت
عامر: ناض ومسكها من ايدها غير استني
ريان: واللهي لو ما تبعد عني نعيط ونخبر امي عن كل شي
عامر: خيرنا عاد وزاد قرب
ريان: بصوت عالي امممممييي
عامرر بعد عنها بسرعه .
سعاد: طلعت تجري من المطبخ …شنن فييي
ريان : ……….
روحت دعاء وهي في عندها امل كبير وفرحاانه
رحاب: شن قاتلك؟و شن تبيك ؟
إيناس: ماليك دخل ف الموض
وع ومشت لغرفتها بدلت وقعدت تفكر لو وافقت وتم كل شي شن حيصير وكيف بتعيش مع حازم وهل حازم حيتقبلها ولالا وكيف بتكون حياتها الجديده
دعاء ونادر ف السياره
نادر :شن صار معاك
دعاء: تو نشوف رد البنت قبل
نادر: بااه المهم يكونو الزوز راضيين
دعاء: ان شالله
نادر وصل لحوش اهل ريان درس سيارته ونزل خبط ع الباب
عامر: فتحله
نادر: كيفك عمي
عامر: بخوف الحمدلله ت ت تفضل تفضل
نادر: لالا مستعجل ناديلي على ريان
عامر: تمام
.خش عامر ينادي على ريان
ريان:
عامر: اطلعي لراجلك برا
ريان: تمسح ف دموعها طلعت وماحكت ولا كلمه ركبت ف السياره
نادر: لاحظها من عيونها لي متورمات وواضح عليها انها كانت تبكي بس ماحبش يبين شي قدام امه
اول ماوصلو للفيلا
مشت ريان لغرفتها وصكرت الباب وقعدت تبكي
خلينا نرجعو للورا شوي قبل ساعه
ريان: صرخت بصوت عالي اممممي
جت سعاد تجري
سعاد: شنوو فيي
ريان تشوف ل عامر
عامر: ردد بالك
ريان: بخوف وعيونها معبيت دموع بابا
سعاد: خيره بوك
ريان: تشوف ل عامر بخووف ب ب بوي لوح عليا اللعبه هيا امتاع الصرصور
سعاد:
خوفتيني عليك نحسابه شن صار معاك
خوفتيني عليك نحسابه شن صار معاكعامر: تنهد
سعاد رجعت للمطبخ وريان مشت تجري لعند خوتها.
عامر
.
.
.
________زهره الشيخ_________♡♡
نادر: يخبطت ع الباب افتحي
ناضت ريان فتحتله الباب وخشت للحمام توضت وصلت وقعدت تقرا ف قرآن وزي كل مره نادر انسجم وقعد يسمعلها لين كملت
نادر :صوتك حلو
ريان : ابتسمت طلعت بدلة الصلاة ولبست قفطان بتطلع
نادر: لوين
ريان: بنساعد عمتي ف لمطبخ
نادر: تمام
نزلت ريان وهي تتسأل شن سبب اهتمام نادر بيها اليوم
ف المطبخ
سلوى:
ريان:
سلوى: تقطع ف الخصره عمتي بنقولك على حاجه
دعاء: تتصفح ع النت قولي بنتي
سلوى: انا حامل
دعاء: من فرحتها ناضت من مكانها وطلقت زغروته
جود خشت للمطبخ :شن في بس يام
دعاء: واخيرا بينورنا اول حفيد للعيله
جود: بفرحه ريان تانتي حامل
دعاء: لا يابنتي سلوى لي حامل
جود: اها
سلوى: تفنص ف جود .
