وفي الجزء العاشر من رواية ظلموني للكاتبة زهرة الشيخ يا تري هل سيحدث شيء يقلب موازين الرواية رأساً علي عقب ام سنري أحداث جميلة مميزة ؟ دعونا نعرف إجابة هذا السؤال في السطور التالية بإذن الله مع ابطال الرواية .
الجزء العاشر من رواية ظلموني
امينه: رد بالك ع ريماس امانتك
نسرين : خافت كيف م مافهمت خيرك
امينه: ماخيرني شي ره غر رد بالك عليك
نسرين : ف قلبها مش متريحه حاضر
.
.
عند الياس
كمل شغله بسرعه يبي يلحق ع الماس
اول ماوصلو لحوش
الياس: انس نبي نطلب منك طلب
انس : تفضل
الياس : نبي سياره بنجيب حبي اليوم تكسد عندي
انس : تمام نعطيك سياره وهاك الظرف هدا
الياس : شن فيه
انس : راتبك اليومي
الياس : فتح الظرف انصدم كان عباره عن الاف ف اليوم الواحد به تمام
انس : هاك المفاتيح
الياس : شكرا
انس : ولو نا بنطلع نكسد عند الشباب انت خود راحتك مع حبك
الياس : تمام
طلع انس وطلع وراه الياس ركب ف السياره وخطم ع محل خدلها شكاليط وورد
عند الماس
وصلها محمد للمدرسه خشت اول ماشافاته بعد مسافه مايقدرش يشوفها طلعت قبل لا يشوفها حد ف المدرسه وتصلت ب الياس
الياس : هاني جاي
بعد دقيقتين وصل الياس
وركبت الماس قبل لا يشوفها حد
الماس اول ماركبت حصناته وتبكي
الياس : اوووه علينا شن قتلك انا معاش نبي نشوفك تبكي
الماس : فرحانه لاني شفتك
الياس : انا اكثر حبي
الماس : منين ليك سياره جديده
الياس : خدمه
الماس : شن تخدم ؟
الياس : خلينا نوصلو نقولك
الماس : باهي وين ماشين
الياس : شقه
الماس : امممم
عند ريماس
طيب ف الغدا سفره انواع واشكال كل لي في خاطر جدتها ونسرين تساعد فيها
بعد كملت طياب وتنظيف
ريماس : كملت تو نمشي ندوش ونبدل وقت
نسرين : على وين
ريماس: بنمشي لدوره
نسرين : توا
ريماس : لا ساعه ٢
نسرين : اممم باهي به بسرعه نتغدوا ونوصلك ف طريقي
ريماس : تمام
عند الياس والماس
وصلو لشقه اول ما خشو
الماس : شن ه الريحه
الياس : تو تتعودي حبي تعالي نوريك
سكر الياس الباب وخشو لغرفته
الياس : ضمها مشتاقلك هلبا حبي
الماس : حتى نا بس بعد لين تجاوبني من وين ليك ه الشي كله
الياس: بديت نشتغل
الماس : اي تشتغل بس شني
الياس: تهريب
الماس:
ح حبي كيف تشتغل تهريب ماتخاف يشدوك
ح حبي كيف تشتغل تهريب ماتخاف يشدوكالياس : لا مابيشدني حد اطمني
الماس: ربي يحميك بس
الياس : ان شالله
الماس : مابترجع للحوش
الياس: معاش تجيبيلي سيرته تعالي يا قلبي
الماس : بشويه حبي من امس بطني توجع فيا
الياس : خيرك شن فيك لاباس
الماس : شي وجع بسيط
الياس : معناها تعالي نوريك
و.. كيف العاده
عند ريماس نزلت جدتها تمشي فها
امينه: وحتى اليوم مامشيتيش للمدرسه
ريماس: غدوا بنمشي
امينه: بدينا ف الاهمال
ربماس : 
لا والله
لا واللهامينه: بنتي رد بالك ع قرايتك هي لي بتنفعك هي مستقبلك كملي قرايتك بيش تبدي دكتوره زي ماكنتي تحلمي ف صغرك
ريماس : باه حاضر يا عيوني انتي
نسرين: ريماس تغدي قبل لا تمشي
ريماس : ماخاطري خلي لين نروح
نسرين : تمام هيا خليني نوصلك نا ونرد نتغدا عند امينه مابين تروحي
ريماس : لالا خليك عند جدتي نمشي بروحي عادي
امينه : اسمعي الكلام خليها توصلك نابنرقد مابين تجي
ريماس: حاضر
نسرين وصلت ريماس للمصحه ومشت لحوشها جابت كم حاجه معاها ورجعت عند امينه
وامينه كانت راقده
نسرين : نوضي اشربي دواك قبل الغد نوضي
