وفي الجزء السادس من رواية عالمي دعونا نبدأ في معرفة ماذا سيجري من أحداث جميلة مع أبطالنا ؟ وهل ستكون كل الأحداث مميزة ام لا ؟ لنعرف إجابة ذلك التساؤل في السطور التالية بإذن الله مع الكاتبة بنان عماد .
الجزء السادس من رواية عالمي
*كيف لك بعد كل هذا الحب خيانته*
طلعت لقيت مف موضوع نضفت وعملت الشاي وطبخت فكرت فكره مجنونه مشيت لبست توب ومشيت غرفه يامن لقيتو نايم فتحت تلفونو ودخلت المذكره كتبت
إلى أحد اخذ بخاطره مني هل الاسف يمحي اوجاعك التي كادت بسببي ام كلمه احبك؟ اختر ايهما واعلم انني اقصدها عاوزه اطلع لقيتو كاتب خواطر م اتخيلت ان يااامن الواحد د بكتب خواطر لمن انصدمت عديل بس صدمتي زادت لمن قريتها «في هذا الزمن بي التحديد يفترض ان يكون يوم زواجنا تبا للأيام الوقحه لم تراعي حتى لقلبي الذي عشقها هل امت حبا ي محبوبتي ايرضيك الابتعاد عني كل هذا البعد حقا سحقا لكل فراق يدعي عليه فراق النصيب» بقيت واقفه ومتجمده عدتها تلات مرات 
ختيت التلفون بسرعه ومرقت بقيت افكر ف الكلام مشيت الصالون لقيت خالتي والبنات بتونسو سلمت عليهم وقعدت ف رجل خالتي قالت لي نظفتي براك ليه قلت ليها ما بدور تعبك قالت لي الله يرضا عليك ي بتي حضنتها ودمعت مشيت لي البنات بتونس معاهم يامن جا من سمعت ان حيفتش عروس مشيت الغرفة..
مرةة شهور عديده واليوم السبت ويامن بتجاهلنيوانا الموضوع د بكسرني بس قلت بنان م تكوني انانيه خليه يعيش حياتو بس بلقا نفسي م بقدر لمن كنت ماشه خالتي قالت لي عبد السلام ويامن ف الصالون امشي شوفي حد يوصلك قلت ليها اي والله لان بدر م برد قالت لي خلاص امشي لواحد فيهم مشيت دقيت الباب قالو اتفضل دخلت قلت ليهم عبد السلام قوم وصلني قال لي راجلك وين؟ قلت ليه م برد قال لي طيب اجهزي مشيت جهزت وسلمت عليهم طلعت برا الاتنين كانو جنب العربية تلفون عبد السلام دق رد قال الوو شنوو كذاب والله طيب جااي لا إله إلا الله وجرا ركب يامن قال لي اركبي ركبنا وانا م عارفة ماشين وين يامن قال لي عبد السلام وصل دي اول عبد السلام قال ليهو دي.؟ يامن قال عليه بنان ياخ عبدو قال ليه م بقدر الا اصل المستشفى وانت سوق العربيه وديها يامن قال ليه هسي ف داعي لي د قلت ليه بزعل يامن انا م ضربتك ع ايدك قلت ليك وصلني عنك م وصلتني حمر لي وسفهني زي الما حصل شي وصلنا المستشفى نزل نزلت وراهو ومشيت معاهو عشان اخرر يامن 
عبدو قال لي هديل هم وجرا عليهم قال ليهم غزل كيف قالو ليه كويسة لي الان قعدت معاهم نص ساعه ولسه ف العمليات شايفه الداخل والمارق ونسيت ياامن جريت نزلت تحت وانا نازله لاقاني شاب قال لي السلام عليكم وقفت قلت ليه وعليكم السلام وسلم على قلت ليه عاوز حاجه قال لي نسيت من شفتك 