ريان: بفرحه الف الف مبروك
سلوى: يبارك فيا عقبااالك
ريان:في داخلها احلمي
في داخلها احلميحازم: ك العاده ف غرفته وسرحان نفسيته تحت الصفر وكل مايحاول انه ينسى الموقف لي صار مع منى يشوف الدبله ع الطاوله دكره بيها قاطع تفكيره صوت الزغاريت لوطه ….ف داخله اكيد امي حصلت على موافقتهم
________زهره الشيخ_________♡♡
اوسيفه اول ماوصل لشركه
السكرتيره: استاد ممكن لحظه
يوسف: تفضلي
السكرتيره: االصفقه امتاع امس بعتولنا
ورقه تو كيف وصلت فها خسارة 25% من الاسهم امتاعت الشركه وغي ملفات متسربه من الشركه خفت انه نخبر استاذ نادر
يوسف: كيف ؟ وامتى؟ وليش؟ هوا اصلا امازال ماكملنا منها الصفقه وكيف في ملفات وشاريع متسربه خش لمكتبه وقعد ع الكرسي وايده ع راسه ويفكر ….. جيبيلي كاسة قهوى
السكرتيره : تمام
يوسف طلع رقم نادر واتصل بيه
نادر: ايوا
يوسف: اهلين نادر
نادر: بيك
يوسف: مصيبه يا نادر مصيبه
نادر:حكي شن هيا
يوسف: وصلتنا ورقه فها خسارة 25% من الاسهم امتاع الشركه وفي ملفات متسربه
نادر: قرن حواجبه شنوو شن هواا
يوسف: كيف ماسمعت تعالي توااا لشركه نراجي فيك
نادر: طلع من الفيلا طايرتله ويفكر من لي سرب الملفات
.
.
.
.
إيناس ف غرفتها سرحانه تكتب ف مذكرتها
الباب طق طق طق
٠إيناس: خبت المذكره وناضت تفتح الباب
فهد: خش للغرفه
إيناس: تفضل
فهد: كلمتني خالتي دعاء توا وخبرتني ع الموضوع
إيناس:به
فهد: انتي موافقه
إيناس: ايه
فهد: ونا مش موافق انك تتزوجي واحد مشلول
إيناس: بس انا راضيه وموافقه عليه
فهد: يصير خير توا خشي لمطبخ ديريلي شن ناكل
إيناس: وين مرتك
فهد:اا
ااإيناس: قاطعاته حاضر وطلعت
ف الشركه خش نادر لمكتب يوسف
نادر :فهمني كيف صار هدا الشي
يوسف: مانعرفش كيف صار
نادر:ةخبط ع الطاوله بقوه امالا من بيعرف اناااا لي مانجها الشركه بكل …احمد وين
يوسف: قال بيسيب الشغل
نادر: انا متاكد انه هوا لي سرب الملفات وبسببه خسرنا 25% من الشركه
يوسف: يمكن!
نادر: طلع تلفون واتصل بأحمد لقاه مقفل … وربي الا بندمك ع الشي لي درته وطلع متكنطي
يوسف”
روح للحوش وكان وجهه مايبشرش باالخير مشى لعند خوه حازم وحكاله كل شي يخص الشركه وقصة احمد رسان
حازم: وربي الا هوا
نادر: مش عارف شن بندير نا وين بنلقاه بس
حازم: يفكر.. فوته معاش دوره تو بروحه يجي ويوسف صاحب هوا حتى هو ابدا راقبه نفس الطينه
نادر: زعما
حازم: هكي حاسس
نادر: يشرب ف عصير تنهد مش عارف شن بندير امور حياتي كلها خاشه ف بعضها
حازم: نا خوك وعارفك خير شن في تاني مخبيه
نادر: ميس قاتلي لو تبيني تعالا وخطبني
ونا ماليا سبوع متزوج نحس فها بايخه وامي مش حترضى
حازم: فكر ف ريان شويه
نادر: انته عارف اني مانحبها وتزوجتها غصبا عني .
حازم: تعرف شني من لاخير موضوع انك تتزوج تنين فوته خليك مع ريان حاجة اسبوعين تانيات تو تحبها لو ماتبي يرقالك الضغط وانته ف عز شبابك .
نادر: به نطلق ريان .
حازم: بعصبيه جنيت انته وعلاش متزوجها من لول كان هدا اسمعني موضوع الطلاق هدا فوته مصكر راسك وبتتزوج ميس تزوجها وتمت
بعصبيه جنيت انته وعلاش متزوجها من لول كان هدا اسمعني موضوع الطلاق هدا فوته مصكر راسك وبتتزوج ميس تزوجها وتمتنادر: يوخر ف شعره افففف مش عارفه يصير خير تو خليني نحل مشكلة الشركه قبل
حازم: بتوفيق
نادر: ضربه ع كثفه اجمعين عي تو نستأذنك وطلع
حازم
.