امينه : ها وجعتيلي راسي هاتي به انزلي جيبيلي اميه
نزلت نسرين جابتلها اميه اول مارجعت لقت امينه ينقطع عنها النفس
نسرين : امينه خيرك تنفسي
امينه : لا رد
عند ريماس
اول ماوصلت عند الاستعلامات
ريماس : معلش بنسألك عن الدكتور فهد وين
الممرضه: تو كيف بيبدا في المحاضره في القسم
ريماس : تمام ايا قسم
ممرضه : قسم التمريض امشي طول ع ايدك اليمين 3 قسم
ريماس: تمام شكرا
الممرضه:ولو
مشت ريماس لين وصلت للقسم خبطت ع الباب وخشت
ريماس : سلام اعليكم
الكل وعليكم السلام
فهد: نورتي ريماس ريماس هدي الطالبه جديده معانا وبنبدو من جديد نراجعولها تفضلي ريماس
جوري: 
بصوت واطي ع حساب منو نعودو من اجديد ع خاطر السوده هدي
بصوت واطي ع حساب منو نعودو من اجديد ع خاطر السوده هديريماس : سمعت كل شي وضايقت هلبا من يوم تزوجت امها وختفت ماسمعت ه الكلمه
فهد: حتى هوا سمع مني هدي لي تكلمت توا
كلهم : مانندرو
فهد: صوت مانبي نسمع ريماس تفضلي اقعد
قعدت ريماس ع الكرسي الاول
جوري: شن تحساب روحها هيا فوق ماانها تسد النفس قاعده قدامي يا ماما راك جيتي متاخره وخري مانفمش هك نا
اكلهم بدو يضحكو
فهد : جوووري برا
جوري : بس يستاد
فهد: انا قلت برا يا جوري مانبي نشوف وجهك هنا عندي
جوري : طلعت متعقده تسب وتلعن
ريماس : عيونها تعبو دموع ناضت طلعت حتى هيا
فهد : طلع وراها
فهد: ريماس ريماس
ريماس: وقفت تمسح ف دموعها
فهد: مسكها من ايدها تعالي معاي
رفعها للمكتب امتاعه
فهد: هاك اشربي ميه صاقعه
ريماس : مانبي
فهد : خيرك بس ماتعدلي عليها ناقصه عقل
ريماس:تو نا نسد النيه صح انا سوده بس نحس زي زيكم ره طول عمري ونا نسمع ف الاهانات لين كرهولي حياتي
فهد: ريماس اهدي اهدي وحق ربي لا نجامل ولاشي لونك سمح سمره ماك سوده وماتسدي النيه خليك واثقه من روحك الف بنت تتمنا تكون كيفك وكلهم لي ضحكو عليك انتي خير منهم شكلا واخلاقا واسلوب عمرك سمعتي شكلاته تسد نيه
ريماس: ههه ضحكت من غير قصد
فهد: قرب منها بدا يمسحلها ف دموعها
ريماس : قلبها يدق بسرعه لين مش قادره تتنفس ااا شكرا دكتور
فهد : معاش تقوليلي دكتور قولي فهد
ريماس: حااضر شكرا فهد
فهد: ولو العفو يا قمر
ريماس : تحشمت
تلفون ريماس يرن
ريماس : الوو
نسرين : ر ريماس امينه م م ماتت وتبكي
ريماس : ك كيف شن تقوولي نسرين خيرها جدتي
نسرين : تبكي وماقدرت تكلمها طفت عليها
ريماس : فهد فهد جدتي وتبكي
فهد : شن في خيرها
ريماس : سمعت كل كلام نسرين بس مش مصدقه
ريماس : م مانعرف فهد ساعدني وتبكي
فهد : اول مارها تبكي وتطلب منه المساعده جبدها وضمها
فهد :اسسس خلاص تو نشوفها ماخيرها شي اكيده صحتها 100%
ريماس : شدت ف فهد بقوووه وتبكي
فهد : تعالي معاي
طلع واجل المحاضره والمصحه كلها تشوف ف الدكتور كيف شاد في ايد ريماس
طلعو من المصحه وركبها ف سيارته وريماس توصفله ف الطريق وتبكي لين وصلو
نزلت ريماس تجري اول ما خشت تسمع ف صوت نسرين تبكي طول مشت تجري لغرفة امينه وفهد ورها يجري
خشت ريماس للغرفه تمشي ببطئ لين طاحت ع رجليها
امينه كانت شبه قاعده متكيه وعيونها مفتوحه
فهد : اول مارها عرف انها ماتت قرب منها وصكرلها عيونها
فهد : ان لله وان اليه لراجعون
ريماس: لاااا لاا لا جدتي لا ماتموتي وتخليني ماعندي غيرك ماما
نسرين : تبكي لين حست باالارض دور بها
.
