وفي الجزء العاشر من رواية إدمان للكاتبة الليبية زهرة الشيخ هل يا تري من رأيك سوف نري تقلب كبير في الأحداث مع أبطالنا أم ستسير الأحداث بشكل طبيعي دون مشاكل ؟ كل هذا وأكثر سوف نعرفه سوياً في السطور التالية بإذن الله .
الجزء العاشر من رواية إدمان
____________«زهره الشيخ»______________
خالد: بخوف وبدا يعرق ا اكيد بتموتت اكيد
كريم: خير شن فيك ياخالد
خالد :كريم اليوم نبي نعترفلك بحاجه
كريم:خير ؟
خالد .
.
انس يحكي مع مالك
مالك :شن
انس: وتيت كل شي تو نبيك تكلم امي وتحدد العرس بعد شهر
مالك :ونا خيرني بس نبي نفهم
انس :به كلمها انتي رغوده
رغد حااضر واخيرا بنفرحو بيك الفال لي مالك
مالك : شبحلها بنضره وضحكه مستفزه.. هه ان شالله ..
____________«زهره الشيخ»______________
طه ف المشفى اتصل با يونس صاحبه
يونس: ايوا كيفها امك توا
طه : مش عارف مضايق هلبا ووضعها مايطمن
يونس: شوي ونكون عندك
طه : لا خليك نبيك دور على بوي نبي نعرف موقعه وين بضبط
يونس تم نص ساعه ونرد عليك
طه صكر الخط وقعد سرحان وحااير ويفكر وفي راسه هلبا اساله
لو صاحبه وخوه ونصه التاني يونس يعرف بشي لي هوا داره شن حيصير ؟ …
لو امه مافاقت من ه الغيبوبه شن حيصر ؟…
لو رغد ماصدقاته ومارضت بيه ك اخ ليها شن حيصر؟…
تفكيره كان كله سلبي ماعرف كيف يتصرق وكيف حيلقى حل لمشاكله …
مرن عليه الصواني والدقايق والساعات وهوا مش حاسس بيهن
الدكتور: امك فاقت من الغيبوبه والحق ماتوقعتش انها تفيق ف يومين ..
طه فرح وبدا عنده شوية امل .. عادي نخش نشوفها ونطمن !
الدكتور : تفضل
طه خشت للغرفه لي امه موجوده فيها بخطوات حدره وكلها خوف
منى فتحت عيونها وشافت طه بجنبها فرحت وابتسمتله. …
طه اول ما شاف ابتسامة امه نسا كل الهموم والتفكير لي عنده .. كيفك يام
منى : مسكاته من ايده وهي تحكي بصعوبه الحمدلله احسن
طه لاحظ نبرة صوتها وقلبه يتقطع من جوا
منى :شن صار شفت اختك ؟
طه:ايه شفتها وكانت تشبهلك كثيير
منى فرحت لما عرفت انه طه تلقى مع اخته ولي اول مرع …وكيف كانت ردة فعلها ..؟
طه: عاديه جدا كانه كانت تعرف من قبل ..
منى انا نبي نشوفها اليوم وضروري
طه باستغراب ليش فيك شيي تحسي بشي يام
منى لا لا مافيا شي بس نبي نشوفها ونطلب منها انه تسامحني
طه حاضر لي تبيه يصير ف داخله ولو بنخطفها بنجيبها لعندك يام ..