وضحك قال لي ف بت جاابوها بي إسعاف هسي عارفاها ف الطابق الكم قلت ليه اي بس فك يدي قال لي معليش م انتبهت وفكاها قلت ليه ف ال.. بس القا ليك كففف ف وش الشاب لمن اتخلعت التفت لقيتو يامن فتحت عيوني بخلعه وقلت بيه يامن قال لي بصوت عالي طيري العربيه جريت العربية وانا حموت من الخوف منظرو كان بخوف قلبي كان بدق شديد عاينت لقيتو بكورك ف االشاب وجا ركب وطااخ قرب يكسر الباب اتحرك وبقا سايق بسرعه شديده قلت ليه ياامن قال لي هشششش ولا كلمه قلت ليه ف شنو انت ف شنو معصب كدة ياخي ضرب الدريكسون ضربات متتاليه وقف عروقو كانت ظاهره وقال لي بدون يلتفت عليي م هووو عادي انك تمسكي يد ولد مسافه هاااا وفوق د بتااخري نظام انا م عندي زول غيرك منتظرني بناااان بطلي الهمجيه البتعملي فيها د واحترمي نفسك انا شايف عشان م اغلط فيك ماهو م ممكن تخلى زفت الباطل د يمسك يدك فاهمه ولا اقطعها ليك ي الله من العالم البتفور الاعصاب د يعني م ممكن معاك انتي عارفه الغلط من الصاح ما الا يوصوك م الا يكلموكك شافعه انتي؟ طبعا بصوت عالي بتكلم التفت علي لقاني غرقانه ف الدموع قال لي اهو فلاحتك تبكي ياخ كرهتيني الحياه زاتو وساق بقا ولع سجاره وبقا يشرب تقريبا خلص اربعه العربية كتمت وانا ببكي فتح الشبابيك واتنهد وقف العربية واستغفر مسح وشو بي يدو وقبل علي مسك يدي بقوة وعاين ف عيوني وانا بدموعي عاينت ليه نظام انت ليه بتجرحني كدهقال لي خلاص حبيبي م قصدي امسحها ف وشي انا كنت معصب وم قدرت اتحكم ف نفسي اسف للحظه قلبي عمل شححح قلت ليه يامن د م تبرير لي موقفك انا م محترمه نفسي؟ ودموعي جرو قلت ليه اه انت اصلا متعود تجرحني قال لي بناني حقت.. وسكت زح مني ودق البوري شديد قال لي معرسه حقتي كيفففف وريني ي الله لطفك قلت ليه يامن وديني البيت
ف اللحظة د يامن اتنهد وساق براحه كان سرحان فجأة بقا يتكلم قال لي بنان ليه خنتيني؟طيب اعيش من غيرك كيف؟ وعودنا وين؟ ليه كسرتي سندك الما كسرك؟ ليه ي بنان يلا انزلي نزلت وانا دموعي جارين جريت البيت استحميت وصليت ود كلو بالي م معاي تلفوني دق لقيتو يامن استغربت قال لي هسي د انزلي بسرعه قلت ليه انت جنيت قال لي انزلي ي بنان بسرعه قبل اطلع فوق اتخلعت شديد وقلبي قرب يقيف من الخوف لبست توب وبي شعري الفاكي نزلت قال لي اركبي قلت ليه بدر ماف ي يامن قال لي بنااان اركبي ركبت وانا خايفه ساق بسرعه كان معصب
شديد قلت ليه وانا بخت يدي ع حواجبيني يامن انت موديني وين قال لي السماء وقفنا ف بيتهم قال لي يلا يلا بدون حرف مسكني من يدي قوي وطلع بي السطوح للحظه الذكريات جاتني غلبني عاوزه انزل لقيت يامن مشا ع المصطبه قايله حينتحر وجريت مسكتو وطاخ كففف مسك خدو وعاين لي قلت ليه عاوز تنتحر انت غبي قرب مني وقال لي انتي خايفه مني ولا علي قلت ليه م بخصك قال لي يخص بدر؟ قلت ليه اي قال لي طيب وفتح تلفونو ف اللحظه د نبضاتي اظن سمعها من التوتر والخوف قال لي د شنو فتح ريكورد