.
.
الصبح
________زهره الشيخ_________♡♡
فهد اتصل ب دعاء وقاللها انه هم موافقين .
رحاب:
دعاء: تزغرت
نادر: ياكل خير شن في
دعاء: العيله لي مشتلها امس وافقو والبنت موافقه
حازم:
نادر: اها مبروك حازم ربي يتمملك على خير
عيسى: الحمدلله
سلوى: في داخلها من هدي لي ماعندها عقل وموافقه عليه ؟
دعاء: غدوا بنمشيلهم وبنرفع معاي حازم عشان يشوفها
حازم: لا يام مش ضروري نشوفها المهم انتي لي خترتيها
.
.
.
.
إيناس:حاضنه صورة امها وتحكيلها زعما القرار لي خديته صح ؟
بس انا صليت صلاة الاستخاره وكل شي تمام …اااخ وخلاص
ريان: نادر نبيك ف موضوع
نادر: يتفرج ها
ريان: نبي نطلب منك طلب
نادر: تلفون لا عارفك بتكلمي الكلب امتاعك
ريان: لا مانبيش تلفون نبي نرجع لقرايتي نبي نقرا نادر
نادر: راك متزوجه شن القرايه لي بتقريها
راك متزوجه شن القرايه لي بتقريهاريان: مسكت ايده بكل عفويه بللهي بللهي نادر بللهي ماتقولي لا
نادر: يشوف لي ايدها نفكر وحاضر
ريان: بااه
نادر:
ريان:
________زهره الشيخ_________♡♡
اليوم لي بعده
جهزت دعاء وبدلت ومشت مع نادر لبيت إيناس وتفقو ع المهر وحددو العرس بعد اسبوع ودعاء كانت فرحانه ب إيناس
إيناس:
بعد كم ساعه وصلت رساله لحازم من رقم غريب
“الف الف مبرووك ع الخطوبه مسرع مانسيتني”
حازم:
احمد : نبيك تعرفلي كل تحركاته وادق التفاصيل لي تصير معاه فاهم
……: تم
نادر وهوا مروح مع امه من بيت ايناس درس عند مكتبه
دعاء: شن عندك هنا
نادر: بناخد ادوات وشنطه لي ريان بنرجعها تقرا من جديد
دعاء: بفرحه انا فخوره بأنك ولدي الصغير والعاقل
نادر: ابتسم هه ونزل خدالها شنطه وكراسات وادوات وخلص لصاحب المكتبه وطلع
دعاء: اكيد بتفرح بعد ماتشوف الادوات
نادر: اكيد
اول ماوصلة للفيلا
نادر خش لغرفته مدايرا روحك فالحه
مدايرا روحك فالحهريان: تنظم ف الغرفه وتمسح ف الخزانه … اييه
نادر: قعد ع السرير وينحي ف سبيدروه افتحي الكيس هوا وشوفي شن جبتلك
ريان: بأستغراب فتحت الكيس بصوت عالي هيييي مش مصدقه شكرا شكرا نادر
نادر: الاسبوع الجاي تبدي دراسه
ريان:
تسلملي
تسلملينادر: شن هوابري بري ديريلي كاسة قهوى
بري بري ديريلي كاسة قهوىريان:به
بهاول ماطلعت نادر اتصل ب ميس
ميس: هدا وين فضيتلي
نادر: سادك نكد يابنت الناس
ميس:
نادر: كيف حالك
ميس: تمام شن صار مازال مابطلقها
نادر: شوفي ريان انا مش حنطلقها وانتي اول مانظم موري نجي ندورك
ميس: 
لا ماتجيني وانت متزوجها يوم طلقها تعال وخطبني
لا ماتجيني وانت متزوجها يوم طلقها تعال وخطبنينادر: معناها منيش جايك
ميس..
يتبع ………
لقراءة الجزء التالي : الجزء السابع من رواية بحر العشق والظلمات
لقراءة الجزء السابق : الجزء الخامس من رواية بحر العشق والظلمات
للإطلاع علي فهرس اجزاء الرواية : جميع روابط رواية بحر العشق والظلمات للكاتبة زهرة الشيخ
جميع الحقوق محفوظة للكاتبة زهرة الشيخ .