رنت تلفون طه
طه يلا توا ارتاحي نا طالع شوي ونجي
منى تمام
طه طلعمن الغرفه ورد ع الاتصال
يونس وين
طه ف المشفى
يونس اسمعني طه بوك اليوم لقوه مرمي ف الشارع وكان شكله واخد جرعات اكثر مما يتحمل ف ماقدر انه يقاوم
طه: فتح عيونه بخوف يعني شني ماات
يونس: اي عطاك عمره
طه :و وينه توا
يونس: توا جبته معاي وجاي ع المشفى بس رد بالك تعرف امك على لي صاير
طه : تمام وصكر الخط وقعد مصدووم ويفكر
____________«زهره الشيخ»______________
رغد قاعده جنب امها
رغد ماما نبي نقولك حاجه
عائشه : تتصفح ع النت حطت التلفون ..نسمع فيك ياعمري
رغد: انس قرر انه يتزوج خلاص وقالي نقولك تحددي العرس بعد شهر وتتفقي مع عيلة البنت
عائشه :بفرحه بس مش هكي يعطينا شهر وخلاص
رغد: هوا الباين انه مستعجل
عائشه: تمام توا نكلم بوك ونشوفو شن بيقول
رغد تمام هي وناضت تجري لعند انس ومالك
انس بيججنن شن صااار بللهي عليك
مالك ياكل ف السميسا ويلوح ف قشورها على انسس ..ارزن ياحمااار
رغد تضحك ..قللت باهي وتو بتشوف باتي وتاخد رايه
انس اممم به
رغد مادخلني فيك العشيه طلعني
انس احلمي
رغد انسسس
مالك خلاص نا نطلعك وليش لا
رغد بدت تنط زي الصغار هيييي نجييه ليا ياربيي
مالك يضحك ع تصرفاتها
انس كل تفكيره ف رد ابوه
____________«زهره الشيخ»______________
خالد: بخوف وبدا يعرق ا اكيد بتموتت اكيد
كريم: خير شن فيك ياخالد
خالد :كريم اليوم نبي نعترفلك بحاجه
كريم:خير ؟
خالد :رغد تكون بنتي
كريم: بصدمه كيف مافهمت؟
خالد اي زي ما سمعت رغد تكون بنتي انا ومنى .
كريم كييف ومن منى
خالد خلي نحكيلك القصه …
وقت طلعت من عندك ف تونس ومشيت ع ليبيا عشان نفتح فرع تاني لشركة بابا
فتحت الشركه وستقبلت موظفين جدد معانا ف الشركه وكانت منى ام رغد منهم
خالد صح عجبتني وحبيتها بس وقت قالت انها متزوجه وزوجها وولدها ف تونس وهيا جايا تشتغل لانه زوجها كان مريض… استقبلتها زيها زي اي موظف وطلعتها من بالي يوم ربحنا ف المنافسه درت حفله عندي ف الفيله وعزمت كل الموظفين وكانت منى معاهم انا شربت يومها زي ماتعرف كنت مدمن حتى مخدارت وجت هيا في بالي وصار لي صار يومها نضت الصبح مصدوم ومش عارف كيف بنصحح غلطي لي درته. قعدت منى شهور ماجتش لشركه بعد شهر ونص جت لشركه بتقدم استقالتها وقالت انها راجعه على تونس وانها طلعت حامل وتحسبت عليا وماخلت ماقالت …. في وقتها طلعت مبلغ وعطيته ليها وقتلها دير بالها على روحها وياريت لو تنزل الطفل لي ف بطنها بس طلعت ومارتش عليا. رجعت ع تونس ونا عشت حياتي عادي كم شهر وتصلت بيها قاتلي انها مانزلتش لي ف بطنها وياريت معاش تتصل بيا. صكرت الخط في وجهي قعدت نحسب ف الشهور لشهرها التاسع جيت على تونس وكان ضميري مئنبني اجرت شخص يرقبها ليا ليوم مامشت للمشفى بتولد اتصلت بيها وهددتها براجلها وولدها انها تطلق ولا انها تعطيني طفلي
منى: لا مستحيل نخلي راجلي وولدي ونتزوجك انت
خالد: تمام براحتك معناها عطيني الطفل
منى: كيف
خالد :عطيني الطفله انا ف تونس نعطيك عنوان تحطي الطفل جنب الباب ولو ماحطيتيه حنقتل راجلك وناخد منك ولدك
منى: خافت وتبكي حرام اعليك بسس ليش دير فيل هكيي
خالد: كلامي واضح وانتي اختاري
منى: تمام خودها بنتك بس ولدي وراجلي ماليهم دخلل
خالد: حاضر. وصكرت الخط. واول ماطلعت من المشفى دارت لي قتلها عليه ونا اصريت عليكم واقنعت مرتك عشان تتبنوها وهدا لي صار وتوا منى ف المشفى بين الحياه والموت تبي تشوف بنتها..