صوت أمنية بتقول
انت غلطت كتير ف حق بنان وم بقدر استحمل اشوف بنان بتموت ف الثانية مره اسفه لاني حكلمك الحقيقه بنان مجبوره ع العرس وحكت ليهو اي شي قالت ليه ضحت عشانك وعشان سمعتها وعشان عارفه انت لو عرفت حتخليها ف قررت تسيبك وتتعند ع فراقك يامن… يامن انت لو ركزت بتلقاها بتحبك وبتغار عليك.. يامن بنان.. الحق بنان هي محتاجه ليك م كل يوم بتبكي م بتذكر اخر مره ضحكت بتين ي يامن بنان وبدر م عندهم اي علاقه تربطهم زواجهم ع ورق حتقول لي عرفت كيف حقوق ليك بنان م حملت وم تقول لي أمكن عاقر م بتلد لأن مستحيل فهمت ي يامن بتمنى بجد ترجع ليها لان بنان الحابسه كتير ف قلبها وممكن تخش ف حاله اكتئاب يامن انا وكلت أمري لله ثم انت ي يامن رجع لي صحبتي واختي وبت خالتي رجعها لي ي يامن
بقيت مصدومه ف السمعتو يعني يامن عرف خلاص كرهني قال لي حتحكي ولا حتحكي؟ قلت ليه يامن الكلام د كذب قرب مني وزح بعيد قال لي احكي ي بنان من متين بتخبي وجعك مني احكي بردي قلبي فجأه انفقت بكاء وبقيت اضربو ع صدرو وابكي بكل العندي بكيت بكيت لمن صوتي راح بقيت احكي ليهم المعاناة واني عمري م لقيت الحب من بدر قلت ليه يامن انا بحتاجك انت انا م عاوزه بدر ابتسم قال لي كلو بيد ربنا والكاتبو ربنا بحصل بس انتي ابعدي منو قالها بغيظ قلت ليه يامن عاوزه احضنك ممكن حكه راسو وقال حستغفر ليك ي بت حضن شنو يلا يلا ننزل قلت ليه اسفه كنت من جواي فرحانه انه سمعني بس زعلانه عشان خنتو اتحركت خطوتين وانا سرحانه انا متزوجه طيب م ينفع اتكلم مع راجل بس د ود خالتي بنان انتي معرسه م صح ف يد جرتني ف اللحظه د وعيت قال لي سرحانه وين انتي قلت ليها هاا حضني ف اللحظه د اتجمدت انا معرسه م صح بس بنان انتي يلي طلبتي منو كده اخخ اطلع من ضيق واخش ف ضيق ف لحظه ضعف مني شديت ع التشرت وقلت ليه يامن انا عاوزه اطلق من بدر انا م عاوزه قال لي احلا خبر بس ي بنان بدر هل حيطلقك دموعي جرو قلت ليه م على كيفو ي يامن انا بموت معاهو قال لي انا م حقدر اعمل حاجه بتغضب ربنا متي م تطلقي حتلقيني ف بيتكم فجأه زول يزحني من حضن يامن ويلصق لي كففف ويقع في يامن ضرب من طرف …
*_-_-_-_-_-_-_-_-_-_-_-_-_-*
*إليك يا الطمأنينه اتستخفين بي؟ام تعلمين أنني اطمئن معه*
*☆اشوفكم☆*
*☆bnan☆*
————————————–
———————
*☆يتبــــــــــــــــــــــــــــــــــــــــــــع☆☆*
لقراءة الجزء التالي : الجزء السابع من رواية عالمي
لقراءة الجزء السابق : الجزء الخامس من رواية عالمي
للإطلاع علي فهرس اجزاء الرواية : رواية عالمي ( جميع الاجزاء كاملة ) للكاتبة بنان عماد
جميع حقوق الرواية محفوظة للكاتبة بنان عماد .