.
عند الماس
الياس : حبي نوضي حي على امك حي شوفي الساعه
الماس : فاقت شني حبي خليني
الياس : تي نوضي شني نخليك ساعه 2ره محمد اكيد سال ومالقاك ف المدرسه
الماس: ناضت مخلوعه حي عليا نا واااك شن بنقوللهم نا حول عني ناضت ولبست ملابسها
الماس: نوض وصلني
الياس : تي باهي به نوصلك للحوش كان سالوك وين كنتي قولي عند صاحبتك وصاحبتك اتصلي بها تو احكيلي بالك يكلموها وبيسألوها
الماس : افففف نوض يا خرا
الياس : شنو ترا عاودي
الماس: اسفه حبي والله خايفه
الياس : ضربها ضربه خفيفه ع جنبها وخري
الماس : ااااه بطني بطني الياس
الياس : يحسابها تبالغ ترا فوتي قدامي ناقصك مشاكل هوا بدون دلع زايد
الماس تحملت الوجع وماتعرف من شني وشن السبب
ركبو ف السياره وطول الطريق الماس شاده بطنها وماحكت ولا كلمه والياس ملاحظ حركاتها وعرف انها ماتبصر وطوول بدا عقله يجيبه ويرفع فيه
وصلو ودرس الياس في لفه خلف حوشهم بيش مايشوفهم حد نزلت ولا كلمه خشت للحوش وسلوى ماشيه جايه خايفه ع بنتها
اول ماخشت الماس
محمد: وين كنتي
سلوى :الماس بنتي
يوسف : وين كنتي يا بنت
الماس : اهدو تو نحكيلكم
محمد: شن عندك تحكي ها تي مسجله غياب ونا وصلتك لفم باب المدرسه
الماس : اي اول ماخشيت اتصلت بيا اخت صاحبتي قاتلي روح ف المستشفى صاير معاها حادث طول خديت تكسي انا وصاحبتي التانيه ومشينالها
يوسف : اممم ومني روح هيا
محمد: زيدي اكدبي وطلع برا
سلوى: ياروحي كيف حالها تو روح
الماس : باهي احسن
يوسف : وعلاش ماتصلتي ب محمد يروح بيك
الماس: خارج الطغطيه
يوسف : بااه امشي لغرفتك
الماس : نعطيكم رقم اختها بيش تتاكدو
يوسف: لا امشي لغرفتك
الماس : حاضر
عند الياس
ف الطريق يفكر اوووف ان شالله مايطلع لي في بالي صح بس شن فها لو نتاكدو مش خاسرين شي
يتبع ……….
لقراءة الجزء التالي : الجزء الحادي عشر من رواية ظلموني
لقراءة الجزء السابق : الجزء التاسع من رواية ظلموني
للإطلاع علي فهرس أجزاء الرواية : جميع روابط اجزاء رواية ظلموني للكاتبة زهرة الشيخ
جميع الحقوق محفوظة للكاتبة زهرة الشيخ .