كريم :مصدوووم من الكلام لي سمعه ومش مستوعب كيفف خوه يطلع منه كلل هدااا … ضرب خالد كففف وبصوت عالي انته كييييييف دمر حياة انسانه بهدا اشكلل احكييي
خالد :واقف ومستعد لي ايا ردت فعل من اخوه
.
.
.
____________«زهره الشيخ»______________
يونس: وصل ع المشفى ومعاه جثة مختار
طه: يشوف لي بوه ومش مصدق لي يشوف فيه ..مستحيل
يونس: استغفر ربك وهدييي واسمعني
طه: سامعك
يونس: لازم تعالج الادمان ونسبة لي في دمك قبل لا يدير فيك زي بوك
طه: يمسح ف دمعته افففف تو تتحسن امي قبل انا ساهل موضوعي
يونس: تمام
طه: كمل كل اجرائات امتاع المرحوم ..نا مشي
يونس: وين
طه :عندي ماندير انت خليك هنا
طلع طه ركب ف سيارته ومشى للفيلا عند رغد
خبط الباب
ناضت رغد فتحت الباب
طه: يشوفلها وعيونه حمر كان يتمنى انه يضمها لحضنه ويحكيله على كل شي صار معاه
رغد: بخووف ا انت شن دير هنا
طه: اسمعيني رغدد امك بين الموت والحيا وطالبه تشوفك بللهي ماترفضيلها طلبها
رغد :وجعني طه بجد هدي كانت اول مره نشوفه مهزوز ومضايق لهدي الدرجه .ااا قاطعني صوت مالك
مالك من ع الباب
رغد :شبحت ف طه …طه
مالك جا يجري هوا وانس
انس :انتت شن دير هناا
مالك: مش حدرتك وقتلك اخر مره تعتب ه الباب
رغد: جاي بيرفعني نشوف امه بين الحيا والموت
مالك: انتييي فمك تصكري وبعدين كييف طلعتي تفتحي الباب ومش لابسه وشاحك شن قتلك نا
طه: بس انا خوها
انسس: ولعت فيه النارر دفهه ماليك علاقه بيها ماك خوها افهممم
كريم: سمع عياط انس ناض يجري هوا وخالد
كريم: شن في
مالك :جاي وبي كل عين وقحه يبي يرفع رغد بش تشوف امه
خالد: اي خليها تمشي تشوف امها
رغد 
كريم؛ خلوها تمشي
عائشه: طلعت تجري لا بنتي بياخدوها مني
كريم :ماتخافي توا تمشي تشوفها هيا وبوها خالد
كلهم استغربو من كلام كريم ومش فاهمين حاجه
عائشه :شن تقول انت
كريم اي زي ماسمعتو خالد يكون ولد رغد الحقيقي ومنى تكون امه وطه خوها من امها ومانبي اس استفسار معاش في وقت خالد امشي مع رغد ع المشقى مع طه
مالك: بسس
كريم :ماالك
طه وقف ومصدوم ويشوف لي خالد بغلل
رغد معاش عرفت شن نحكي ولا نشكي ولا نبكي كل يوم نسمع خبر يصدمني اكثرر معاش عرفت من نكون انا ولا بنت من انا
خالد مسك بايد رغد وطلع ركبو مع طه ف السياره
انس: فتح عيونه شن ه العيله شن ه الاسرار كل يوم صدمه
مالك: فهمني كيف رغد بنت عمي
عائشه احكي كريم
كريم حكالهم كل شي قاله خالد
مالك: 
____________«زهره الشيخ»______________
طول الطريق طه يشوف لرغد بنضرات بارده
رغد سرحانه
دقايق ووصلو للمشفى
رغد نزلت نمشي بخطوات متردده تجاه الانسانه لي جابتني ع الدنيا ولوحتني.
لين وصلنا ع الغرفه
طه فتح الباب..رغد خشي
رغد..
يتبع ……..
لقراءة الجزء التالي : الجزء الحادي عشر من رواية إدمان
لقراءة الجزء السابق : الجزء التاسع من رواية إدمان
للإطلاع علي فهرس أجزاء الرواية : جميع روابط اجزاء رواية إدمان للكاتبة زهرة الشيخ
جميع الحقوق محفوظة للكاتبة زهرة الشيخ .
